A Ch'an̈ Carta D'a Eb' Hebreo 6:12 - Chuj San Sebastian Bible

¹² Tzqui nib'j on̈, man̈ 'isjoc tzeyutj e b'a 'a yic Dios. B'eylb'ejc sb'eyb'al eb' caw tzya'ch sc'ojl 'a 'a, eb' caw te'n tzyutj sb'a. A eb' 'ixta tzyutj sb'a cha, wan yica'an eb' jun tzo'n̈ tas 'aj ya'jnac Dios sti yu'uj.

Chuj San Mateo Bible

¹² Co gana to man̈ jaraganaoc tzeyutej e b'a d'a yic Dios. B'eyb'alejec sb'eyb'al eb' syac' val och sc'ool d'ay, eb' tec'an val syutej sb'a, yujto a eb' icha chi' syutej sb'a, van schaan juntzan̈ tas yalnaccan Dios to ol yac' d'a eb'.

A Ch'an̈ Carta D'a Eb' Hebreo 6:12 Referans Kwoze

A Ch'an̈ Carta D'a Eb' Hebreo 13:7

Tze na cot eb' laj 'e'nc ex scuyu', eb' laj aljnac 'el spaxti Dios 'ayex. Tze na coti, tas 'ajnc eb' yuj swach' b'eyb'al. 'Icha yutjnac eb' ya'n 'och sc'ojl 'a Dios, 'ixta tzeyutj e b'a jun xo.

A Ch'an̈ Carta D'a Eb' Hebreo 10:36

Yowlal niwn tzeyutj e c'ojol, sec 'oj stac' e b'on jantcn̈ej tas tznib'j Dios, ax e chan tas 'aj ya'jnac can sti'.

1 Jn 2:25

Atn Jesucristo ya'jnac can sti 'ayn̈ec, to tzyac' qui q'uinlec 'a jun 'ejmn̈ej.

Ro 12:11

Caw c'asn tzcutjec qui b'a 'a Cajlil. Man̈ 'isjoc tzcutjec qui b'a 'a 'a. Yet' smasnil qui c'ojol, tzca'nec servil Cajlil.

A Ch'an̈ Carta D'a Eb' Hebreo 5:11

Til to wal tas tzin nib'j tzwalb't 'ayx yuj jun tic, palta ya 'oj nachjc 'el eyu'uj, yujto wan e pitb' 'eli.

A Schab'il Carta San Pedro 1:10

Yuj cha, ex wu'tac, ex wanab', caw tzca'c quip cojcan 'el si'mb'il, chajtlto caw yel 'awtb'iln̈ec yico'oc, sic'b'iln̈ec xo 'el yu'uj. Toto 'ixta tzcutjec qui b'a, may b'a'n̈ 'oj juwc 'el qui nab'enec.

Santiago 1:3

'Ay 'aj tzon̈ 'ajxec prowal, sec chequel toto yel tzca'c 'och qui c'olj 'a Dios. Palta cojquec, at wal ta tzwach' 'ajx qui te'nal.

A Ch'an̈ Carta D'a Eb' Hebreo 12:1

Til wal eb' sch'oxjnac 'el sb'a, to ya'jnac 'och eb' Dios 'a sc'ojol. A eb' cha, 'icha to oyn 'och eb' 'ayn̈ec ticnec. An̈ec xo tic, lajn on̈c 'icha eb' caw tzyac' carela 'a junc tajnel. Yuj cha, yowlal tzquijec 'el jun tzo'n̈ 'al yajch 'ayn̈ec, yujto a jun tzo'n̈ chi tzon̈ 'i'nec 'och wa'an. An̈jtona', yowlal tzcactjec can pax jun tzo'n̈ maysch'olnil, yujto a jun tzo'n̈ cha, lajn 'icha junc tas tzcan b'a'n 'a scal coc, tzon̈ telw yu'uj. Yowlal caw te'n tzcutjec qui b'a ca'n quip, 'icha eb' tzyac' carela cha.

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

Ro 4:12

An̈jtona', mamb'il yaj pax win 'a eb' 'ac'b'il circuncidar. Tzyal 'el'chi, atn eb' matz ya'ch jun senya chi yipc sc'ojol, atn eb' tzya'ch sc'ojl 'a Dios, 'icha ya'jnac Abraham cha yic mantzac 'ajx circuncidar.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

Jeremías 6:16

'Ix yal Jehová 'a eb' schon̈b' 'ixtic: 'Ochn̈ec wan lin̈n 'a 'aj tzchaj sb'a jun tzo'n̈ b'e, tze maclni eyila'. Tze c'anb'n 'ec' jun tzo'n̈ 'ichm b'e yet' 'ajtil 'ay b'e wach'. A 'a yol jun b'e caw wach' cha, ata tzex 'ati, sec wach' 'oj eyilji, xin chi. Palta 'ix eyaln 'ixtic: Ma'ay, matz qui nib'j tzo'n̈ 'at ta 'on̈, xe chi.

Pr 18:9

A eb' 'isaj yet' eb' ton̈j tzjun 'el junc tas, 'icha to yu'tac sb'a eb'.

