A Ch'an̈ Carta D'a Eb' Hebreo 3:7 - Chuj San Sebastian Bible

⁷ Yuj cha, 'ixtc yaj yaln Yespíritu Dios 'a Ch'an̈ U'un̈: A ticnec toto tzeyab' tas tzwala,

Chuj San Mateo Bible

⁷ Yuj chi', icha syalcan Yespíritu Dios d'a Slolonel Tz'ib'ab'ilcani: A d'a jun c'u tic, tato tzeyab' tas syal Dios,

A Ch'an̈ Carta D'a Eb' Hebreo 3:7 Referans Kwoze

A Ch'an̈ Carta D'a Eb' Hebreo 3:15

Yujto 'ixtc yaj stz'ib'x can 'a Ch'an̈ U'un̈: A ticnec toto tzeyab' tas tzwala, to 'ixta', man̈ eyac' pitb'oc e b'a 'icha ya'jnac eb' e mam eyicham yic tenmtac yutjnac sb'a eb', xchi 'a Ch'an̈.

Is 55:3

Cotn̈ec 'ayin, tzcham wal e maclni eyab' tas 'oj wala', tzeyiclni, sec 'ay e q'uinal. 'Oj in b'ox in trato eyet' 'a jun 'ejmn̈ej, ax wa'n 'el'choc in wach'c'ojlal 'aj wa'jnac in ti wa'n 'a rey David.

Apoc 3:20

'Ab'ec, 'icha to wan wawj 'och 'a yol smac n̈a. Toto 'ay mach tz'ab'n wawj 'ochi, tzjacn yatut 'ayin, 'oj woch yet'oc, ax in mol wa yet'oc.

A Ch'an̈ Carta D'a Eb' Hebreo 4:7

Yuj cha, 'ay junx tiempoal ch'oxb'il yuj Dios, atn jun tiempoal tic. Yujto pecti yaljnac Dios yuj jun 'iljelal cha, ya'n pax yal David 'icha xwala, 'aj tzyal 'ixtic: A ticnec toto tzeyab' tas tzwala, to 'ixta', man̈ eyac' pitb'oc e b'a, xchi.

Jn 10:27

A eb' wico', tzya'ch eb' schicn 'ayin. An xo tic, wojc eb'. 'Icha e no calnelu tz'och tza'n yuj yilmal, 'ixta tz'ajch tza'n eb' wu'uj.

Salmos 81:13

A eb' in chon̈ab', comnoc xyab' eb' tas xwala; comnoc sb'eylb'ej eb' israel tas xwal 'a 'a.

A Ch'an̈ Carta D'a Eb' Hebreo 3:13

Ya' sb'a 'ayt jab'x tiempo, caw tzlaj e jucb'tzoc e b'a 'a junjn c'u, sec wach' may ex tzex 'ixtx yuj maysch'olnil, may ex tzex pitb' 'el yu'uj.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Salmos 81:11

Palta x'ec' jun tiempoal, xyaln pax yuj eb' 'ixtic: A eb' in chon̈b' tic, ma'ix schaj eb' yab' tas xwala; a eb' israel tic, ma'in syiclj eb'.

Jn 10:3

Ax win waymtam calnelu, a win tzjacn te col-l chi 'a win 'ilm calnelu cha. Ax no calnelu cha, c'aync no yet' win yilmal cha. Yojc win sb'i junjn no'. A win tzjacn 'elt e no'.

Jn 5:25

Wal yel tzwal 'ayex, a ticnec, tox 'ix jaw stiempoal yab'n eb' chamnc in jaj an Yunnaln Dios tic. A eb' tzyiclni, atn eb' 'oj scha sq'uinal.

Is 55:6

'A'c 'och Jehová yipc e c'ojol, ya' sb'a chab'ilx to yu'uj, 'awjan̈c 'a 'a, ya' sb'a to la'nto yaj 'a e tz'ey.

Jn 10:16

'Ay pax jun tzo'n̈ xo eb' 'oj ya'ch sc'ojl 'ayin, palta man̈ quit chon̈b'oc eb'. Yowlal 'oj in molb'tzoc cot eb'. A eb' cha, 'oj syiclc eb' tas tzwala. Junn̈j 'oj 'aj eb' wic smasnil, yujto junn̈j mach tz'iln eb'.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

A Schab'il Carta San Pedro 1:21

Yujto a eb' cha, may junc mun snajnac eb' 'a sjolom, stz'ib'n can eb'. Palta atn Dios si'jnac 'el eb'. Ax Yespíritu 'a'jnac nachjc 'el yuj eb', chajtl yutjnac eb' yaln can 'el spaxti cha, stz'ib'n can eb'.

A Ch'an̈ Schab'l Libro Samuel 23:2

A Yespíritu Jehová a xpaxtin 'el 'ayin; a spaxti 'ayc' 'a yol in ti'.

A Ch'an̈ Carta D'a Eb' Hebreo 9:8

Palta a Yespíritu Dios tz'a'n nachjc 'el junx tic cujec. To a yic 'ayt yopiso jun b'ab'l cuarto cha, ax junx Lugar to cojn Dios 'ay yico', macn 'ayn̈ec.

Mt 22:43

—Palta a David cha, 'ajxnac yal yuj Yespíritu Dios, chajtlto a Cristo cha, Yajl yaj 'a 'a, yic yaln 'ixtic:

Pr 27:1

Man̈ eyi' chan̈ e b'a eyaln yuj tas 'oj e b'o 'a junc xo c'u, yujto man̈ eyojcoc tas yet' junx c'u cha.

A Tas Sc'ulejnac Eb' Schecab' Jesús Hechos 28:25

Yuj cha, syamn 'och eb' spax 'a yatut, yujto ma'ix chaj sb'a snab'en eb'. Yuj cha, xyaln Pablo 'a eb' 'ixtic: —A Yespíritu Dios 'a'jnac yalcn Isaías 'a eb' qui mam quichmec pecti', yujto schecb' yaji. Caw yel jun yaljnac cha, yic yaln 'ixtic:

Mr 12:36

Yujto a David cha, 'ajxnac yal yuj Yespíritu Dios 'a jun 'el yic yaln can 'ixtic: A Dios Cajlil aljnac 'a Wajlil 'ixtic: 'Emn̈ wocn 'a in wach' c'ab', masnto 'oj can eb' 'ajc'ojl yajch 'aych 'a yaln̈ wu'uj, xchi Dios 'a Wajlil, xchi David.

A Tas Sc'ulejnac Eb' Schecab' Jesús Hechos 1:16

—Ex wu'tac, ex wanab', yowlal x'el'ch 'icha yaj stz'ib'x can 'a Ch'an̈ U'un̈. Yujto a Yespíritu Dios 'a'jnac stz'ib'c can David, chajtlto a win Judas ch'oxwjum 'a eb' tzyamn Jesús.

A Tas Sc'ulejnac Eb' Schecab' Jesús Hechos 8:29

Ax Yespíritu Dios 'ix aln 'a Felipe 'ixtic: —'Ixc 'a stz'ey jun caruaje cha, xchi.

A Ch'an̈ Carta D'a Eb' Hebreo 10:15

Ax Yespíritu Dios, tzyac' testigoal sb'a 'ayn̈ec yuj jun tzo'n̈ tic. Yujto tzyal 'ixtc 'a Ch'an̈ Un̈ 'a b'ab'el: