A Ch'an̈ Carta D'a Eb' Hebreo 12:3 - Chuj San Sebastian Bible

³ Yuj cha, caw tze na cot sb'eyb'al Jesús, chajtl xyutj ya'n techjoc yic yab'n syal yuj eb' maysch'olnil. Toto 'ixta', ma'oj e tzactzji, ma'oj somchjc 'el e nab'en.

Chuj San Mateo Bible

³ Yuj chi', tze na val cot sb'eyb'al Jesús chajtil yutejnac yac'an techaj syaelal yuj eb' chuc. Tato icha chi', man̈ ol ex tzactzajoc, man̈ ol somchaj pax el-laj e pensar.

A Ch'an̈ Carta D'a Eb' Hebreo 12:3 Referans Kwoze

Gl 6:9

Yuj cha, caw wach'n̈j tzcutjec qui b'eyb'al 'a smasnil tiempo, matz tac' qui tzactzjec. Toto matz cactjec can qui wach' b'eyb'al tic, ax yic 'oj jawc stiempoal, ax qui chanec spac.

2 Co 4:16

Yuj cha, caw may 'aj tzon̈ tzactzj on̈. Wach'xam wan yichmax qui niwnal tic on̈, ax qui pixn on̈, 'ipn ya'tb'i 'a junjn c'u tzcab' on̈.

Apoc 2:3

Caw niwn tzeyutj e c'ojol. Til wal yailal xeyab' syal wu'uj, palta ma'ex tzactzji.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

A Ch'an̈ Carta D'a Eb' Hebreo 12:2

Ca'c 'at qui nab'en 'a Jesús, yujto a tz'a'n ca'c 'och qui c'ojl 'a 'a. Yu'uj, caw tz'acn tzcutjec ca'n 'och 'a qui c'ojol. 'Ix yab' syal 'a te culus. Ma'ix sna jab'oc toto q'uixweltac x'aj schami, yujto yojtac, a yic tzlajw yab'n syal cha, caw tzaljc'ojlal yico'. Ax ticnec, wocn 'ejm 'a sdespacho Dios 'a swach' c'ab'.

A Ch'an̈ Carta D'a Eb' Hebreo 3:1

Ex wu'tac, ex wanab', yic ex xo Dios wet'oc, yujto a 'awtjnacn̈ec 'och yico'oc. Yuj cha, caw tze wach' 'a'j 'och e nab'en 'a Cristo Jesús, yujto schecb' Dios yaj 'ayn̈ec. An̈j tz'a'n 'och qui ti 'a jun 'aj tzcalc qui b'a.

2 Co 4:1

Yuj cha, caw matz on̈ tzactzj on̈, yujto x'o'ch sc'ojl Dios 'ayn̈ on̈, xya'n jun copiso tic on̈.

Jn 5:16

Yuj cha, caw x'och ewin 'ajc'ojlal 'a Jesús cha. ['Ix cob' snib'c ewin smil chamoc,] yujto sc'ul 'iljelal 'ix sb'o jun tzo'n̈ cha.

A Ch'an̈ B'ab'el Libro Samuel 12:24

Cojnto tzex xiw 'a Jehová, tzeya'n servil wal yet' smasnil e c'ojol, tze nan coti, jantc tas wach' 'ix sb'o cujec.

A Ch'an̈ Carta D'a Eb' Hebreo 12:5

Tecn 'ix sat e c'ojl 'a tas yaljnac can Dios 'ayn̈ec, yic ya'n qui nab'enec, yujto yunnaln̈ec xo. Yaljnac 'ixtc 'a Ch'an̈ U'un̈: Ach wunnal, a yic tzach ya'n cuenta Jehová, man̈ a na' to may yel'chi. Man̈ ach tzactzjoc, yic tzach stenn 'och wa'an.

Lc 14:1

A 'a yic jun sc'ul 'iljelal, 'ix c'och Jesús wac 'a yatut jun win syajlil eb' fariseo. 'Ay pax jun tzo'n̈ xo ewin fariseo tzmaclni yila'.

