Is 22:23 - Chuj San Sebastian Bible

²³ Caw wach' 'oj wutc wa'n can 'och 'a yopiso, ax sb'inax 'a scal eb' yican smam, 'icha wal stzatzl tz'ajcn 'och junc lawx 'a junc tas, 'ixta 'oj wutc can 'a yopiso cha.

Chuj San Mateo Bible

²³ Te vach' ol vutej vac'anoch vin̈ d'a yopisio chi', icha val tz'aj slavuxajcanoch junoc tas d'a sat pat. Ol b'inajcan vin̈ d'a scal eb' sc'ab'yoc.

Is 22:23 Referans Kwoze

Job 36:7

A tztan̈wni eb' 'anma wach' sb'eyb'al, a tz'a'n 'och eb' yajlil sec tzb'inax eb' 'a smasnil tiempo.

Esdras 9:8

Palta a ticnec Mamin Jehová, qui Diosal ach on̈, a yuj a chamc'ojlal 'ayn̈ on̈, wach'xam jaywn̈ wal qui b'ey on̈ 'elt 'a libre tic on̈, palta tztac' qui b'on pax 'ejm qui b'a 'a sat lum lum to ec yaji. Ach qui Diosal on̈, 'ix ac' qui tzaljc'ojlal jun 'ejm xo on̈, on̈ a coln pax 'elt 'aj 'ayn̈ 'och mosoal on̈.

Zacarías 10:4

A 'a scal eb' chi 'oj 'eltc jun q'uen q'uen to niwn yel'chi, yet' jun 'istaca yic Mantiado, yet' pax jul-lab' yic owal. Tzyal 'el'chi, a 'a scal eb' chi 'oj 'eltc smasnil eb' yajl 'oj jucb'tzanc eb'.

A Ch'an̈ B'ab'el Libro Samuel 2:8

Ach tzej chan̈ eb' meb'a', tze'n pax chan̈ eb' c'anm limosna, sec tz'och yopiso eb' yet' eb' niwc winac. Yujto Jehová ach, ach 'ay ec jun tzo'n̈ sb'achnub'al yich lum lum tic, ach 'ix a b'achcn q'ue jun yolyib'n̈q'uinl tic 'a yib'an̈.

Apoc 3:21

A eb' 'oj 'a'nc ganar ya'n techjoc, 'oj wac' 'em wocn eb' 'a 'aj 'ay in despacho, 'icha wutjnac wa'n ganar wa'n techjoc, wem wocn yet' in Mam 'a 'aj 'ay sdespacho.

Ec 12:11

A spaxti eb' jelan, lajn wal 'icha stotz'b' junc no noc'. A yic schan sb'a jun tzo'n̈ paxti cha, yic xwa'n 'och eb' 'a stzolil, lajn 'icha junc 'istaca tzma'x can 'ejm 'a yol lu'um. A jun tzo'n̈ paxti cha, a Dios Quilmalec a x'a'n 'ayn̈ec.

Ester 10:3

A Mardoqueo 'ix 'ochcn schab'loc 'a win rey cha. Caw wal niwn x'aj 'el'ch 'a scal eb' yit israelal, nib'b'il yuj smasnil eb' yit chon̈ab', yujto caw 'ix sayc' swach'l eb' yit chon̈b' cha. 'Ix yac' wal yip, yic wach' tzcan eb' 'a tzaljc'ojlal yet' 'a junc'ojlal.

Ester 4:14

Toto mayn̈ej tas 'oj al ticnec, toto 'ixta', 'ajmn̈ej 'oj cot junc qui colmalec an̈ israel on̈c tic, palta ach xo tic yet' smasnil eb' ecan, c'uxn 'oj qui satli. Toq'ue yuj jun yailal tic, ach si'x 'och reinail yic tzon̈ a coln 'eli, xchi Mardoqueo cha.

Is 22:24

A smasnil eb' yican smam yet' eb' yin̈til, eb' 'unnab'il yet' eb' 'ichicnab'il, a tz'ochcn 'ajcuentail 'a eb' cha, caw 'al 'oj 'ajcn 'och eb' 'a 'a. Lajn 'icha yal-l tz'ajch locn nan̈loc xalu mto nan̈loc chen 'a junc ch'oc, 'ixta 'oj 'ajch eb' 'a 'a.

Is 22:25

A 'a yic jun c'ul cha, a jun ch'oc wach' yaj 'a yet'ul, a 'oj to'xoc 'emta, ax yem lan̈njoc 'a sat lum yet' smasnil tas locn 'och 'a 'a, ax smasnil jun tzo'n̈ cha, c'uxn 'oj pojoc, xchi Dios 'ayin, xchi Isaías.