Is 1:13 - Chuj San Sebastian Bible

¹³ Man̈x eyi' cot jun tzo'n̈ eyofrenda cha, yujto man̈x 'a tas tzb'o yu'uj. A incienso tze n̈usu, man̈xtzac schaj in c'ojol. Ax jun tzo'n̈ e q'uin̈ tzlaj e na 'a yic tzpac' 'uj yet' 'a sc'ul 'iljelal, caw tzex tzalj cob' eyamn e b'a 'a jun tzo'n̈ eyamnil cha, palta an xo tic, man̈xtzac ex in nib'j wil yet' e q'uin̈ cha, yujto maysch'olnil tas tze b'o'o.

Chuj San Mateo Bible

¹³ Man̈xo eyic'cot juntzan̈ silab' chi' d'ayin, man̈xalaj tz'och vuuj. Maxtzac scha in c'ol incienso tze n̈usu'. A juntzan̈ e q'uin̈ tzeyac'ochi ayic tz'alji q'uen uj, d'a sc'ual ic'oj ip yed' ayic tze molb'an e b'a d'a nivac q'uin̈, maxtzac techaj vilani, yujto an̈ej val chucal tze c'ulej.

Is 1:13 Referans Kwoze

Is 66:3

'Ay mach yel xo wal yajb'entac tas tzb'eylb'ej, caw wal tzalj eb' sb'on jun tzo'n̈ tic: 'Ay mach tzmiln junc wacx xajmb'alil, ax 'a in sat 'icha to a junc 'anma tzmila; a mach tzmiln junc no calnelu xajmb'alil, ax 'a in sat 'icha to a junc no tz'i tzc'uychtej 'el sjaj; 'ay mach tz'a'n sat yawb'en ofrendail, ax 'a in sat 'icha to a schic'l junc chitm tzyac'a; 'ay pax mach tz'a'n tz'a jun tzon̈ incienso, 'icha to a 'a yechl junc comn dios 'aj tzyal sb'a.

Malaquías 1:10

Comnoc wal a junc ex tze mac spuertail watut, sec wach' man̈xtzac 'och sc'a'l jun yet'l xajmb'al to wic yaji yujto man̈x 'a yel'chi, an Jehová in, tztac' wuj smasnil, caw wal matz in tzalj eyet'oc, man̈x 'oj in cha pax eyofrenda cha.

Mt 15:9

Nab'an̈ej tzcob' yal sb'a eb' 'ayin, palta cojn jun tzo'n̈ checnb'il tzlaj spitz chan̈ eb' 'anma', a chi tzyac' eb' cuyxoc, xchi Dios 'a Ch'an̈ U'un̈, xchi Jesús 'a ewinac.

Ez 20:39

Ex israel, an tzwal 'ayx 'ixtic: Toto caw pit tzeyutj e b'a 'ayin, 'ixquec, 'at alc e b'a 'a jun tzo'n̈ e diosal cha. Palta 'ojquejec 'eli to 'oj c'och stiempoal ax eyaln pax e b'a 'ayin. Man̈x 'oj eyixtc 'el in b'i, yuj eya'n tz'a e xajmb'al 'a jun tzo'n̈ comn dios cha.

Lc 11:42

'Oltacx wal ax fariseo ex tic. Tzeyac' cob' sdiesmoal jun tzo'n̈ te 'alwena, yet' jun tzo'n̈ te ruda. Jantcn̈ej jun tzo'n̈ xo 'itaj, c'uxn tzeyac' sdiesmoal. Palta tze na'a, to man̈ yowlalc tojl tzeyutj e nab'en. Man̈ yowlalc tze chamc'ojlej Dios. Octom wal xe b'eylb'ej jun tzo'n̈ tic, ax jun tzo'n̈ xo tze b'o cha, matz eyactj can cab' e b'oni.

Jl 2:15

'Utz'jec q'uen trompeta 'a tzaln Sión sec tzyam sb'a smasnil eb' 'anma', 'ochn̈ec e masnil 'a c'ajb'c'ojlal.

Lm 2:6

'Icha wal tz'aj yixtx 'el junc 'awb'en, 'ixta wal 'ix yutj Cajlilec ya'n juwc 'el scajnub' 'aj tz'och yamnil, sma'n can 'ejm lan̈chjoc. Xya'n sat sc'ojl eb' 'aj Sión 'a jun tzo'n̈ q'uin̈ niwn yel'chi, yet' pax sc'ul 'iljelal. Yuj yowl sc'ojl cha, spatquiln can 'el eb' rey yet' eb' ya'mal 'och qui ti 'a 'a.

