A Ch'an̈ Carta D'a Eb' Hebreo 6:7 - Chuj San Sebastian Bible

⁷ An̈ec tic, lajn on̈c 'icha lum lu'um. A yic tzya'n n̈ab', tzyu'j 'ejm lum a a'. 'Ay lum lum caw wach' sb'al tzyac' 'a eb' tzmunlj 'och 'a sat, yuj cha, tzya'n Dios syaxilal 'a lu'um.

Chuj San Mateo Bible

⁷ Yujto a on̈ tic, lajan on̈ icha lum luum. Ayic syac'an n̈ab', syuc'b'at a' luum. Ay lum luum vach' avb'en syac' d'a eb' smunlaj d'a sat. Yuj chi' syac' svach'c'olal Dios d'a luum.

A Ch'an̈ Carta D'a Eb' Hebreo 6:7 Referans Kwoze

Os 10:12

Yuj cha, waln 'a eb' 'ixtic: A cab' tas tojl tze b'o ax tic, sec ax in chamc'ojlal 'oj e cha spacoc. Tojlb'tzejc e b'eyb'al, 'actjec can e tenmtaquil, stiempoal xo eya'n 'och e b'a 'a yol in c'ab', masnto yic 'oj in jaw wul wac' colnb'il 'ayex, 'icha wal yem n̈ab', 'ixta 'oj 'aj sjawi, xin chi 'a eb'.

Is 44:3

An 'oj wac' 'el yoctc a a 'a lum cusltac lu'um, ax sb'ey pax a 'a lum tacn̈ sat. An 'oj wac' Wespíritu 'a eb' eyin̈til, ax wa'n cot in yaxilal 'a yib'n̈ eb'.

Salmos 126:6

Wach'xam caw tz'oc' eb' yic tzya'n 'ejm eb' yin̈t cha, palta ax yic tzpolw trigo eb', caw wal tzb'itn eb' 'a tzaljc'ojlal yic mec'b'ilx 'ixm trigo chi yuj eb'.

Santiago 5:7

Palta ax xo wu'tac, wanab', 'a'c niwnc'ojlal e tan̈wni, masnto 'oj jawc Cajlilec. 'Iltec eb' munljum, tztan̈wj eb' yel-l smunljel, atn jun sat caw 'ay tz'och yuj eb'. Tz'ec' jun b'ab'l n̈ab', masnto tzlajw 'ec' n̈ab'lq'uinal, palta tzyac' eb' niwnc'ojlal 'a smunljel cha.

Ez 34:26

'Oj wac' in yaxilal 'a yib'n̈ eb' yic 'ayc' eb' 'a lum tzaln yic 'emmquilal, ax wa'n cot n̈ab' 'a sat lum lum chi 'a 'icha stiempoal.

Salmos 24:5

A eb' cha, 'oj scha eb' syaxilal Jehová Dios, ax schan pax eb' scolnb'il 'a 'a.

Lv 25:21

Palta man̈ ex 'och 'il, yujto an 'oj wac' in yaxilal 'a yib'n̈ smasnil tas tzeyawj 'a jun swacl ab'il cha. A tas 'oj e molo', colb'il 'oj yac' 'a 'oxe ab'il.

Malaquías 3:10

A ticnec jun, 'ijec cot smasnil e diesmo, tzwul eya'nc 'a sc'un̈ail 'ay 'a watut, sec wach' 'ay tas tzc'ux eb' tzin 'a'n servil. An Jehová in, tztac' wuj smasnil, an tzwala: 'A'nec prowal nab'an, ax eyilni 'icha to 'oj in jac sc'un̈ail satchan̈ 'ayex, ax in secn 'emt yaxilal 'a eyib'an̈, man̈x 'a yet'l 'aj 'oj eyac'a'.

Gn 27:27

'Ix snitzn 'ochch sb'a Jacob chi 'a stz'ey smam cha, yic tz'ub'n 'elt sti cha, ax Isaac su'lni spichl win yunnal cha. Xlajw cha, xyaln can jun tzo'n̈ swach' paxti tic 'a yib'n̈ win 'ixtic: N', atn wal sjab' ni wunnal tic. Lajn wal sjab' ni 'icha te snich te', te 'ay 'a scaltcte to 'ac'b'il yaxilal 'a yib'n̈ yuj Jehová.

Gn 1:11

Xlajw cha, xyaln Dios 'ixtic: Pa' cab' smasnil junjn c'aj te te 'a sat lum lum tic: te 'itj tzyac' yin̈til, yet' te te tzyac' sat, a tzyal yin̈tl te', xchi. 'Ixta x'aji.

Mt 7:8

Yujto a eb' tzc'anni, 'oj scha eb'. Ax eb' tzsayni, 'oj chax yuj eb'. An̈jtona yet' eb' tz'awj 'och 'a te puerta, 'oj jacxoc te 'a eb'.

2 Ti 2:6

'Ilt eb' tzmunlj 'a lum lu'um, 'ay yaln eb' yic sb'ab'l yamn jun smunljel cha.