A Ch'an̈ Carta D'a Eb' Hebreo 6:8 - Chuj San Sebastian Bible

⁸ Palta 'ay pax lum nab'a q'ui'ix, nab'a c'ultc tzpac' 'a 'a, may jac yopiso. Yuj cha, 'oj jawc yowl sc'ojl Dios 'a yib'an̈, c'uxn 'oj tz'a'oc.

Chuj San Mateo Bible

⁸ Ay pax lum luum nab'a q'uiix, nab'a an̈ c'ultacn̈ej sq'uib' d'a sat. Malaj jab'oc syaxil. Yuj chi' scatab'aj luum yuj Dios, axo d'a slajvub'alxo, stz'ab'at luum smasanil.

A Ch'an̈ Carta D'a Eb' Hebreo 6:8 Referans Kwoze

Jn 15:6

Ax eb' matz cann̈j wet'oc, lajn 'oj 'aj eb' 'icha junc sc'ab' te tzu'x 'el 'a snun, tztacji, tzlajw cha, tzsi'x monto, tz'a'i.

Dt 29:28

Xpechx 'el eb' 'a sat slum yuj yowl sc'ojl Dios, yuj cha, xpechx can 'at eb' 'a scal jun tzo'n̈ xo nacion̈, 'icha wal tas wan yuj tic, 'oj xchic jun tz'a'n spac cha.

Jeremías 44:22

Palta a Jehová caw man̈x 'ic techj yiln 'och jun tzo'n̈ maysch'olnil xe b'o cha, caw ma'ix chaj sc'ojol. Yuj wal cha, a qui chon̈b'ec, caw 'ix lan̈chj 'ejm ticnec, man̈x 'a mach cajn 'a 'a. Tox 'ix 'atcn catb' 'a yib'an̈, caw tzxiw eb' 'anma yiln 'ochi.

A Ch'an̈ Carta D'a Eb' Hebreo 12:17

Cojquec, at 'a junx tiempoal, snib'jnac tot cob' 'ajxnac pax yic yuj smam cha, palta man̈x 'ic 'ajx 'a 'a. Wach'xam caw 'o'nc to, palta man̈xtoc stac' sb'onyaj win jun sb'ojnac can cha.

A Ch'an̈ Carta D'a Eb' Hebreo 10:27

Toto 'ixta', cojxn jun niwn yailal tzqui tan̈wjec, yet' jun c'ac' tzn̈ilchji. Smoj caw tzon̈ xiwc yu'uj. Yuj jun c'ac' cha, ax slajw 'el eb' 'ajc'ojl yajch 'a Dios.

Apoc 20:15

Jantcn̈ej eb' man̈ tz'ib'b'ilc sb'i 'a jun libro yic q'uinl 'a jun 'ejmn̈ej, an̈jta xjulx can 'at eb'.

Mr 11:21

Ax Pedro 'ix snan coti, yuj cha, xyaln 'ixtc 'a Jesús: —Mamin, 'ilt te snun higo a tumj can 'ewi, 'in xtacj 'el te', xchi 'a 'a.

Mr 11:14

Yuj cha, xyaln 'ixtc 'a te higo cha: —Man̈x 'a cab' junc mach 'oj lonc a sat, xchi. Ax eb' scuywum, xyab' eb' jun xyal cha.

Mt 7:19

'Icha jun tzo'n̈ te may xon sat wach' tzyac'a, tzu'x 'eli, tzjulx can 'at 'a yib'n̈ c'ac', 'ixta 'oj 'aj eb' man̈ wach'c sb'eyb'al.

Mt 3:10

A jun niwn yailal 'oj jawc cha, lajn 'icha junc winc lista yaj yet' sch'acb' 'a yich te 'awb'ente'. Jantcn̈ej te maysch'olnil sat tzyac'a, c'uxn tzu'l win smasnil, ax sjuln can 'at win 'a yib'n̈ c'ac'.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.

Ez 20:47

Tzalni to an Jehová in an tzwal 'ixtic: An Jehová in, an 'oj wa'ch sc'a'l lum calcte 'ay 'a Neguev, 'oj sn̈us jun c'ac' chi eb' te te yax xi'il yet' eb' te tacn̈ xo. A jun c'ac' cha, ma'oj tupoc, 'oj sn̈us jun c'ac' chi sat eb' 'anma 'ay 'a stojlal sur masnto 'oj c'och 'a eb' 'ay 'a stojlal norte.

Jeremías 17:6

A eb' cha, lajn wal eb' 'icha te q'uix 'ay 'a cusltac lu'um, may 'aj tzya'ilx te jab'oc. Tzq'uib' te 'a scal q'ue'en, 'a sat lum lum to 'ay 'atz'm 'a sat, 'a 'ajtil may mach cajn 'eq'ui.

Salmos 107:34

A lum lum 'ay syaxil sat, tzyac' jelmjoc sat lu'um yic man̈x 'a sb'al tzyac'a; yuj smul eb' 'anma cajn 'a sat lu'um, 'ixta tz'aji.

Job 31:40

to 'ixta', q'uib' cab' te q'uix 'a sat in lum sjelc 'ixm trigo, ax te comn c'ultc tzq'uib' sjelc 'ixm cebada, xchi Job. Atn 'a tic xlajw c'och yaln Job jun tzo'n̈ spaxti' yic tzcoln sb'a.

Gn 4:11

A ticnec, tzach catb'tzax can 'el 'a sat lum lum tic, atn lum 'ix 'u'n can 'ejm schic'l win o'tac 'ix a ma' cham cha.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

A Ch'an̈ Schab'l Libro Samuel 23:7

Toto 'ay junc mach tznib'n yamnc te', yowlal tzc'an junc q'uen hierro mto yoc lanza, yic tzluchn 'at te 'a scal c'ac' cha, sec tz'a te smasnil 'a jun 'ejmn̈ej, xchi David.

Is 27:4

May wowl 'ay cot 'a 'a. Toto 'ay te q'ui'ix, mto te comn c'ultc tu 'ay 'a scal, tzin satli, tzwa'n tz'a 'a jun 'ejmn̈ej.