Apoc 13:10

A eb' yic xon yaj yijx 'at presoal, 'oj 'ijxoc 'at eb' presoal. Ax eb' yic xon yaj smilx cham yet' q'uen espada, 'oj milxoc cham eb' yet' espada, xchi. Yuj cha, an̈ec yic on̈c xo Dios, yowlal te'n tzcutjec qui b'a cab'n syail, tzca'nec pax 'och qui c'ojl 'a 'a.

A Ch'an̈ Carta D'a Eb' Hebreo 11:33

A eb' cha, caw ya'jnac 'och eb' Dios 'a sc'ojol. Yuj cha, 'ay eb' ya'jnac ganar jun tzo'n̈ nacion̈, yic ya'n eb' owl yet'oc. 'Ay eb' caw tojl yutjnac ya'n yajlil. 'Ay eb' chajnac tas ya'jnac can Dios sti yu'uj. 'Ay eb' macjnac sti no león.

A Ch'an̈ Carta D'a Eb' Hebreo 6:15

Ax Abraham cha, caw ya'jnac techjoc stan̈wni. Yuj cha, schajnac jun 'aj ya'jnac Dios sti yu'uj.

2 Ts 1:4

Yuj cha, tz'ec' cal e wach'l 'a scal eb' creyente 'a junjn yiglesia Dios. Yujto til wal tas tz'ajx 'och 'a eyib'an̈, caw niwn syal wan eyab'n ta', palta caw te'n tzeyutj eya'n 'och e c'ojl 'a Dios. Wan eya'n techjoc smasnil.

Lc 8:15

Palta ax jun tzo'n̈ 'in̈t x'emcn 'a 'aj 'ay syaxil lu'um, tzyal 'el'chi, 'ay eb' 'anma caw wach' tzyutj yab'n spaxti Dios 'a smasnil sc'ojol. Caw tzya'ch eb' 'a sc'ojl si'mb'il. Te'n tzyutj eb' snab'en, yuj cha, lajn eb' 'icha 'ixm trigo may xon tz'aj sjuwi, wach' tz'aj sc'anb' sjolom.

Mt 22:32

An ton tic sDiosal in Abraham, sDiosal in Isaac, sDiosal in pax Jacob, xchi. Yuj cha, wach'xam chamnc ewinac, cojtac to man̈ satnc 'el ewin 'a jun 'ejmn̈ej, yujto yaljnac, to sDiosal ewin yaji, xchi Jesús 'a ewinac.

Pr 15:19

A 'a eb' 'isaj, 'icha to 'ay 'ejm q'uix 'a yol sb'e eb'; ax eb' wach' snab'en, caw tojl sb'e eb', may tas 'ay 'ejm 'a yol sb'e eb' cha.

Pr 13:4

A eb' 'isaj, 'ay tas tznib'j eb', palta matz 'ilchj yuj eb'; ax eb' tzmunlji, caw wal 'oj niwtjoc tas 'ay 'a eb'.

Pr 12:24

A eb' tzmunlji, 'oj 'och schecb' eb'; ax eb' 'isaj, 'oj 'och eb' checb'al.

1 Ts 1:3

A 'a sat qui Mam Dios, tzqui na cot on̈, chajtlto caw tzex munlj 'a 'a, caw tzeya'ch 'a e c'ojol. Tzqui nan cot on̈ yic tzeya'n servil, yujto caw niwn e chamc'ojlal 'a 'a. An̈jtona', caw te'n tzeyutj e b'a, yujto an̈j Cajlil Jesucristo a tzeya'ch yipc e c'ojol.

Lc 16:22

A yic xjaw sc'ul scham win meb'a cha, ax eb' ángel xwul 'i'nc spixan. 'Ix c'och yet' Abraham 'a jun paraíso sb'i. An̈jtona', xjaw pax sc'ul scham win rico cha, 'ix mucxi.

Mt 25:26

Palta xyaln win spatron̈ win chi 'ixtic: Ach tic cob' moso ach, palta may a ch'olnil, caw 'isj ach. 'In ojc xoni, toxn̈ej tzin jach'a, palta may tas tzwawej, toxn̈ej tzin chaj wico'oc tas tzyac' ganar junc xo 'anma'.

Cantares 1:8

Ach cob's 'ix to chamc'ojlb'il wu'uj, yel wach' elx 'a scal eb' 'ix 'ix caw wach' yilxi, toto man̈ ojcoc, 'ochn̈ tza'n yuj yoc e no calnelu cha, axta tza tan̈wj wa e no a cotc chiwo 'a stz'ey spat ewin 'ilm calnelu cha.

Pr 2:20

B'eylb'ej jun b'eyb'al caw wach', tza b'eylb'an sb'eyb'al eb' tojl sb'eyb'al.

Pr 28:10

A mach tz'i'n 'at eb' 'anma wach' sb'eyb'al 'a maysch'olnil, a jun cha, mun a 'oj can 'a jun sch'an̈ yal tzb'o 'ejm cha, ax junc tojl snab'en, 'oj scha wach'il.

Pr 26:14

'Icha wal yec' swisagreil junc puerta, 'ixta yec' b'alb'noc jun 'isj chi 'a sat sch'at.