Is 13:11 - Chuj San Sebastian Bible

¹¹ Yuj cha, ax yaln Jehová 'ixtic: A ticnec, 'oj wa'ch yailal 'a yib'n̈ eb' 'anma 'a yolyib'n̈q'uinl tic yuj maysch'olnil tzlaj sb'o. 'Oj wac' sat 'ejm sb'an̈quinal eb' tzlaj yi' chan̈ sb'a, yet' eb' may yel'ch yit 'anmal 'a sat.

Chuj San Mateo Bible

¹¹ Ol yalan Jehová icha tic: Ol vac'och syaelal masanil eb' anima d'a yolyib'an̈q'uinal tic yuj chucal sc'ulej eb'. Ol viq'uem eb' syic'chaan̈ sb'a. A eb' malaj yelc'och eb' yetanimail d'a sat, man̈xa jab'oc ol aj yelc'och eb'.

Is 13:11 Referans Kwoze

Is 2:11

A 'a jun c'u cha, 'oj 'ijxoc can 'ejm eb' tzb'an̈ sb'a, yet' cob' eb' tzyij chan̈ sb'a. Cojxn Jehová 'oj 'ijxc chan̈ sb'i 'a jun c'u cha.

Is 5:15

'Oj 'ijxoc 'ejm smasnil 'anma yet' sjelnal, ax eb' b'an̈quintac, 'oj yic' 'ejm sb'a eb'.

Is 26:21

Yujto 'oj 'eltoc Jehová 'a yol sdespacho yuj wul ya'nc 'och yailal 'a yib'n̈ smasnil 'anma cajn 'a sat lum lum tic, man̈x 'oj sc'ub'c 'el lum lum tic eb' milb'il cham 'a 'a, palta to 'oj sch'oxl lum jantc maysch'olnil 'ix uj 'a sat.

Is 14:21

B'o cab' yet'l 'aj tzmilx cham eb' yunnal, 'oj cham eb' 'unnab'il chi yuj smul smam yicham, man̈x 'oj scaj eb' lum lum tic, sec wach' man̈x 'a 'anma 'oj yixtc eb', man̈x 'a junc chon̈b' 'oj b'ut'joc 'el yuj eb' 'a yolyib'n̈q'uinl tic, xchi jun poesía tic.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Is 3:11

'Oltac wal eb' 'anma tu snab'en, a maysch'olnil 'oj scha sb'a eb' yet'oc, a tas sb'ojnac eb', a chi 'oj 'ajxoc spacc 'a eb'.

Is 2:17

A eb' b'an̈quintac yet' eb' tzyij chan̈ sb'a, 'oj lajwc 'ejm eb' smasnil. A sb'an̈quinal eb' cha, 'oj 'ijxoc can 'ejmi. Cojxn Jehová 'oj 'ijxc chan̈ sb'i 'a jun c'u cha,

Job 40:12

A eb' tzcob' yi' chan̈ sb'a yet' eb' maysch'olnil sb'eyb'al tzlaj 'ilchjoc o'oj, tza te'cn 'ejm eb'.

Pr 8:13

Toto 'ay yel'ch Jehová 'a qui satec, yowlal tzquijec 'el qui b'a 'a scal maysch'olnil. Toto jeln on̈ec, man̈ qui b'an̈c qui b'a, man̈ qui'c chan̈ qui b'a, man̈ qui b'oc tas tu', man̈ ca'c pax 'es.

Is 14:5

'Ix smac'wecchjoc Jehová sc'occh win tu cha, atn sc'occh win yic yopiso,

Is 22:14

Ax Jehová tztac' yuj smasnil, a 'ix sch'ox sb'a 'ayin, 'ix yaln 'ayn 'ixtc 'a stojlal: Ma'oj wac' niwnc'ojlal 'a eb' 'anma tic yuj stenmtacl cha, palta to 'oj cham eb' yu'uj, xchi.

Is 23:9

A Jehová tztac' yuj smasnil, a 'ix nani, yic tz'ijx 'ejm smasnil eb' tzb'an̈ sb'a, eb' jeln tzyutj sb'a 'a sat lum tic.

