Is 16:6 - Chuj San Sebastian Bible

⁶ Cojquec wal si'mb'il tas x'aj yi'n chan̈ sb'a eb' 'aj Moab, caw sb'an̈ sb'a eb', caw tu tas xlaj yal eb', palta man̈ yelc tas xyal eb' cha.

Chuj San Mateo Bible

⁶ Cojtac val sic'lab'il tastac val syutej sb'a eb' aj Moab yac'an ac'umtaquil. Ac'umtacxon̈ej scomon lolon eb', palta a tas syal eb' chi', malaj jab'oc yelc'ochi.

Is 16:6 Referans Kwoze

Am 2:1

A Jehová tzaln 'ixtic: A wal eb' 'aj Moab, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Sn̈usjnac eb' sb'acl eb' sreyl Edom, masnto 'ochnc tan̈il yuj eb'.

Jeremías 48:42

A Moab, man̈x nacion̈oc 'oj 'ajcni, yujto xyij chan̈ sb'a 'a 'ayn an Jehová in.

Jeremías 48:26

Tzyaln pax Jehová 'ixtic: Somchjnacx snab'en eb' 'aj Moab, yujto tenmtac xyutj sb'a eb' 'ayin. Tzetzx cab' eb' yuj eb' 'anma', 'icha tz'aj stzetzx junc 'u'm 'an̈ tzb'al sb'a 'a scal xej.

Jeremías 50:36

Milc cham eb' tztac' snan 'el paxti yalni, may snab'en eb'. Milc cham eb' soldado, 'in caw xiwc'ojlal xoj yaj eb'.

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Is 28:18

A e trato xe b'o yet' syajlil chamel, 'oj sat 'ejmi, 'oj jawc chaml 'a eyib'an̈, ax e cancn 'a yaln̈ yu'uj.

Is 28:15

Yujto eyaljnac ab' 'ixtic: 'Ay jun qui trato qui b'ojnac yet' syajlil chamel, a yic 'oj jawc jun tas tzon̈ satn 'eli, ma'oj jawc jun chi 'ayn̈ec, yujto xca' qui trato yet' chamel, to a 'es yet' tas man̈ yeloc a tzon̈ colnec, xe chi.

Is 2:11

A 'a jun c'u cha, 'oj 'ijxoc can 'ejm eb' tzb'an̈ sb'a, yet' cob' eb' tzyij chan̈ sb'a. Cojxn Jehová 'oj 'ijxc chan̈ sb'i 'a jun c'u cha.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.

Pr 21:24

A mach b'uchmtac, yel xo tz'ec' 'a yib'n̈ sb'an̈n sb'a, tzyij chan̈ sb'a, man̈x 'a yel'ch yit 'anmal 'a sat.

Is 25:11

'Icha to 'oj cob' sjen̈l Moab chi sc'ab', 'icha tz'ajl jen̈n sc'ab' junc mach tznoxwi, wach'xam 'oj cob' to yac' wal yip, palta 'oj sat 'ejm sb'an̈jb'al chi yuj Dios.

Is 15:1

A jun tzo'n̈ paxti tic 'ix alx can 'el 'a yib'n̈ eb' 'aj Moab: A 'a jun 'ac'wl 'aj 'oj satl chon̈b' Ar yet' jun 'ac'wl 'aj 'oj satl chon̈b' Kir 'a yol yic Moab, a yic cha, 'icha wal to a Moab chi tzsatli; caw 'oj can 'a sictaquil.

Is 25:10

A Jehová, a 'oj tan̈wnoc lum tzaln Sión, ya' sb'a ax chon̈b' Moab, wan ste'x can 'ejm 'icha tz'aj ste'x 'at te 'ac 'a scal stza no noc' 'a yol junc jul.

Jeremías 48:14

Man̈ yal cab' eb' 'aj Moab 'ixtic: An̈ tic, caw jeln on̈, b'inab'il on̈, to caw 'a'm on̈ owal, man̈ xchic cab' eb'.