A Ch'an̈ Carta D'a Eb' Hebreo 9:14 - Chuj San Sebastian Bible

¹⁴ Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

Chuj San Mateo Bible

¹⁴ Tato icha chi' yopisio schiq'uil noc' noc' chi', ocxom val schiq'uil Cristo. A Espíritu ayec' d'a masanil tiempo. Yuuj yac'nac och sb'a Cristo silab'oc d'a Dios, icha junoc noc' noc' malaj jab'oc spaltail tz'ac'ji silab'il. Yuj chi' a schiq'uil chi' syal yic'anel d'a co pensar juntzan̈ chucal tz'ac'ancot chamel d'a quib'an̈. Axo ticnaic syal cac'an servil Dios pitzan.

A Ch'an̈ Carta D'a Eb' Hebreo 9:14 Referans Kwoze

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

A Ch'an̈ Carta D'a Eb' Hebreo 9:12

'Ochnc xo Cristo 'a jun Lugar to cojn Dios 'ay yico'. Palta man̈oc schic'l no quelm chiwo, no quelm wacx ya'jnac xajmb'alil. Caw a schic'l ya'jnac xajmb'alil. Yuj cha, yochcn c'och ta 'a jun 'ejmn̈ej. Ya'jnac ganar qui colnb'ilec 'a jun 'ejmn̈ej.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.

A Ch'an̈ Carta D'a Eb' Hebreo 7:27

Man̈ lajnoc 'icha eb' sat ya'mal 'och sti eb' quit chon̈b'ec 'a Dios. Yujto a eb' cha, yowlal tzyac' eb' jun tzo'n̈ xajmb'al 'a junjn c'u. Tzb'ab'l 'a'j eb' yuj smul, tzya'n pax eb' yuj smul eb' yit 'anma'il. Ax Jesús, jun 'ejmn̈ej ya'jnac xajmb'al-l sb'a yuj qui mulec, yic ya'n cham sb'a.

A Sb'ab'el Carta San Pedro 4:2

Yuj cha, 'ixta cab' tzcutjec qui b'a, sec wach' 'oj qui b'oc 'icha tznib'j Dios, ya' sb'a 'ayn̈ect 'ec' 'a yolyib'n̈q'uinl tic. Man̈x 'oj qui b'oc 'icha tznib'j qui niwnalec tic.

A Ch'an̈ Carta D'a Eb' Hebreo 1:3

A tzch'oxn 'el swach'l Dios, yujto caw lajn swach'l yet'oc. Caw wal lajnn̈ej snab'en yet' Dios. Yujn̈ej spaxti Yunnal tic, wach'n̈j yec' smasnil tas, yujto a spaxti tic, caw niwn spoder. Ax yic xlajw yi'n can 'el qui mulec, 'ix 'at 'em wocn 'a swach' c'ab' Dios 'a satcha'an̈.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Apoc 1:5

Ax Jesucristo, atn testigo caw yel, ya' cab' swach'c'ojlal 'ayex. A b'ab'l pitzwnac pax 'a scal eb' chamnac. A Yajl yaj 'a yib'n̈ eb' rey 'a yolyib'n̈q'uinl tic. Caw 'ay schamc'ojlal 'ayn̈ec. 'Ix yi'n 'el qui mulc yet' schiq'uil.

A Ch'an̈ Carta D'a Eb' Hebreo 6:1

Ax ticnec, coyc 'a cojltac, sec 'oj wach' te'nb'oc qui nab'enec. Can cab' jun tzo'n̈ b'ab'l cuynb'il tzyal yuj Cristo tic. Man̈x cab' qui cuyc jun tzo'n̈ b'ab'l cuynb'il 'oj wal tic. Tzyala, to tzqui na qui b'a yuj jun tzo'n̈ tas tz'i'n cot chaml 'a quib'n̈ec. Tzyalni, tas tzcutj ca'nec 'och qui c'ojl 'a Dios.

