Is 11:2 - Chuj San Sebastian Bible

² A jun cha, 'aychn̈ej Yespíritu Jehová yet'oc, 'oj yac' sjelnal, 'oj yac' wach' nab'enal 'a 'a, 'oj yac' tojlal, 'oj yac' yip, 'oj yac' spoder, 'oj ya'n yojcoc 'el tas tznib'j Jehová, ax syiclni.

Chuj San Mateo Bible

² Ol ochn̈ej Yespíritu Jehová yed'oc. A' ol ac'an sjelanil yed' yaj pensaril. Yuj Yespíritu chi', ol nachajel yac'an razón, ay pax yipal. Ol yojtaquejel Jehová, ol ic'jocpaxchaan̈ yuuj.

Is 11:2 Referans Kwoze

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Jn 16:13

At 'a yic 'oj jawc Yespíritu Dios caw yel, at 'oj 'a'nc nachjc 'el smasnil tas yel eyu'uj, yujto man̈ munoc 'oj yal 'a yol yico'. Jantcn̈ej tas 'oj alxc 'a 'a, an̈j 'oj yala'. 'Oj yal pax 'ayex, yuj tastc tot 'oj jawoc.

2 Ti 1:7

A Dios, man̈oc xiwc'ojlal xyac' 'ayon̈. Palta a spoder 'ix yac'a, sec te'n tzcutj qui b'a. 'Ix ya'n qui chamc'ojloc qui b'a, 'ix ya'n pax cac' cuenta qui b'a qui ch'ocoj.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Mt 3:16

Ax yic xlajw yajx bautisar Jesús, 'ix q'ue paxt 'a yojl a'. Yajn̈j cha, xjacw satcha'an̈, 'ix yiln Jesús chi yeml Yespíritu Dios, 'ix 'ejm 'a yib'n̈ 'icha junc no parama.

Jn 3:34

Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a.

Jn 14:17

A eb' yic xon yolyib'n̈q'uinl tic, ma'oj stac' schan eb' jun tic, yujto matz tac' yiln eb', man̈ yojcoc eb'. Ax xo tic, eyojc xo Yespíritu tic, yujto 'ayc' xon eyet'oc. A 'oj 'ochcn 'ayx 'a jun 'ejmn̈ej.

Is 48:16

Cotn̈ec 'a in tz'ey, tze maclni eyab' tas 'oj wala': Yictax pecti', may junc tas 'ix wal 'a c'ultaquil. A yic tzuj smasnil jun tzo'n̈ tic, 'ayn 'ec' xon ta', xchi Dios. A ticnec jun, checb'il in cot yuj Jehová Dios yic tzwaln jun tic yuj spoder Yespíritu.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

Is 59:21

Yuj cha, xyaln Jehová chi 'ixtic: A ticnec, tzin b'ocn jun in trato tic eyet'oc, tzwa'n can in ti', to a Wespíritu yet' jun tzo'n̈ cuynb'il xwa'cn 'ayex, may xon b'a'n̈ 'oj 'el 'ayex. 'Oj e cuycn eb' eyunnal 'a in checnb'il cha, ax eb' eyunnal chi 'oj cuync can pax yunnal b'aq'uin̈. Tzcan jun in trato tic eyet' 'a jun 'ejmn̈ej, xchi Dios.

Dt 34:9

Ax Josué yunnal win Nun, 'ix schaj can sjelnal 'a Moisés, yujto ya'jnac can Moisés chi yopiso 'a 'a, ax eb' yit israelal, yiclum xyutj sb'a eb' 'a Josué, 'icha yutjnac Jehová yaln can 'a Moisés yic 'ayt 'ec' yet' eb' yit chon̈b' cha.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

Jn 15:26

Palta 'ay jun 'oj cot 'a qui Mam Dios, atn Yespíritu caw yel. 'Oj jawoc, ax scolwj eyet'oc. An 'oj 'at in chec coti. A jun chi 'oj yac' testigoal sb'a wu'uj.

Apoc 1:4

An Juan in tic, an tzin tz'ib'j 'at 'ayx ex creyente 'a uque iglesia 'a yol yic Asia. Ya' cab' Dios swach'c'ojlal yet' sjunc'ojlal 'ayex. A Dios 'ayc' ticnec, 'ayc'n̈ej tax 'a yic pecti', atn jun 'oj jawoc. Ax 'a yojltac sdespacho, ata 'ayc' ucwn̈ Espíritu, ya' cab' eb' swach'c'ojlal 'ayex.

Ex 28:3

Al 'a smasnil eb' 'ay sjelnal, eb' xwac' sjelnal snab'en sjalw nip, sec a eb' 'oj b'onc spichl Aarón yic tz'och ya'malc 'och sti eb' 'anma 'ayin.

Salmos 72:2

sec tojl 'oj yutc ya'n yajlil 'a scal eb' chon̈ab', yet' 'a eb' meb'a'.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Is 28:6

A 'oj 'a'nc sna eb' juez yic tzb'eyc'ojlwi eb' 'a stojlal, 'oj yac' yip eb' soldado yic tztan̈wni eb' schon̈ab'.

Is 32:15

'Ixta 'oj 'ajoc masnto 'oj jawc Yespíritu Jehová 'a quib'n̈ec jun 'ejm xo, yuj cha 'oj yaxb'oc sat lum cusltac lu'um, man̈x jantcoc sat 'awb'en 'oj ya' lu'um.

Zacarías 4:6

'Ix yaln pax jun ángel chi 'ayn jun 'ejm xo: A Jehová tztac' yuj smasnil a tzaln jun tzo'n̈ paxti tic 'ixtc 'a win Zorobabel: Man̈ yujoc eb' soldado, man̈ yujoc pax yip junc mach, ax sta'n o'oj, palta yuj Wespíritu.

A Ch'an̈ Schab'l Libro Samuel 23:3

A Jehová qui Diosalec an̈ israel on̈c tic, atn qui colmalec paxi, tox 'ix yal 'ayn 'ixtic: A mach 'ay wel'ch 'a 'a, tzya'n yajlil 'a scal 'anma 'a stojlal,