A Ch'an̈ Carta D'a Eb' Hebreo 13:8 - Chuj San Sebastian Bible

⁸ A Jesucristo, lajnn̈ej snab'en 'a yictax pecti', ticnec, yet' 'a yic b'aq'uin̈.

Chuj San Mateo Bible

⁸ A Jesucristo, icha yaj d'a peca', icha chi' yaj ticnaic, an̈eja' icha chi' ol aj d'a masanil tiempo.

A Ch'an̈ Carta D'a Eb' Hebreo 13:8 Referans Kwoze

Malaquías 3:6

An Jehová in tztac' wuj smasnil, may b'a'n̈ tzin jelmji. Yuj cha, ax yin̈tlex Jacob tic, mantzac ex satli.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.

Apoc 1:8

Yaljnac Cajlilec 'ixtic: An tic b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in, xchi Cajlilec, atn pax jun tztac' yuj smasnil. A 'ayc' ticnec, 'ayc'n̈ej tax 'a yic pecti', atn jun 'oj jawoc.

A Ch'an̈ Carta D'a Eb' Hebreo 1:12

'Oj a chulb'ec'n 'icha junc nip. 'Oj a jelmtoc 'icha tzyac' junc 'anma tzjel-l yichm pichul. Palta ach xo, ajn̈j aj 'a smasnil tiempo. Ax a q'uinal, may b'a'n̈ 'oj lajwc 'eq'ui, xchi 'a Ch'an̈ U'un̈.

Is 44:6

A Jehová Rey tztac' yuj smasnil, a tz'a'n 'el eb' israel 'a libre, a tzaln 'ixtic: An ton tic b'ab'l waj 'a smasnil, slajb' in paxi, cojn in ton Dios in, may junc xo.

Salmos 90:2

Yic mantzac a b'o eb' lum niwc witz, lum lum tic yet' smasnil yolyib'n̈q'uinl tic, masnto 'a slajub', Dios achn̈ej xoni.

Salmos 103:17

Palta a schamc'ojlal Jehová, may slajb' 'a 'ayn̈ to yiclum on̈c 'a 'a. A swach'c'ojlal 'ayc'n̈ej 'a yib'n̈ quin̈tlec b'aq'uin̈;

Is 41:4

¿Mach 'ix 'a'n sb'o jun tzo'n̈ tic? ¿Mach 'ix nalb'an smasnil tas 'ix uj 'a yictax pecti'? An ton Jehová in, an b'ojnac, cojn in ton Dios in, b'ab'l waj 'a smasnil, slajb' in paxi.

Salmos 90:4

A jun mil ab'il, 'ichan̈ej yec' jun c'u 'a yic 'ewi, 'ixta 'a yol a sat. 'Ichan̈ej yec' jaye'oc hora 'a junc 'ac'wal, 'ixta 'ayach.

Apoc 1:4

An Juan in tic, an tzin tz'ib'j 'at 'ayx ex creyente 'a uque iglesia 'a yol yic Asia. Ya' cab' Dios swach'c'ojlal yet' sjunc'ojlal 'ayex. A Dios 'ayc' ticnec, 'ayc'n̈ej tax 'a yic pecti', atn jun 'oj jawoc. Ax 'a yojltac sdespacho, ata 'ayc' ucwn̈ Espíritu, ya' cab' eb' swach'c'ojlal 'ayex.

2 Co 1:19

A Cristo Jesús, yel Yunnal Dios, a yab'xil 'ec' waljnac 'a e cal. 'Ec' yaln pax Silvano yet' Timoteo. A Cristo, may jun 'ejmoc yaljnac 'ixtic: Inye, ¿tom xchi? Tzyaln paxi to ma'ay. Yujto cojn wal a tas yel, a yaljnac.

Apoc 1:11

'Ix yaln 'ayn 'ixtic: [—An ton tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in.] A tas wan elni, tza tz'ib'j can 'a junc libro. Tza'n 'at 'a eb' creyente 'a uque iglesia ['a yol yic Asia,] atn 'a Éfeso, 'a Esmirna, 'a Pérgamo, 'a Tiatira, 'a Sardis, 'a Filadelfia yet' 'a Laodicea, xchi 'ayin.

Gn 21:33

A 'a Beerseba cha, ata 'ix yawj Abraham jun te te tzcuch tamarisco. Ata tz'och Abraham chi 'emmquilal 'a Jehová, atn jun Dios 'ayc' 'a smasnil q'uinal.

Ex 3:14

'Ix ta'w pax Jehová 'ixtc 'a Moisés: —AN TIC 'AYNÑEJ XON 'EQ'UI. 'Ixta tzotj aln 'a eb' et chon̈b' cha: AN TON TIC, an tzach in checb'ti, xchi Dios.

2 Co 1:20

A tz'a'n 'el'choc jantcn̈ej tas tzyal Dios, yic tzya'n sti'. Yuj cha, a yic tzcaln wach' paxti 'a Dios, b'o cab' 'ixta', xqui chi, yujto cojtac, to 'oj 'el'choc yuj Cristo Jesús.