Ro 6:13

Matz tac' ca'nec 'och qui niwnal tic 'a yol sc'ab' maysch'olnil tzqui b'onec jun tzo'n̈ tu'al. Yowlal an̈j 'a yol sc'ab' Dios tzca'c 'och qui b'a, yujto chamnc on̈c xo 'a sat, on̈ pitzwec paxi. Yuj cha, caw ca'c 'och qui niwnal tic 'a yol sc'ab' Dios, sec wach' cojxn jun tzo'n̈ tas wach' tzqui b'oc yet'oc.

1 Jn 3:5

Cojquec xo, yuj yi'n 'el Jesucristo qui mulec, swulc' 'a yolyib'n̈q'uinl tic. A Jesucristo cha, caw may jac smul.

Ro 6:22

Ax ticnec, colchjnacn̈ec can 'elt 'a yol sc'ab' jun tzo'n̈ maysch'olnil cha. Man̈x 'a yaln yic 'ayn̈ec. On̈ 'ochc ya'malc servil Dios. Yuj cha, caw 'ay qui ganar ticnec, yujto a tz'a'n ca'c 'och qui nab'en 'a 'a. Ax qui chanec pax qui q'uinl 'a jun 'ejmn̈ej.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

A Ch'an̈ Carta D'a Eb' Hebreo 10:2

Q'uinloc tzwach' b'o snab'en eb' yuj jun ley cha. Toto 'ixta', 'ochnc wan ya'n eb' jun tzo'n̈ xajmb'al cha. Q'uinloc yel tzsacb'tzax eb' yuj smul, yic ya'n eb' xajmb'al cha. Toto 'ixta', man̈xtoc sna cot eb', chajtlto 'ay smul eb'.

Ef 5:2

Qui ch'oxc qui chamc'ojlal 'a junjn c'u, yujto 'ixta on̈ yutj Cristo on̈ schamc'ojlanec, yic ya'n cham sb'a cujec. 'Icha no calnelu milb'il cham xajmb'alil, wach' sjab' 'a Dios, tzalj yet'oc, 'ixta x'aj Cristo smilx cham cujec.

Ef 2:5

Yuj cha, wach'xam chamnc on̈c 'a sat yuj qui maysch'olnilal, palta xyac' qui q'uinlec yet' Cristo. Yuj wal swach'c'ojlal Dios tzon̈ colchjec.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Ro 11:12

Yujto juwnac 'el eb' israel cha, yuj wal cha, caw wach' yic eb' 'anma smasnil 'a yolyib'n̈q'uinl tic. Yujto cannc eb' israel chi 'a yalan̈, yuj cha, caw wach' yic eb' man̈ israeloc. Toto 'ixta', ¿jantc tom wal swach'l quiquec qui masnil, yic 'oj meltzjoc pax 'och snab'en smasnil eb' wit israelal jun 'ejm xo?

Lc 1:74

yaljnac cani, chajtlto 'oj on̈ scolc 'elt 'a yol sc'ab' eb' 'ajc'ojl yajch 'ayn̈ec, sec wach' matz on̈ xiwec, yic tzca'nec servil.

A Sb'ab'el Carta San Pedro 2:22

A jun cha, may 'aj x'och jac smul. May jun 'ejmoc 'ix yixtj paxti junc 'anma'.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

Gl 2:19

A ticnec, 'icha to chamnc on̈c 'a ley yic Moisés. Yuj wal jun ley cha, 'icha to chamnc on̈ec, sec wach' pitzn on̈c 'a sat Dios.

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

Ro 11:24

Ax xo man̈ ex israeloc, 'icha to tzuc'b'ilx 'elt 'a jun te olivo mun pa'nc cha, ex c'on̈x 'och 'a sc'ab' jun snun te olivo wach'. Wach'xam man̈ ex yico'oc jun chi 'a yic yalan̈, palta ex 'och yico'oc. Toto 'ixta 'ex 'aji, an̈jtona', 'ixta pax eb' wit israelal, 'icha to 'oj c'on̈x pax 'och eb' 'a jun snun 'aj 'elncta. Atn jun 'ay xon yic eb' 'a pecti'. Yuj cha, yel xo wal 'oj wach' 'och eb' yico'oc jun 'ejm xo.