Is 24:21

A 'a yic jun c'ul cha, a Jehová a 'oj 'a'nc 'och yailal 'a yib'n̈ eb' demonio tz'ec' 'a scal 'ic', yet' 'a yib'n̈ eb' rey 'a sat lum lum tic.

Is 25:3

Yuj cha, a eb' nacion̈ caw 'ay yip, 'ayx el'ch 'a sat eb' ticnec, ax eb' may sniwnc'ojlal, 'oj xiw eb' 'ayach.

Is 29:5

Ax 'oj 'ajoc, a Jehová tztac' yuj smasnil, wal 'a yajn̈ej ax sjaw yet' yowl sc'ojol yic tzya'n 'och yailal 'a yib'n̈ eb' 'ajc'ojl yajch 'a Jerusalén. 'Oj c'an̈ c'u, ax yec' niwc quixcab'. 'Oj jawc niwc chacxuxm'ic', niwc yaxn̈ab', yet' junc niwquil c'ac' 'et'jnac chamel. A eb' 'ajc'ojl cha, man̈x yalnb'ilc sb'isl eb'. Lajn xoj 'oj 'ajcn eb' 'icha pococ. Caw choc' 'oj 'ajcn eb' 'a'm owl cha. 'Oj 'ijxoc 'at eb' 'icha tz'aj yijx 'at solcal 'ixm trigo yuj 'ic'.

Is 29:20

A eb' may yel'ch yit 'anmal 'a sat, 'oj lajwc 'ejm eb'. Ax eb' ch'an tzyutj sb'a, man̈x 'a junc eb' 'oj can 'a pitznal. A eb' cojn maysch'olnil tzna'a, 'oj satl eb' smasnil,

Is 65:7

'Oj stuplajwc eb' smul cha, yet' pax smul smam yichm eb'. Caw wal tenmtac eb', 'ix laj sn̈usn eb' incienso 'a lum jolmctac witz. 'Oj in b'eyc'ojloc eb' b'ab'el, ax wa'n spac yic junjn eb'.

Jeremías 48:29

Wojc wal sb'an̈jb'al eb' 'aj Moab. Caw ch'an eb', niwc winc tzyutj sb'a eb'. Yel xo tzyij chan̈ sb'a eb'.

Habacuc 2:4

Tz'ib'j can paxi, chajtlto a eb' maysch'olnil sb'eyb'al, caw wal tzb'an̈ sb'a eb', palta ax eb' tojl snab'en, pitznn̈ej eb', yujto tzin ya'ch eb' 'a sc'ojol, xchi Dios.

Pr 11:31

Toto a eb' tojl sb'eyb'al 'oj scha eb' spac yic 'a sat lum tic, ocxom wal eb' may yel'ch Dios 'a sat yet' eb' 'ajmul, yel xo wal ya 'oj 'ec' eb' schan spac tas sb'o'o.

Is 2:12

A Jehová tztac' yuj smasnil, 'oj jawc jun c'u to nab'il xo yu'uj, yic tzya'n cot yowl sc'ojl 'a yib'n̈ eb' b'an̈quintac, eb' tenmtac, eb' cob' tzyij chan̈ sb'a;

Is 25:5

'Icha wal yowl sma'wj yoc c'u 'a lum tacn̈ lu'um, 'ixta tzotj e'n 'ejm sb'an̈jb'al eb' 'ajc'ojl yajch 'ayon̈. 'Icha wal tz'aj sicb' yoc c'u yuj yen̈l junc 'asun, 'ixta wal tz'aj yactn eb' may sniwnc'ojlal chi yel yaw.

Dn 4:34

'Ix yaln pax win rey chi 'ixtic: A yic xtz'acw stiempoal jun yailal 'aych 'a wib'an̈, in q'ue q'ueln 'a satcha'an̈, 'ix tojlb'i can pax in nab'en. Xlajw cha, xwaln wach' paxti 'a jun Dios caw niwn yel'chi, 'ix wi'n chan̈ sb'i Dios jun mach 'ayc' 'a jun 'ejmn̈ej. Yajl yaj 'a jun 'ejmn̈ej. 'Oj b'eyn̈j yopiso 'a yib'n̈ junjn macn̈il 'anma'.