Is 10:26 - Chuj San Sebastian Bible

²⁶ A Jehová tztac' yuj smasnil, 'oj ya'ch syailal eb' 'anma cha, 'icha wal yutjnac satn 'el eb' 'aj Madián yic 'ayc' eb' 'a stz'ey q'uen niwquil tenm yic Oreb. 'Oj sch'ox spoder 'a eb' 'aj Asiria cha, 'icha sch'oxjnac yil eb' 'aj Egipto.

Chuj San Mateo Bible

²⁶ A in Jehová Yajal in d'a Smasanil, ol vac'och yaelal d'a yib'an̈ eb', icha ajnac in satanel chon̈ab' Madián d'a slac'anil q'uen tenam yic Oreb, icha ajnac in ch'oxan in poder ayic in pojannac snan̈al a' Chacchac Mar d'a Egipto.

Is 10:26 Referans Kwoze

Is 9:4

Yujto ach 'ix a satl jun chon̈b' 'ix 'i'n 'at eb' a chon̈b' tic 'a 'icha presoal, eb' x'a'n 'och yailal 'a eb' a chon̈ab'. Ach 'ix a satl eb' 'icha 'ajnc satl eb' 'aj Madián 'a yic pecti'.

Jueces 7:25

'Ix yamchj chawn̈ eb' syajlil eb' madianita chi yuj eb', atn win Oreb yet' win Zeeb. 'Ix smiln can eb' win Oreb 'a 'aj 'ay jun q'uen niwquil q'ue'en, xya'n can eb' scuch jun q'uen chi Oreb. Ax win Zeeb, ata smilcn eb' win 'a 'aj 'ay jun te'lab' uva, xya'n can eb' scuch jun lugar chi Zeeb. Xlajw cha, 'ix 'at eb' 'a spatc eb' madianita cha, xyi'n 'at eb' sjolm win Oreb yet' yic win Zeeb. 'Ix 'at ya'nc eb' chab' jolm chi 'a Gedeón yic 'ayc' 'a sc'axpil 'ec' sti a Jordán cha.

A Ch'an̈ Schab'il Libro Yic Yab'ixal Eb' Rey 19:35

A 'a yic jun 'ac'wl cha, 'ix xit' jun yángel Jehová smil cham 185 mil eb' soldado asirio 'a scamplamento, ax yic sacb' 'el 'a junx c'u, chamnc xo eb' soldado chi smasnil.

Ex 14:16

A yic tzex c'och 'a sti a mar, tzej chan̈ a c'ab' yet' a c'ococh, tza'n 'at 'a yib'n̈ a'. 'Oj spoj sb'a a', ax scheclj chan̈ lum tacn̈ lu'um, sec 'oj e c'axw 'ec' 'a sc'axpil 'ec' a cha.

Apoc 19:15

A 'a yol sti jun 'aj tza'n 'och eb' cha, ata 'ay 'elt jun espada caw jay ye, yic tzya'n lajwc junjn nacion̈ yet'oc. A 'oj 'och Yajlil 'a eb', yet' sq'uen c'ococh. 'Icha ste'x 'el yal uva, 'ixta 'oj 'aj eb' yu'uj. Caw 'oj 'ajxc syailal eb' si'mb'il yuj yowl sc'ojl Dios, atn Dios tztac' yuj smasnil.

Apoc 11:18

A jun tzo'n̈ nacion̈ xlaj cot yowal, caw xjaw sc'ul a'n syailal eb'. 'Ix jaw pax stiempoal a b'eyc'ojlan eb' chamnac. 'Oj ac' spac 'a junjn eb' tzach 'a'n servil, atn eb' a checab'. A eb' cha, ec xo yaj eb', tzch'oxn 'el eb', to caw niwn el'chi. Toxn̈ej eb' niwn yel'chi, toxn̈ej eb' may yel'chi, 'oj a'n̈j spac 'a eb'. An̈jtona', 'ix jaw pax stiempoal a'n lajwc 'el eb' tz'a'n lajwc yolyib'n̈q'uinal, xchi eb'.

Is 11:16

Yuj cha, a yic 'oj meltzjoc paxt eb' schon̈b' Jehová 'a Asiria, caw lewn sb'e eb' 'aj 'oj cotoc, 'icha 'aj b'eyn̈c eb' israel yic yelt eb' 'a Egipto.

Is 10:24

Yuj cha, xyaln Jehová 'ixtic: Ex in chon̈b' cajn 'a Sión, man̈ ex xiw yuj eb' 'aj Asiria, wach'xam tzex cob' smac' eb' yet' jixc'ab'te', mto yet' sc'ococh, 'icha yutjnacx eb' 'aj Egipto.

Salmos 83:11

'Icha 'ix otj Oreb, Zeeb, Zeba yet' Zalmuna, 'ixta tzotj eb' yajl yaj 'a scal eb' cha,

Salmos 35:23

Ach in Diosal, cotan̈ wul colin, caw b'onyaji, 'ochn̈ wet'oc.

Is 30:31

A yic 'oj yab'nc eb' 'aj Asiria sjaj Jehová, caw 'oj xiw eb' yu'uj, yujto tz'ajx 'och yailal 'a yib'n̈ eb'.

Is 9:3

Mamin, ach 'ix ac' niwtjoc pax qui b'isl an̈ a chon̈b' on̈ tic on̈, 'ix a'n pax qui tzaljc'ojlal on̈. Qui masnil on̈ caw tzon̈ tzalj 'a ojltac, 'icha wal tzaljc'ojlal 'a yic tzmolx chan̈ sat 'awb'en, 'icha pax stzaljc'ojlal eb' soldado yic tzpojn 'ec' eb' tas tzlaj yi'cn 'ec' 'a owal.

Is 30:30

A Jehová 'oj yac' 'ab'xoc sjaj to caw 'ay smay, chan̈ sq'ue yaw, ax sch'oxn 'el spoder. 'Oj ya' cot yowl sc'ojol, lajn wal 'icha sn̈ilchj te c'ac' tzsatn 'el smasnil tas, 'oj ya' cot chacxuxm'ic', niwc yaxn̈ab' yet' sacb'at.

Is 30:32

A yic 'oj ya'nc 'och Jehová syailal eb' 'aj Asiria 'a junjn 'ejem, ax eb' israel, 'oj b'itnoc eb' yet' arpa yet' tinab'. Caw 'ay xo smay yilx jun owl 'oj 'och cha.