Ro 1:20

Wach'xam man̈ checloc Dios, palta checl yuj jun tzo'n̈ tas b'ob'il yu'uj. Yujto yictax sb'on yolyib'n̈q'uinl tic, checlj 'eli, to Dios toni, caw 'ay spoder 'a smasnil tiempo. Yuj cha, ma'oj stac' yaln eb' 'anma 'a 'a to man̈ yojcoc eb'.

Jn 3:34

Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a.

Lc 4:18

A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

Dn 6:26

Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat. Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'.

Lv 22:20

palta man̈oc cab' junc no 'ay spaltail tzyac'a, yujto man̈ chab'ilc e no cha.

A Ch'an̈ Carta D'a Eb' Hebreo 11:21

A Jacob, caw ya'jnac 'och Dios 'a sc'ojol. Yuj cha, a yic wan schami, yaln cani tas jun tzo'n̈ yaxilal 'oj scha junjn eb' yunnal José. Yic yaln sb'a 'a Dios, yem n̈ojn 'a sjolm sc'ococh.

A Ch'an̈ Carta D'a Eb' Hebreo 9:9

A jun tzo'n̈ cha, ch'oxnb'il yaj 'ayn̈ec 'a jun tiempoal tic. A eb' 'anma 'ixta tzyutj yaln sb'a 'a Dios, matz tac' sb'o snab'en eb' yuj jun tzo'n̈ ofrenda, yet' jun tzo'n̈ xajmb'al cha.

A Tas Sc'ulejnac Eb' Schecab' Jesús Hechos 14:15

—Ex winac, ¿tas yuj tze b'o jun tic 'ixtic? An̈ tic on̈, caw 'anman̈n̈ej on̈, 'icha ex tic. To tzwul 'ajxc cal jun wach' 'ab'x 'ayx on̈, 'actjec eyaln e b'a 'a jun tzo'n̈ comn dios may jac yel'chi. Tzeya'n 'och e nab'en 'a Dios pitzan. A b'ojnac satcha'an̈, yet' lum lum tic. Sb'ojnac pax a mar, yet' smasnil tas 'ay 'a 'a.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

Dt 17:1

A no wacax, no calnelu mto no chiwo 'ay tas palta 'a sniwnal, man̈ eyac' no xajmb'al-l 'a Jehová qui Diosalec. A jun tzo'n̈ noc' cha, yajb'il no yuj Jehová.

A Ch'an̈ Carta D'a Eb' Hebreo 9:7

Palta ax 'a jun schab'l cuarto cha, cojxn jun sat ya'mal 'och sti eb' 'anma 'a Dios 'ochnac. Cojn jun 'ejm tz'och 'a junjn ab'il. A yic tz'ochi, yowlal yet' schic'l no noc', yic tzya'n yuj smul, yet' pax yuj smul eb' quit chon̈b'ec.

1 Ti 3:15

Palta lemb'il ma'oj stac' in 'at muc'uc. Yuj cha, tzin tz'ib'n 'at jun in carta tic 'ayach, sec wach' ojtac tas wal tzqui b'eylb'ej an̈ yunnaln̈ xo Dios. Yujto an̈ tic, 'ayn̈ xo 'och stz'acb'oc yiglesia Dios pitzan. 'Ay copiso caln 'el jun cuynb'il caw yel. Cu'uj, caw tz'och yip jun cuynb'il caw yel tic.

1 Ts 1:9

Yujto smasnil eb', wan laj yalnc eb' eyab'xil, chajtlto wach' e chajnacn̈ on̈, yic quec' 'ayx on̈. Wan yaln pax eb', chajtl eyutjnac eyactn can jun tzo'n̈ eyaljnac 'och e diosaloc, eyamn 'och eya'n servil Dios pitzan, atn Dios caw yel.

