Is 10:29 - Chuj San Sebastian Bible

²⁹ Sc'axptan 'e't eb' jun niwn ch'olan, ax yic xjaw eb' 'a Gabaa, ata sb'o chan̈ eb' scamplamento. Ax eb' 'aj Ramá, 'ix xiw chan̈ eb' yuj eb'. Yet' eb' 'aj Gabaa 'a schon̈b' can win Saúl, 'ix laj 'at eb' 'eloc.

Chuj San Mateo Bible

²⁹ Ix c'axpajec' eb' d'a jun nivan ch'olan, ix sb'oanq'ue scampamento eb' d'a Geba. Axo eb' aj Ramá, ix xivcan eb'. A eb' aj Gabaa schon̈ab' vin̈aj Saúl, van sb'at eb' elelal.

Is 10:29 Referans Kwoze

A Ch'an̈ B'ab'el Libro Samuel 13:23

Ax eb' filisteo cha, xya'ch eb' smacmal jun b'e lot'n sat tz'ec' 'a sch'olnal Micmas.

A Ch'an̈ B'ab'el Libro Samuel 7:17

Tzlajw cha, tzmeltzj 'a chon̈b' Ramá, yujto ata 'ay yatut. A pax ta 'ay sdespacho yic tzb'onyaj eb' yit chon̈ab'. Ata sb'o pax jun yet'l xajmb'al yic Jehová.

A Ch'an̈ B'ab'el Libro Samuel 11:4

A yic xc'och eb' checb' chi 'a Gabaa, atn jun chon̈b' chi 'aj cajn 'ec' Saúl, 'ix yaln eb' schecnb'il chi 'a eb' 'anma cajn 'ec' ta'. Yuj cha, 'ix 'oc' chan̈ eb' 'anma chi smasnil.

Os 10:9

'Ix yaln Jehová 'ixtic: A eb' 'aj chon̈b' Israel tic, matz 'och wan xon eb' ya'n 'och smul, atxo ta 'elnc yich yuj eb' 'a chon̈b' Guibeá. Ax ticnec, an̈j 'ijnoc yoch smul eb'. Yuj cha, 'oj wac' yamchjoc c'och eb' 'anma tu snab'en tic yuj owl 'a chon̈b' Guibeá cha.

Os 9:9

'Ix juw 'el eb' 'a jun 'ejmn̈ej, 'icha ujnc 'a chon̈b' Gabaa. Palta 'oj sna cot Jehová smul eb' cha, ax ya'n 'och syailal eb' yuj smul cha.

Os 5:8

'Utz'x cab' no cacha yic owl 'a chon̈b' Gabaa, 'utz'x cab' pax q'uen trompeta 'a Ramá. 'Awjan̈c 'a chon̈b' Bet-avén, 'em cab' xiwc'ojlal 'a scal eb' yin̈tl Benjamín.

Jeremías 31:15

Tzyaln Jehová 'ixtic: Caw tz'ab'x yoch 'aw 'a chon̈b' Ramá, 'ay mach caw wal ji'jmtac yoc' yuj yailal. A 'ix Raquel caw wal tz'oc' 'ix yuj eb' yune', man̈xtzac snib'j 'ix tz'ajx sniwnal sc'ojol, yujto man̈x 'a eb' yune 'ix 'ayq'ui.

A Ch'an̈ B'ab'el Libro Yic Yab'ixal Eb' Rey 15:23

A jancto yab'xil win Asa yet' tas sb'o'o, yab'xil sjelnal winac, yet' eb' lum chon̈b' xlaj sb'o chan̈ winac, ata tz'ib'b'il can 'a ch'an̈ libro yic yab'xil eb' sreyl Judá. Ax yic x'och win 'ichm wincal, 'ix 'och syailal, a yoc 'ix 'och syab'il.

A Ch'an̈ B'ab'el Libro Samuel 15:34

Xlajw cha, 'ix meltzj can Samuel 'a Ramá, ax Saúl 'ix pax q'ue 'a Gabaa.

A Ch'an̈ B'ab'el Libro Samuel 14:4

Ya' sb'a cha, ax Jonatán 'aych 'a snab'en sc'och 'a 'aj 'ay yet'l eb' filisteo. A 'a snan̈l chab' q'uen niwc tenam, ata tz'ec' jun b'e 'a snan̈l q'uen tzcuch Boses, yet' q'uen tzcuch Sene.

A Ch'an̈ B'ab'el Libro Samuel 13:16

Ajun pax jun yunnal yet'oc, atn win Jonatán, yet' pax eb' soldado cha, 'ix 'atcn eb' 'a Gabaa 'a yol yic Benjamín, palta ax eb' filisteo ata 'ay scamplamento eb' 'a Micmas.

A Ch'an̈ B'ab'el Libro Samuel 13:2

'ix si'n 'elt 'oxe mil eb' winac yic tz'och eb' soldadoil 'a scal eb' yit chon̈ab'. Chab' mil eb' xcancn yet' 'a Micmas 'a lum jolmctac witz yic Betel, ax jun mil eb' xcan 'a Gabaa 'a yol yic Benjamín. Ax win Jonatán win yunnal Saúl, a win tz'a'n mandar eb'. Ax jun tzo'n̈ xo eb' xcani, 'ix checx meltzjoc junjn eb' yuj Saúl 'a yatut.

A Ch'an̈ B'ab'el Libro Samuel 10:26

'Ixta pax Saúl, 'ix paxx can 'a yatut 'a Gabaa. Ax Dios 'ix 'a'n jawc 'a snab'en jun tzo'n̈ winc caw jeln ya'n owal, yuj cha, 'ix 'at eb' yet' Saúl 'a yatut.

A Ch'an̈ B'ab'el Libro Samuel 14:2

Ax win Saúl ata 'ayc' 'a sti 'el chon̈b' Gabaa 'a yich jun te te tzcuch granado 'ayc' 'a stz'ey 'amc' 'aj tzte'x 'ixm trigo. Ax eb' soldado ajun yet'oc, 'ay waque ciente sb'isl eb'.

A Ch'an̈ B'ab'el Libro Samuel 14:5

Jun q'uen 'ay 'a stojlal norte 'a yojltac 'at Micmas, ax junx q'uen 'a stojlal sur 'a yojltac 'at Gabaa.