Ef 4:30

Caw man̈ eyac' cus Yespíritu Dios 'aych 'ayx junjn ex. Yujto a x'ajx 'och 'a qui pixn junjn on̈ec, 'icha tz'aj yajx 'och junc seyo 'a junc tas. Yu'uj, cojquec to yic on̈c xo Dios, masnto 'oj jawc junc c'u yic 'oj qui wach' chac qui colnb'ilec.

1 Co 11:17

'Ay jun tzo'n̈ xo tas 'oj wal't 'ayex. Palta matz tac' tzex wal wach'il, yujto 'ayx 'ayt e paltail. Yujto a yic tzeyamn e b'a ta', may jac swach'l tze cha'aj. Ton̈j tzex juw 'el yu'uj.

Jl 1:14

'Awtjec cot smasnil eb' 'anma', 'ochn̈ec 'a c'ajb'c'ojlal yet' eb'. Molb'tzejec e b'a 'a yatut Jehová qui Diosal, yet' smasnil eb' yichmtac wincal chon̈ab', yet' smasnil eb' 'anma 'a jun nacion̈ tic yic tzex tew 'a Jehová.

Pr 21:27

A Jehová matz chaj sc'ojl yofrenda eb' maysch'olnil, ocxom wal eb' tzyac' yofrenda yet' stu nab'enal.

Salmos 78:40

Til wal 'ejm ma'ix syiclj eb' tas xyal Dios 'a cusltac lu'um, caw 'ix stzuntzj cot eb' yowl sc'ojol.

1 Cr 23:31

yet' yic tz'ajx tz'a xajmb'al to tz'a smasnil 'a Jehová 'a sc'ul 'iljelal, yet' 'a yic tznax sq'uin̈l yic tzpac' 'uj, yet' pax jun tzo'n̈ xo q'uin̈ caw niwn yel'chi. Tz'a'wn̈ej servil eb' 'a Jehová, a tzyal sb'isl eb', yet' munljel tz'ajx sb'o eb'.

Ex 12:16

A 'a yic b'ab'l c'u cha, tzeyam e b'a yic tzex 'och 'emmquilal 'ayin, 'ixta tzeyutj pax 'a yic yucl c'ual. A 'a chab' c'u cha, may xon mach tzmunlji, cojn tas tze c'uxu a tztac' e b'oni.

A Scarta San Pablo D'a Eb' Aj Filipos 1:15

Yel toni, 'ay jun tzo'n̈ eb' tzchichn 'och 'ayin, caw tzowx eb'. Yujn̈ej cha, tzyaln 'el eb' yab'xil Cristo. Man̈ smasnilc sc'ojl eb', tzyaln 'el eb'. Ton̈j tzb'an̈ sb'a eb'. Ton̈j tznib'j eb' yel xo niwn yailal tzwab' 'a preso tic. Palta 'ay pax jun tzo'n̈ xo eb', yujn̈ej swach' nab'enal eb', tzyaln 'el eb', yujto tzin schamc'ojlej eb'. Yojc eb', chajtlto 'ayn 'ec' 'a tic, yic tzwaln 'eli, chajtlto caw yel jun wach' 'ab'x yic colnb'il tic.

Nm 10:2

B'o cab' chab'oc trompeta plata tz'aji, tztenxb'o yet' martillo. A jun tzo'n̈ chi 'oj ac' 'utz'xoc yic 'oj a'nc syam sb'a eb' 'anma tic, yet' pax 'a yic tzb'eyx eb'.

Is 66:23

A yic tzpac' 'uj 'a junjn 'ujal, yet' 'a yic sc'ul 'iljelal 'a yol junjn seman, 'oj jawc smasnil 'anma 'a wojltac, ax yem cumn eb' 'ayin.

Os 2:11

'Oj wac' lajwc stzaljc'ojlal, ax wa'n lajwc sq'uin̈ tzna 'a yic tzpac' 'uj, yet' sq'uin̈ yic sc'ul 'iljelal, yet' smasnil jun tzo'n̈ xo q'uin̈ tzna'a.

Lv 26:31

'Oj in mac' lan̈chjoc can e chon̈b' cha, ax slajw can 'ejm yatut e diosal, man̈x 'a yopiso e xajmb'al to su'q'ui yec' sjab' 'a wojltac.

A Ch'an̈ Schab'il Libro Yic Yab'ixal Eb' Rey 4:23

—¿Tas yuj tzach 'at el win ticnec jun? Man̈ stiempoaloc spac' 'uj, man̈ sc'uloc pax 'iljelal, xchi win yichmil 'ix cha. —Man̈ ach 'och 'il, xchi 'ix 'a winac.

Pr 7:14

A ticnec, 'ix wac' in xajmb'al yic junc'ojlal to ta'wb'ilx wu'uj, caw 'ay chib'j 'a watut ticnec.