Is 1:25 - Chuj San Sebastian Bible

²⁵ 'Oj ex wac' cuenta yet' yailal, 'icha to 'oj wa'cn tz'a e paltail cha, ax wi'n 'el smasnil e mul 'aych 'a eyib'n̈ cha.

Chuj San Mateo Bible

²⁵ Ol vac'och eyaelal, ol in n̈ustz'a masanil e paltail, ol vic'ancanel masanil e mul ayoch d'a eyib'an̈.

Is 1:25 Referans Kwoze

Malaquías 3:3

An Jehová in, lajn 'oj wutc eb' yin̈tl Leví 'icha junc mach tz'em wocn yi'l slumal q'uen plata, mto q'uen oro 'a scal c'ac'. 'Oj in sacb'tzoc eb', atn eb' ya'mal 'och e ti 'ayin, 'ixta to b'i'an, ax sta'n ya'n eb' yofrenda 'a wojltac, 'a 'icha wal smoj yet' 'a stojlal.

Jeremías 9:7

Yuj wal cha, an Jehová in, tztac' wuj smasnil, an tzwala: ¿Tas to wal junc xo tztac' in b'on yet' eb' in chon̈b' tic? Cojn to 'oj wa't eb' 'a scal c'ac', sec tz'och eb' wach'il, 'icha tzyac' q'uen plata.

Is 4:4

A yic 'oj sb'eyc'ojlanc Dios eb' schon̈ab', ax ya'n 'och yailal 'a yib'n̈ eb', ata 'oj sacb'tzoc eb' 'aj Jerusalén yuj smilm 'anma'il, ax sacb'tzax can pax eb' 'aj Sión yuj stu'al.

Is 1:22

A 'a yic yaln̈ cha, 'icha q'uen plata 'ixta eyilxi, palta ax ticnec, 'icha xoj c'alem eyilx paxi. 'Icha te yal uva caw wach' 'ixta eyilx xoni, palta ax ticnec, lajn xoj eyilx 'icha yal uva caln yaj yet' a'.

Sofonías 3:11

Ex in chon̈ab', a 'a yic jun c'ul cha, man̈x 'oj e q'uixw yuj e maysch'olnilal, atn 'aj tenmtac xeyutj e b'a 'ayin. A yic cha, 'oj wi'l eb' tzalj yet' sb'an̈quinal 'a e cal, man̈x b'a'n̈ 'oj e b'an̈ e b'a 'a lum tzaln 'a 'aj tz'och 'emmquilal 'ayin.

Ez 22:22

'Icha tz'aj yulb'x q'uen plata 'a scal c'ac', 'ixta 'oj eyaj eyulb'x yuj yailal 'a yol chon̈b' cha. 'Ixta to b'i'an, ax eyojcan 'eli, to an Jehová in, an tzwa'ch eyailal yuj yowl in c'ojol, xchi Dios, xa chi 'a eb', xchi 'ayin.

Ez 20:38

'Oj wic' 'elt eb' maysch'olnil snab'en 'a e cal, yet' eb' x'och 'ajc'ojlal 'ayin, 'oj wic' 'elt eb' 'a e cal 'a lum chuc chon̈b'al 'aj 'ayx 'ec' cha; palta man̈x 'oj 'och eb' 'a lum slum eb' yit israelal cha. Ax in eyojcan 'eli, to an Jehová in, cojn in ton Dios in.

Jeremías 6:29

A yic tzwalx te c'ac' yet' junc wal-lab' 'a caw 'ip, caw tzn̈ilchj te c'ac' chi si'mb'il, tz'ulb'x 'el q'uen plomo 'a scal q'uen plata yuj te'. Ax eb' in chon̈ab', wach'xam xwa'lj in b'on sb'eyb'al eb', palta caw may jac yel'chi, yujto a eb' maysch'olnil sb'eyb'al, caw matz satl eb' 'a scal eb'.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.

Mt 3:12

A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

Ez 22:20

'Icha tzyac' junc mach tzsi'n syam sb'a q'uen plata, q'uen bronce, q'uen hierro, q'uen plomo yet' q'uen estaño, tzya'n 'och 'a yol jorna, tzya'n 'och sc'aq'uil sec tz'ulb'xi, 'ixta 'oj ex wutoc, 'oj wec eyam e b'a yuj yowl in c'ojol, ax ex wa'n 'ulb'xoc yet' yailal.

Dt 32:43

Ex nacion̈ tzaljan̈c yet' jun schon̈b' Dios tic, yujto 'oj spactzoc Jehová schamlil eb' schecab'. 'Oj yac' spac 'a eb' 'ajc'ojl yajch 'a eb', ax ya'n lajwc smul eb' schon̈b' cha, xchi Moisés.

Salmos 119:119

'Icha tz'aj c'alem sjulx 'eli, 'ixta 'ix otj e'n 'el smasnil eb' maysch'olnil snab'en 'a sat lum lum tic, yuj cha, tzin chamc'ojlan jun tzo'n̈ cuynb'il tzal tic.

Is 27:9

Palta 'ixtc wal 'oj yutc Dios yi'n 'el smul eb' yin̈tl Jacob. Choc' 'oj yutc can eb' jun tzo'n̈ yet'l sdiosal eb', 'icha cab' tz'aj yulb'x 'ejm q'uen tan̈ 'a yic tzpolxi; 'ixta cab' tzyutj can eb'. Man̈x 'a junc te te sch'oxnb'il comn dios Asera tzcani, man̈xtzac yactj can pax eb' jun tzo'n̈ yet'l xajmb'al 'aj tz'a incienso yuj yijx chan̈ scomn diosal.

Ez 22:19

Yuj cha, an tzwal 'ixtc 'a eb': Ax tic, sc'ajl xoj tzex 'ajcn 'eli, yuj cha, 'oj wac' eyam e b'a 'a yol chon̈b' Jerusalén.

Jeremías 9:6

A wal et'l 'aj cajn ach 'eq'ui, ata 'ayc' 'a scal eb' tz'ixtn eb' 'anma'. Yujto caw tzya'ch eb' sc'ojl yixtn yit 'anma'il, yuj cha, caw man̈xtzac snib'j eb' tzin yalch sDiosaloc.