Is 18:3 - Chuj San Sebastian Bible

³ E masnil ex wit 'anmal cajn 'a yolyib'n̈q'uinl tic, 'ab'ec, sec 'oj eyil yajx q'ue jun bandera 'a lum jolm witz, ax eyab'n yutz'x trompeta ta'.

Chuj San Mateo Bible

³ Masanil ex cajan ex d'a yolyib'an̈q'uinal tic, ayic ol eyilan scheclajq'ue junoc yechel d'a lum jolomtac vitz, ol eyab'an spuchaj q'uen trompeta, tze maclej eyab'i.

Is 18:3 Referans Kwoze

Is 5:26

'Oj ya' chan̈ jun bandera yil jun tzo'n̈ xo nacion̈, ax xulmj 'at 'a eb' nacion̈ cajn 'a 'aj tzlajw c'och sti lum lum tic. 'Oj yawtc cot eb' 'anma chi 'a caw najt cha, ax sjaw tza'njoc eb' muc'uc.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Mt 13:16

Palta ax xo tic, caw wach' eyico', yujto tzeyila, tzeyab'n paxi.

Mt 13:9

A jun tzo'n̈ tzeyab' tic, nac wal si'mb'il, xchi 'a eb'.

Zacarías 9:14

A Jehová 'oj sch'ox sb'a 'a yib'n̈ schon̈ab'. 'Icha raya 'ixta 'oj yutc sjulwji. A Jehová Cajlil, 'oj yutz'c strompeta, ax yec' lemnjoc 'a scal chacxuxm'ic' 'a stojlal sur.

Miqueas 6:9

Wan yawtn Jehová eb' schon̈ab'. Caw 'aych 'a snab'en eb' smaclni yab' 'a 'emmquilal tas tzyala. Tzyal Jehová 'ixtic: Jaw cab' e nab'en yuj yailal, 'ay cab' wel'ch 'a e sat, an ton tzwa'ch eyailal cha.

Miqueas 6:2

'Icha cab' to tzyab' pax eb' lum witz, yet' stzatzl yich lum lum tic, tas 'oj wal yuj e mul ex israel, caw 'oj wac' owl eyet'oc.

Jeremías 22:29

¡Ex cajn ex 'a jun nacion̈ tic, macljec eyab' wal tas tzyal Jehová!

Is 13:4

Ex 'aj Babilonia 'ab'c wal jun 'aw 'a eb' lum jolmctac witz cha. A wal tzcab'i to caw niwn 'anma yamn ta', atn eb' 'anma xcot 'a jun tzo'n̈ xo nacion̈. A Jehová tztac' yuj smasnil, a wan ya'n 'awtxoc slistail eb' soldado 'oj 'och 'a owl cha.

Is 13:2

A 'a sjolm jun witz may ste'al, ata tzeyac' chan̈ junc e bandera. Alx cab' yab' eb' soldado, to tz'och eb' 'a owal, 'ijec chan̈ e c'ab' yic tze ch'oxni 'ajtil tztac' yoch eb' soldado chi 'a yol sti spuertail yatut eb' yajl 'a Babilonia.

Is 7:18

A 'a jun tiempoal cha, 'oj ya' cot Jehová eb' soldado cajn 'a stitc a niwn a 'a Egipto, ax sjaw somnjoc eb' 'icha tzyac' no 'us. 'Oj yawtn cot eb' soldado 'aj Asiria, ax sjaw somnjoc eb' 'icha no sno'l chab'.

Is 1:2

Ex 'aj satcha'an̈ yet' ex 'aj sat lum tic, 'ab'ec. A eb' 'anma tic, xin c'uytzej eb' 'a yic yune'al masnto x'och yip eb', palta ax x'aji, 'ix meltzj 'och eb' 'ajc'ojlal 'ayin.

Salmos 50:1

A Dios Cojxni, atn Jehová, a xpaxtini yic xyawtn eb' 'anma cajn 'a sat lum lum tic; eb' 'ay 'a stojlal 'aj tzq'uel c'u, yet' eb' 'ay 'a stojlal 'aj tz'em c'u.

Is 31:9

Yuj wal jun xiwlal cha, ax s'at win rey yet' eb' scapitan̈il eb' soldado 'eloc, ax yactn can eb' sbandera. A Jehová a tzaln jun tic, atn jun 'ay yic jun yet'l xajmb'al 'aych sc'a'l 'a tzaln Sión, a sc'a'l yowl sc'ojol, caw tzn̈ilchj 'a Jerusalén, yic tzya'n 'och yailal 'a eb' 'ajc'ojl yajch 'a 'a.

Is 49:22

An Jehová in, an 'oj wal 'a jun tzo'n̈ nacion̈, ax wi'n chan̈ in bandera yil eb', sec 'oj me'xoc cot eb' one yuj eb', 'ay eb' 'oj q'ue 'a squelb' eb', ax wul yajxoc can pax eb' 'aych yuj eb'.

Jeremías 51:27

Ch'oxc chan̈ jun senya yic owl 'a Babilonia. 'Utz'jec q'uen trompeta, sec tzjaw smasnil nacion̈ yac' owl 'a 'a. Cot cab' eb' 'aj Ararat, yet' eb' 'aj Mini, yet' pax eb' 'aj Askenaz yac' owl yet'oc. Si'c 'och junc general tzjucb'tzan eb' soldado 'a owal. 'At cab' no chej 'a owal, niwn cab' no 'icha no c'ulb' man̈x jantcoc sb'isul.

Miqueas 1:2

E masnil ex wit chon̈ab', 'ab'c wal jun tzo'n̈ tic. Tzcham wal e maclni e masnil ex cajn 'a yolyib'n̈q'uinl tic: A Jehová Cajlilec, 'ayc' 'a yol yatut to yicn̈ej yaji, a 'oj alnc 'el e mul.

Is 11:12

'Oj q'ue junc bandera tzch'oxni, chajtlto a tzmolb'tzan paxt eb' israel 'aycn 'at 'icha presoal 'a jun tzo'n̈ xo nacion̈. An̈jtona eb' 'aj Judá 'oj smolb'tzoc paxt eb' 'aycn 'at 'a smasnil yolyib'n̈q'uinl tic.