Is 11:12 - Chuj San Sebastian Bible

¹² 'Oj q'ue junc bandera tzch'oxni, chajtlto a tzmolb'tzan paxt eb' israel 'aycn 'at 'icha presoal 'a jun tzo'n̈ xo nacion̈. An̈jtona eb' 'aj Judá 'oj smolb'tzoc paxt eb' 'aycn 'at 'a smasnil yolyib'n̈q'uinl tic.

Chuj San Mateo Bible

¹² A Dios ol ch'oxanq'ue junoc yechel d'a scal juntzan̈ nación, yic ol smolb'ej sb'a eb' israel sacleminac yajcanb'ati. An̈ejtona' ol smolb'ejxi sb'a eb' aj Judá sacleminac yajcanb'at b'aj slajvic'och yolyib'an̈q'uinal tic.

Is 11:12 Referans Kwoze

Sofonías 3:10

A eb' in chon̈b' sactzicnac yajcn 'at 'a sc'axpil 'ec' a niwn a yic Etiopía, 'oj jawc eb' wul yal sb'a 'ayin, ax laj yi'nc cot eb' yofrenda.

Is 56:8

An Jehová in, an tzwala to 'oj in molb'tzoc paxt eb' israel 'aycn 'at 'icha presoal 'a jun tzo'n̈ chuc chon̈b'al. 'Oj wi' cot pax jun tzo'n̈ xo 'anma yet' eb' yic junxn̈ej tz'ajcn eb' yet' eb' in chon̈b' 'oj in molb'tzoc cha, xchi Dios.

Is 43:6

'Oj wal 'a eb' chon̈b' 'ay 'a stojlal norte 'ixtic: 'A'c meltzjoc eb' in chon̈ab', 'oj in chioc. Ax 'a eb' chon̈b' 'ay 'a stojlal sur, 'oj wal 'ixtc 'a eb': Man̈ eyamch wan eb', 'ijec cot eb' wunnal yet' eb' wisl 'aycn 'at 'a caw najt cha, eb' 'ay 'a 'aj tzlajw c'och yolyib'n̈q'uinal.

Is 11:10

A 'a jun tiempoal cha, 'oj sch'oxl sb'a jun yin̈tl Isaí cha. Til wal 'anma 'oj cot 'a jun tzo'n̈ xo nacion̈, ax sayn 'ec' eb' 'aj 'ayc' cha, caw niwn yel'ch 'a sat eb'.

Zacarías 10:6

An 'oj wac' ste'nal eb' yin̈tl Judá, ax wa'n colchjoc 'el eb' yin̈tl José. 'Oj wi'x meltzjc eb' 'a schon̈b' jun 'ejm xo, yujto caw tz'o'ch in c'ojl 'a eb', ax scanxcan eb' 'icha xon yaji, 'icha to may 'aj xwijl eb' 'a in c'ojol. An ton Jehová sDiosal in eb', tzwab'n̈j slesl eb'.

Salmos 147:2

A xb'on pax chan̈ Jerusalén jun 'ejm xo, xya'n qui yamc qui b'a an̈ israel on̈c tic, atn an̈ sactzicnac cajc can 'at 'a jun tzo'n̈ xo lugar.

Is 27:13

A 'a jun c'ul cha, 'oj 'utz'xoc jun trompeta to 'oj 'ab'xoc sjaj 'a najat, a eb' satnc can 'at 'a Asiria, yet' eb' 'ijxnac can 'at 'a Egipto, 'oj jawc eb' wul yac' 'ejm sb'a 'a Jehová, atn 'a lum tzaln to yic 'emmquilal yaj 'a Jerusalén.

Salmos 68:22

A Cajlilec a 'ix aln 'ixtic: A 'a lum Basán, ata 'oj wi'x cot eb' 'ajc'ojol, ax wi'n cot pax eb' 'a a mar caw xab' yich,

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

Santiago 1:1

An tic, Santiago in. Ya'mal in servil Dios yet' 'a Cajlil Jesucristo. Tic tzwa't stzatzl e c'ojl ex lajchw macn̈ wit israelal, ex pucnc can 'at 'a junjn chon̈ab'.