A Tas Sc'ulejnac Eb' Schecab' Jesús Hechos 1:2

masnto xjaw jun c'u yic 'ix pax 'a satcha'an̈. Yic mantzac paxi, 'ix yaln can jun tzo'n̈ schecnb'il 'a eb' schecab', atn eb' sic'b'il 'el yu'uj. 'Ixta x'ajx yal yuj Yespíritu Dios.

Lc 12:28

A jun tzo'n̈ te cha, ton̈j 'ayc' ticnec, ax q'uic'an tz'a 'a yol jorna. Wach'xam 'ixta yec' te', palta a Dios tz'a'n swach'l yilx te'. Yuj cha, yel xo wal 'oj yac' e pichl ax tic, palta 'in jab' wal tzeya'ch e c'ojl 'a 'a.

Lc 12:24

'Iltec no joj, may tas tzyawj no', may tas tzjach' no'. May sc'un̈a no', may yet'l 'aj tzmol no jac tas. Palta a Dios tz'a'n jantcn̈ej tas tzc'ux no'. Ax xo tic, yel xo niwn eyel'ch 'a yib'n̈ no 'a sat Dios.

Mt 12:28

Palta yujn̈ej Yespíritu Dios, tzin pechn 'el ewin demonio cha. Yuj cha, tzcheclji, to tox 'ix syamch Dios ya'n Yajlil 'a e cal.

Mt 7:11

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' 'a eb' eyunnal. Ax qui Mamc 'ayc' 'a satcha'an̈, yel xo wal niwn tas wach' tzyac' 'a eb' tzc'ann 'a 'a.

Dt 33:27

A qui Diosalec 'ayc' 'a jun 'ejmn̈ej, a 'aych qui tan̈maloc. A spoder caw may b'a'n̈ 'ay slajub', a 'aych quet'ec. A 'oj pechnc 'el eb' 'ajc'ojl yajch 'ayn̈ec, a tzalni tzsatx 'el eb' 'ajc'ojl cha.

Nm 28:11

A 'a b'ab'l c'u yic junjn 'uj, tz'ajx chawn̈oc no quelm wacx xajmb'al-l 'ayn an Jehová in, tz'ajx pax junc mam calnelu yet' ucwn̈oc no quelm calnelu junjn ab'il sq'uinal, no may spaltail.

Ro 1:4

Ax Yespíritu Dios, a ch'oxni to yel Yunnal Dios, to caw 'ay spoder, yujto 'ix 'ajx pitzwc 'a scal eb' chamnac.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Dt 15:21

Palta toto 'ay spaltail no', coxo, mto may yol sat no', mto 'ay tas palta 'a sniwnal no cha, man̈ eyac' no xajmb'al-l 'a Jehová qui Diosalec.

Nm 28:3

Tzaln pax 'a eb', 'aja jun tzo'n̈ xajmb'al chi wach' stz'a 'a wojltac an Jehová in yic tzyi'n chan̈ eb' in b'i. 'A junjn c'u tz'ajx tz'a chatcwan̈ no quelm calnelu junjn ab'il sq'uinal, no may spaltail.

Is 53:9

Wach'xam may smul, may 'aj xyixtj paxti junc mach, palta ata smuc eb' 'a 'aj mucn eb' maysch'olnil sb'eyb'al, ata xcan 'a scal eb' rico.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Job 15:16

An̈ xo an̈ 'anman̈ec tic, caw yajb'entacn̈ec, yel xo wal a maysch'olnil tzqui b'o'ec, lajn wal maysch'olnil chi 'ayn̈ec 'icha swach'l yu'x a a'.

A Ch'an̈ Schab'il Libro Yic Yab'ixal Eb' Rey 19:16

Mamin Jehová, comnoc wal tza maclj ab'i', tzel wal jun tic yet' a sat. Mamin Jehová tzab'n tas 'ix yal cot Senaquerib 'ayin, caw tu 'ix yal 'ayach, ach qui Diosal on̈, pitzn ach.

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

Dt 5:26

Toc 'ay junc 'anma tz'ab'n spaxtin Dios pitzan, 'icha wal xcutjec cab'n spaxtin 'elt an̈ec tic 'a scal c'ac', to matz chami.

