Is 1:3 - Chuj San Sebastian Bible

³ A no wacax yojc no yajal, yet' no b'uru yojc no 'aj tz'ajx wa yuj mach 'ay yico'. Palta ax in chon̈b' Israel, toxn man̈ jac tznachj 'el yu'uj toto wico', 'icha to may xon snab'en, xchi.

Chuj San Mateo Bible

³ A noc' vacax, yojtac yajal noc' yed' noc' b'uru yojtac noc' b'aj sva yuj mach ay yico'. Palta axo in chon̈ab' Israel, max b'alaj nachajel jab'oc yuuj tato vico'. Ichato malaj spensar, xchi Jehová.

Is 1:3 Referans Kwoze

Jeremías 8:7

A e no cigüeña tz'ec' 'a satcha'an̈, yojc e no stiempoal b'a'n̈ tzmeltzj e no 'a yet'ul. An̈jtona e no cowojte', e no pechul, yet' e no grulla, yojc e no', b'a'n̈ tz'at e no 'a junc xo lugar. Palta ax xo tic ex in chon̈ab', caw man̈ eyojcoc jac in ley.

Jeremías 4:22

'Ix yaln Jehová 'ixtic: A eb' in chon̈ab', caw wal may jac snab'en eb', caw matz in yojquej 'el eb' jab'oc. Lajn eb' yet' eb' 'unn caw may jac snab'en, matz nachj 'el jac yuj eb'. Caw jeln eb' sb'on maysch'olnil, palta man̈ yojcoc eb' sb'on tas wach', xchi Dios 'ayin.

Is 44:18

A wal jun tzo'n̈ 'anma 'ixta tzb'o cha, caw may snab'en eb'. Matz nachj 'el jac yuj eb', 'icha to matz uj yiln eb'.

Is 5:12

A 'aj tz'och niwc wa'el, ata 'aych son yet' arpa, salterio, tinab' yet' 'amay. Til wal 'an̈ 'ayc' yuj eb' chi ta', palta a tas wan snan Jehová 'a yib'n̈ eb', caw may jac yel'ch 'a eb'.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Salmos 94:8

'Ab'c ex wit chon̈ab', caw may e nab'en, caw pit ex. ¿B'a'n̈ to wal 'oj nachjoc 'el eyu'uj?

Is 27:11

A yic tztacj sc'ab' eb' te te cha, tzlaj lo'chjc cot eb' te', ax eb' 'ix 'ix tzlaj 'ec' si'nc chan̈ eb' te sc'ab' cha, tzya'n 'och eb' 'ix sc'ac' yet' te'. A jun chon̈b' tic, may xon jac snab'en. Yuj cha, a Dios b'ojnac, caw man̈x 'oj 'o'ch sc'ojl 'a 'a, man̈x 'oj cus pax yu'uj.

A Schab'il Carta San Pedro 3:5

Palta a eb' tzaln chi 'ixta', matz nib'j eb' tzna coti, tas 'ajnc yolyib'n̈q'uinl tic 'a pecti cha. Yujn̈ej tas yaljnac Dios, 'ix b'o satcha'an̈, yet' sat lum tic. 'Ix laj checlj lum lum 'a snan̈l a a'. Yuj a a cha, wach' yaj sat lum lum tic.

Pr 6:6

Ex 'isaj, 'iltec e no san'ich; tzcham wal eyoch q'ueln 'a tas tzb'o e no', tzcham e cuyw 'a spatquil e no'.

Jeremías 10:14

Smasnil eb' 'anma tzya'ch jun tzo'n̈ yechl yipc sc'ojol, caw may snab'en eb', may tas yojc eb'. A eb' tenm q'uen cha, caw tzq'uixw 'el eb' yuj jun tzo'n̈ yechl tzb'o cha. A jun tzo'n̈ tzb'o eb' cha, may jac yel'chi, may spixan.

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Mt 13:19

A jun tzo'n̈ 'in̈t stz'itj can 'at 'a yol b'e, tzyal 'el'chi, 'ay eb' 'anma tz'ab'n spaxti Dios, chajtl tz'aj eb' yoch 'a yol sc'ab', palta matz nachj 'el yuj eb'. Ax win diablo tzc'och 'a eb', tzyi'n 'el win spaxti Dios 'a snab'en eb'.

Is 5:13

Yujto may snab'en eb' wit chon̈b' tic, yuj cha, 'oj 'ijxoc 'at eb' 'icha presoal 'a jun tzo'n̈ xo nacion̈. A smasnil 'anma', yet' eb' yajl yaj 'a scal eb', 'oj cham eb' yuj wejel yet' yuj tacn̈ti'al.

Is 56:11

A eb' stan̈mal in chon̈b' tic, lajn eb' 'icha no tz'i 'ayn̈j swejel, toxn may tz'aj sb'ut'ji, 'ixta eb'. Toxn may jac tas tznachj 'el yuj eb'; cojn tas tznib'j 'och eb' 'a mun yico', a chi tzlaj sayc' eb'.

Ez 16:30

An Jehová Yajl in, an tzwal 'ixtic: Caw wal pec' 'a 'ajmulal, lajn wal tzyutj sb'a 'icha junc 'ix 'ajmul 'ix man̈xtzac q'uixwi.

Dn 9:11

An̈ tic on̈, xqui ten tas xyal a checnb'il, ma'ix qui chaj cab' tas xala. Yuj wal qui mul cha, xjaw jun tzo'n̈ yailal tic 'a quib'n̈ on̈, atn jun tzo'n̈ tz'ib'b'il can 'a ch'an̈ libro yuj a checb' Moisés.

Os 2:8

Yuj sb'eyb'al eb' wit israelal cha, yuj cha xyaln Jehová 'ixtic: Ma'ix yojquej 'el jun chon̈b' tic, toto an tzwac' strigo, yal yuva, yet' yaceite, an xwac' niwtjoc q'uen plata yet' q'uen oro 'a 'a, ax 'ix 'at comn 'a'nc q'uen 'a Baal.

Pr 28:5

A eb' 'anma maysch'olnil, toc tznachj 'el tas tojl yuj eb', ax pax eb' tzya'ch sb'a yico'oc Jehová, tznachj 'el yuj eb'.

Is 42:20

Ex israel, caw 'ay cob' tas tzch'oxx eyila', palta matz e chamc'ojlej eyilni; caw wach' eyab'ni, palta matz e chaj eyab'i'.

Jeremías 35:16

A eb' yin̈tl Jonadab cha, caw wal tzyiclj eb' tas yaljnac can smam yicham. Ax xo wal ax israel ex tic, jun 'ejmn̈ej wal matz eyiclj 'ayin.

Jeremías 50:6

A wal eb' in chon̈b' tic, lajn wal eb' 'icha e no calnelu satnc can 'ati, yujto man̈ wach'c tz'aj stan̈wx yuj yilmal, yuj cha, tzsatcn 'at e no 'a eb' lum jolmctac witz. Axn̈ejta tz'ec' e no 'a eb' lu'um, jun xo tzsat sc'ojl e no 'a scolal.