Is 19:24 - Chuj San Sebastian Bible

²⁴ A 'a jun c'u cha, 'oj ya'ch sb'a eb' israel yet' eb' 'aj Egipto yet' pax eb' 'aj Asiria, junxn̈ej 'oj yutc sb'a 'oxe nacion̈ tic, yuj cha, ax ya'n Dios swach'c'ojlal 'a yib'n̈ smasnil chon̈b' 'ay 'a yolyib'n̈q'uinl tic.

Chuj San Mateo Bible

²⁴ A d'a jun tiempoal chi', a eb' israel, junn̈ej ol yutoc sb'a eb' yed' eb' aj Egipto yed' pax eb' aj Asiria chi'. Yuj eb' ol yac' svach'c'olal Jehová d'a masanil yolyib'an̈q'uinal.

Is 19:24 Referans Kwoze

Is 65:8

Palta ma'oj in satl eb' in checb' smasnil 'a jun nacion̈ tic, yujto 'ayt jaywn̈ocx eb' wach' 'a scal eb'. Lajn eb' 'icha junc c'ojlab' te sat uva 'aych tz'ab' 'a 'a, palta a 'a scal cha, 'ayt junjnoc te wach', yuj cha, matz comn xutx 'el yuj eb' 'anma', yujto 'ayt yalil wach' yi'n 'elt eb'. 'Icha te uva cha, 'ixta waj yet' eb' in checab'.

Gn 12:2

A en̈til, a 'oj 'och niwc chon̈b'al wu'uj. 'Oj in ch'ox in wach'c'ojlal 'ayach. Yel xo wal 'oj a b'inaxi, o'oj ax schan eb' 'anma yaxilal.

Gl 3:14

'Ixta x'aj Cristo Jesús, sec yu'uj, ax ya'n Dios syaxilal 'ayx man̈ ex israeloc, 'icha yutjnac ya'n 'a Abraham pecti'. An̈jtona', yuj Cristo chab'il Yespíritu Dios cujec qui masnil, 'icha yutjnac ya'n can sti'.

Ro 15:27

'Ix 'el 'a sc'ojl eb', to xyac' eb' jun ofrenda cha. Caw wach' 'ixta', yujto 'icha to 'ay sb'oc eb' 'a eb' 'aj Jerusalén cha. Yujto a eb' israel cha, a eb' colwjnac 'a eb' man̈ israeloc chi 'a yic espiritual. Yuj cha, a eb' man̈ israeloc cha, 'ay yaln eb' yic scolwj pax yet' yofrenda 'a eb' israel cha.

Lc 2:32

A jun tic 'oj 'a'nc sacq'uinl 'a eb' man̈ israeloc, ax sb'inax chon̈b' Israel yu'uj, xchi Simeón cha.

Zacarías 8:13

'Icha 'ajnc e b'inax ex 'aj Judá, yet' ex 'aj Israel 'a scatb' paxti eb' chon̈ab'. Ax ticnec, 'oj ex in col-li, ax e b'inax 'a swach'il. ¡Caw man̈ ex xiwoc! ¡Te'n tzeyutj e b'a! xchi Dios.

Ez 34:26

'Oj wac' in yaxilal 'a yib'n̈ eb' yic 'ayc' eb' 'a lum tzaln yic 'emmquilal, ax wa'n cot n̈ab' 'a sat lum lum chi 'a 'icha stiempoal.

Is 66:12

An Jehová in, an tzwal 'ixtic: 'Oj wac' 'ejm junc'ojlal 'a scal eb' 'anma 'a jun chon̈b' tic. A jun cha, lajn wal 'icha junc a b'eymal a'. 'Oj jawc secnjoc yaxil 'a eyib'an̈, atn sricoal jun tzo'n̈ nacion̈ 'a b'esan. A eb' 'oj eya'n servil, 'icha junc tz'ulc 'unn tz'ajx chuwoc, mec'b'il yuj snun caw wal nib'b'il, 'ixta 'oj eyaji.

Is 65:22

Man̈x 'a te n̈a ton̈j 'oj sb'o eb', ax chucx mach tzcajni. Man̈x 'a tas ton̈j 'oj yawc eb', ax chucx mach tzlon sat yawb'ente eb' cha. A eb' in chon̈b' cha, caw wal 'oj najtxb'oc sq'uinl eb', lajn 'oj 'aj sq'uinl eb' 'icha eb' te niwc te'. A eb' 'anma sic'b'il 'el wu'uj, najtl 'oj tzaljoc eb' sc'uxn yel-l spac smunljel tzb'o'o.

Is 49:22

An Jehová in, an 'oj wal 'a jun tzo'n̈ nacion̈, ax wi'n chan̈ in bandera yil eb', sec 'oj me'xoc cot eb' one yuj eb', 'ay eb' 'oj q'ue 'a squelb' eb', ax wul yajxoc can pax eb' 'aych yuj eb'.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Is 6:13

Toto 'ayt jaywn̈ocx eb' 'oj can 'a yol schon̈b' cha, ax scha ma'x pax 'ejm schon̈b' eb' chi jun 'ejm xo. Palta 'icha tzyac' te jiy mto te ma'ach', 'a yic tzch'acx 'el te', cojxn te yib' tzcani, 'ixta 'oj 'aj eb'. (Palta a te yib' cha, tzwoln pax te'. 'Icha te yib'te cha, 'ixta eb' in chon̈ab', 'oj in si'cn 'el jaywn̈ocx eb' wico'), xchi Dios.

Dt 32:43

Ex nacion̈ tzaljan̈c yet' jun schon̈b' Dios tic, yujto 'oj spactzoc Jehová schamlil eb' schecab'. 'Oj yac' spac 'a eb' 'ajc'ojl yajch 'a eb', ax ya'n lajwc smul eb' schon̈b' cha, xchi Moisés.

Is 19:23

A 'a jun tiempoal cha, 'ay jun niwn b'e 'oj 'at 'a Egipto masnto 'oj c'och 'a chon̈b' Asiria. A eb' 'aj Asiria 'oj stac' sc'och eb' 'a Egipto, 'ixta pax eb' 'aj Egipto 'oj stac' sc'och pax eb' 'a Asiria cha. A chab' nacion̈al eb' 'anma tic, 'oj smol alc sb'a eb' 'a Jehová.

Is 19:25

A Jehová tztac' yuj smasnil, 'oj yac' swach'c'ojlal 'a yib'n̈ eb' nacion̈ cha, ax yaln 'ixtic: 'Oj wac' in wach'c'ojlal 'a yib'n̈ in chon̈b' Egipto, yet' 'a yib'n̈ Asiria, atn in b'ob'en, yet' 'a yib'n̈ Israel, atn jun chon̈b' to wic xon yaji, 'oj schioc.

Is 27:13

A 'a jun c'ul cha, 'oj 'utz'xoc jun trompeta to 'oj 'ab'xoc sjaj 'a najat, a eb' satnc can 'at 'a Asiria, yet' eb' 'ijxnac can 'at 'a Egipto, 'oj jawc eb' wul yac' 'ejm sb'a 'a Jehová, atn 'a lum tzaln to yic 'emmquilal yaj 'a Jerusalén.