Jn 7:35

Ax eb' israel cha, 'ix laj yal-lanc eb' 'ixtic: —¿'Aj laj 'oj c'och snani, yuj cha, tzyalni to ma'oj chax cujec? Al cha, 'ay eb' quit chon̈b'ec 'ayb't 'a scal eb' griego. ¿Tom tznib'j ata 'oj c'och 'a scal eb', tz'at scuync eb' griego chi snani?

Is 62:10

Ex 'aj Jerusalén, 'eln̈ect 'a sti spuertail e chon̈ab', tze b'on sb'e eb' eyit chon̈b' 'aj 'oj jawc paxi. Caw wach' tzeyutj eya'n pan̈nb'oc lum ch'olctac. Tze si'n 'el eb' q'uen q'uen 'a yol b'e cha, caw mesmni tzeyutej. Tzlajw cha, tzeya'n q'ue e bandera yil jun tzo'n̈ xo nacion̈.

Is 59:19

Smasnil 'anma 'a yolyib'n̈q'uinl tic, caw wal 'oj xiw eb' yiln sjaw Jehová yet' spoder. Niwn pax yel'ch 'a sat eb', atn eb' cajn 'a stojlal 'aj tzq'uel c'u yet' 'a stojlal 'aj tz'em c'u. Yujto 'icha wal sjaw a 'elmal a 'aych yic'al, caw 'ay smay, 'ixta wal 'oj jawoc.

Is 18:3

E masnil ex wit 'anmal cajn 'a yolyib'n̈q'uinl tic, 'ab'ec, sec 'oj eyil yajx q'ue jun bandera 'a lum jolm witz, ax eyab'n yutz'x trompeta ta'.

Dt 32:26

'Ix in na'a, to tzin pechcn 'at eb', tzin satn can 'el eb' 'a sat lum lum tic, sec man̈x b'a'n̈ 'oj b'inaxc eb'.

Apoc 7:1

Xlajw cha, xwilni, 'ay chan̈wn̈ ángel. Lin̈n 'ec' junjn eb' 'a junjn yisquinyoal yolyib'n̈q'uinal. Ax chan̈e 'ic', macb'il 'och wan yuj eb'. Yuj cha, man̈x 'a jac 'ic' x'ec' 'a sat lu'um, yet' 'a yib'n̈ a mar. Toxn man̈x 'a junc te te x'ib'x xon jab'oc.

Salmos 60:4

'Ix ac' jun senya 'a eb' to 'ay el'ch 'a sat, sec matz yamchj eb' yuj jun tzo'n̈ sjul-lab' eb' 'ajc'ojol.

Salmos 107:3

On̈ smolb'tzej cot 'a jun tzo'n̈ nacion̈ 'a stojlal norte, 'a stojlal sur, 'a stojlal 'aj tzq'uel c'u yet' pax 'a stojlal 'aj tz'em c'u.

Is 24:16

Caw 'oj 'ab'xoc sb'itn eb' 'a 'aj tzlajw c'och sti lum lu'um, yuj yijx chan̈ sb'i Dios, jun caw tojl snab'en. Palta xwaln 'ixtic: 'Oltacn wali, caw wan in lajw 'el tzwab'i. A eb' tu snab'en cha, caw tu tas tzb'o eb'.

Is 49:5

Ax ticnec tox xin chaj sniwquil-l wel'ch 'a yojltac Jehová in Diosal, yujto a x'a'n wip. 'Aynto 'ec' 'a yol sc'ojl in nun 'ix snan cani to tzin 'och schecb'oc, sec tzwijx meltzjoc eb' israel jun 'ejm xo 'a 'a, atn eb' yin̈tl can Jacob.

Is 49:22

An Jehová in, an 'oj wal 'a jun tzo'n̈ nacion̈, ax wi'n chan̈ in bandera yil eb', sec 'oj me'xoc cot eb' one yuj eb', 'ay eb' 'oj q'ue 'a squelb' eb', ax wul yajxoc can pax eb' 'aych yuj eb'.

Is 54:7

Ach wactjcan jun tiempoal, palta yuj in chamc'ojlal 'ayach, tzach in chan pax jun 'ejm xo.

Is 60:4

Tzlajw cha, ax eyiln 'at 'a najat, tzex laj 'ec' q'uel-loc, to a smasnil eb' eyit chon̈ab', 'oj laj syamx sb'a eb', ax sjapx eb' 'ayex. 'Oj eyil scot eb' eyunnal 'a najat, mec'b'il eb' eyisil ax wul yajx can pax eb' 'ayex.