Nm 28:9

A 'a yic sc'ul 'iljelal, yowlal tzeyac' chawn̈oc no quelm calnelu ofrendail, no junjn ab'il sq'uinal, no may spaltail. Tz'ajx pax wajxque'oc libra 'ixm harina caw wach', wach' pax tz'aj scalx yet' aceite, yujto ofrenda yic tas tzc'uxxi, tz'ajx pax yal uva yet'oc, 'icha xon tz'aj yajxi.

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Dt 31:27

Yujto wojtac, to ax tic caw wal pit ex, tenmtac ex. 'Aynto cob' 'ec' eyet'oc, palta 'in toxn to tenmtac tzeyutj e b'a 'a Jehová Dios, ¿ocxom wal yic 'oj in chami?

Ex 12:5

A no noc' cha, yowlal cab' jun ab'il xo sq'uinl no', no may spaltail 'a sniwnal, wach'xam chiwo mto calnelu, cojn toto smam no'.

Salmos 51:2

B'icl in maysch'olnilal, sacb'tzej in 'a scal in mul,

Ez 45:18

An Jehová Yajl in, an tzwal 'ixtic: A 'a b'ab'l c'u yic jun b'ab'l 'uj, yowlal tzeyac' junc no quelm wacx xajmb'alil, junc no may spaltail, yic tzsacb'tzax can watut yuj maysch'olnil b'onc 'a 'a.

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

A Tas Sc'ulejnac Eb' Schecab' Jesús Hechos 15:9

A 'a sat Dios, caw lajnn̈ej eb' quet'ec, yujto a 'ix 'i'n 'el maysch'olnil 'aych 'a eb', yic xya'n 'och eb' Cristo 'a sc'ojol.

1 Co 15:45

'Ixtc yaj stz'ib'x can 'a Ch'an̈ Un̈ 'ixtic: A jun b'ab'l winac, Adán sb'i, a 'ajxnac pitzwc 'anma'il, xchi. Palta 'ay junx tza'n to xjawi, 'icha Adán chi yaji. Palta a jun cha, espíritu. Atn tz'a'n qui q'uinlec 'a jun 'ejmn̈ej.

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.

A Ch'an̈ Carta D'a Eb' Hebreo 7:16

Man̈ yujoc ley yic Moisés, x'ajx yopiso ya'n 'och qui tic 'a Dios. Palta x'och yopiso, yujto may b'a'n̈ 'oj lajwc 'ec' sq'uinal.

A Ch'an̈ Carta D'a Eb' Hebreo 9:26

Q'uinloc man̈toc jun 'ejmn̈ej xyac' sb'a Cristo xajmb'alil. Toto 'ixta', tecn yowlal caw niwn 'ejm chamnac, yictax sb'ocn yolyib'n̈q'uinl tic. Yujto a 'a yic jun slajb' tiempoal tic, cojn jun 'ejm wulnc 'eq'ui. Caw a ya'jnac sb'a xajmb'alil, yic yi'n 'el qui mul 'ayn̈ec.

A Ch'an̈ Carta D'a Eb' Hebreo 10:10

Yujto a Jesucristo, caw a sniwnal ya'jnac xajmb'al-l 'a jun 'ejmn̈ej, 'icha 'elnc 'a sc'ojl Dios. Yuj cha, yuj wal jun xajmb'al cha, tz'ijx 'el qui mul 'ayn̈ec.

A Ch'an̈ Carta D'a Eb' Hebreo 10:12

A Jesucristo, junn̈j xajmb'al ya'jnac yuj qui mulc 'a jun 'ejmn̈ej. Xlajw cha, x'at 'em wocn 'a swach' c'ab' Dios.

A Ch'an̈ Carta D'a Eb' Hebreo 13:12

An̈jtona', 'ixta 'ajnc Jesús yab'n syal scham pax 'a sti 'el chon̈ab', sec wach' yuj wal schiq'uil, tz'elcn smul eb' 'anma'.