Is 66:19

'Ay jun senya 'oj in ch'ox yil eb', 'oj wac' 'elcn jaywn̈oc eb' 'a scal owl cha, ax in checn can 'at eb' 'a jun tzo'n̈ nacion̈ tic: 'Ay eb' 'oj c'och 'a Tarsis, 'a Libia, 'a Lidia, atn jun chon̈b' chi 'aj caw jeln eb' 'anma sjulwji. 'Ay pax eb' 'oj c'och 'a Tubal, 'a Grecia yet' 'a jun tzo'n̈ chon̈b' 'ay 'a sti a mar. A eb' 'anma cha, may 'aj tzyab' eb' in b'inaxi, may pax 'aj tzyil eb' in poder. A 'a jun tzo'n̈ nacion̈ xwal tic, ata 'oj wac' yal-l eb' 'anma chi wab'xil.

Jeremías 23:3

Ax eb' in chon̈b' xwac' sactzic can 'at 'a jun tzo'n̈ xo nacion̈, an wal caw 'oj in molb'tzoc pax cot eb'. 'Oj wac' 'aj cajn eb' jun 'ejm xo 'a schon̈ab', ata 'oj wac' niwtjoc pax sb'isl eb'.

Jeremías 30:17

Wach'xam tzyal eb' 'ajc'ojl 'a e patc 'ixtic: A Sión tox 'ix 'actx cani, toc 'ayt mach tz'och 'il yu'uj, 'oj xchic eb'. Palta an Jehová in, an tzwala, 'oj wac' b'oxc e c'ojl jun 'ejm xo, 'oj wan̈t tas lajwnac 'ayx cha, xchi Dios.

Jeremías 50:4

'Ix yaln Jehová 'ixtic: A 'a yic b'aq'uin̈, a eb' 'aj Israel, yet' eb' 'aj Judá, caw 'oj 'oc' eb', ax ya'n 'och sb'a eb' 'a yol in c'ab'.

Ez 28:25

An Jehová in, an tzwal 'ixtic: 'Oj in molb'tzoc cot pax eb' israel sactzicnac yajcn 'at 'a jun tzo'n̈ xo nacion̈, ax in ch'oxn in wach'c'ojlal 'a eb' 'a sat jun tzo'n̈ nacion̈ cha. A eb' israel cha, 'oj scajx eb' slum chi jun 'ejm xo, atn lum wa'jnac 'a win in checb' Jacob.

Os 1:11

'Oj lajwc cha, ax syamn sb'a smasnil eb' 'aj Judá, yet' eb' 'aj Israel, junxn̈ej syajlil eb' 'oj ya'chi. Junxn̈ej 'oj 'aj sjapx eb' wul yi'x slum jun 'ejm xo. ¡Caw niwn yel'ch jun c'u yic Jezreel!

Jeremías 51:12

'Ijec chan̈ e bandera, yic tzex 'at eyac' owl 'a 'aj 'ay smuroal Babilonia, xchi. Wach' cab' tz'ajch oyn eb' soldado 'a 'a, 'och cab' stan̈mal. Jeln cab' tzeyutj e b'a 'a 'ajtil tze c'ub'j 'el e b'a yic tze miln cham eb' soldado tz'elt wul yac' owl eyet'oc, yujto wan sb'on Jehová tas nab'il sb'on 'a yib'n̈ eb' cajn 'a Babilonia.

Os 2:2

'Ix yaln Jehová 'ayin to an tzwa'ch in b'a ch'oxnb'ilal yet' eb' wunnal yet' pax snun eb', yuj cha, xwaln 'ixtic: —Wach'xam a e nun cha, man̈x wistziloc, man̈x in yichmilc paxi, palta alc 'a 'a, man̈x cab' ya'ch sb'a 'ajmulal, tzyactn can pax 'ix eb' winc nib'b'il yuj cha.

Zacarías 8:7

An 'oj in col-l in chon̈b' 'a yol sc'ab' jun tzo'n̈ nacion̈ 'a stojlal 'aj tzq'uel c'u yet' 'a stojlal 'aj tz'em c'u.