Dt 20:3

ax yaln win 'ixtic: Ex wit chon̈ab', 'ab'tec tas 'oj wala': A ticnec 'oj ca'c owl yet' eb' 'ajc'ojl yajch 'ayn̈ec, may cab' qui chab'c'ojlalec, man̈ on̈ xiwec, man̈ on̈ 'ib'xoc cha'an̈, man̈ qui xib'tquec qui b'a,

2 Ts 3:13

Ex wu'tac, ex wanab', man̈ ex tzactzjoc e b'on jun tzo'n̈ wach'l chi ta'.

Jn 18:22

Xlajwn̈ej yaln jun tzo'n̈ cha, ax jun win stan̈mal yatut Dios 'ayc' ta', spawn 'och win sc'ab' 'a sat Jesús cha. 'Ix yaln win 'ixtc 'a 'a: —¿Tom 'ixta tzotj a ta'wni tas tzyal win sat ya'mal 'och qui ti 'a Dios? xchi win 'a Jesús.

Jn 8:52

—A ticnec, caw cojc on̈, to 'aych jun demonio chi 'ayach. A win Abraham yet' jantcn̈ej eb' schecb' Dios pecti', c'uxn chamnc eb' smasnil. Ach xo tic tzal 'ixtic: Toto 'ay eb' tzyiclni tas tzwala, may b'a'n̈ 'oj cham eb', xa chi cob'i'.

Is 50:4

A jun schecb' Dios tzaln 'ixtic: A Jehová Wajlil a x'a'n jelnb'oc in paxtini, yic wach' tztac' wa'n sniwnal sc'ojl eb' c'unb'nac. 'A junjn sq'uin̈b'ial tzin nib'n wab'i' tas tzyac' in cuyu'.

Pr 24:10

Toto tzjaw e chab'c'ojlal 'a yic 'ayx 'och 'a somc'ojlal, may e te'nal tzyal cha.

Jn 8:59

Xlajw cha, 'ix laj si'nc chan̈ ewin q'ue'en, snib'n ewin sjul chamoc. Ax Jesús 'ix sc'ub'j 'el sb'a 'a ewinac. 'Ix 'elt 'a yamq'uil yatut Dios cha.

Jn 8:13

Ax ewin fariseo 'ix aln 'a 'ixtic: —Ach tic, mun tzala to 'ay opiso. Yuj cha, caw may yel'ch jab' ec chi cob' wan aln cha, xchi ewin 'a 'a.

Jn 7:12

Ax 'a scal eb' 'anma', til wal eb' tzlaj aln yu'uj. 'Ay eb' tzaln 'ixtic: Caw wach' winac, xchi eb'. Palta 'ay pax eb' tzcob' alnoc: Ma'ay, to tzlaj yixtc paxti win eb' 'anma', xchi eb'.

Lc 16:14

Ax ewin fariseo cha, c'uxn xyab' ewinac tastc 'ix yal Jesús. Palta cojxn wal tumn 'aj 'aych snab'en ewinac. Yuj cha, ton̈j xb'uchwj ewin 'a 'a.

Lc 15:2

Yuj cha, xcot yowl ewin fariseo yet' ewin cuywjum 'a ley yic Moisés, 'ix yaln ewin 'ixtic: —A win tic, tzchajn̈ej win eb' maysch'olnil sb'eyb'al tzc'och 'a 'a, 'in tzwa yet' eb', xchi ewinac.

Lc 5:21

Ax ewin cuywjum 'a ley yic Moisés yet' ewin fariseo, 'ix snan ewin 'ixtic: ¿'Aj wal xyij cot sb'a winac, yuj chi tzb'uchwj win 'a Dios? Toc 'ay xon junc mach tztac' ya'n lajwc qui mul, cojxn Dios, xchi ewinac.

Lc 2:34

Xlajw cha, 'ix sc'ann Simeón swach'c'ojlal Dios 'a yib'n̈ eb'. 'Ix yaln 'ixtc 'a María, atn snun Jesús: —'Ab'i, a jun tz'ulc 'unn tic checl xon yaji, to niwn eb' quit israelal 'oj somchjc 'el snab'en yu'uj. Niwn pax eb' 'oj b'o snab'en yu'uj. A 'oj ch'oxnoc tas tz'aj eb' scolchji, palta niwn eb' 'oj patquilnc can 'eli.

Mt 22:15

Xlajw cha, 'ix yi'n 'el sb'a ewin fariseo cha, 'ix 'at sc'umnoc sb'a ewin 'a spatc Jesús, chajtl 'oj yutc ewin ya'lni prowal, sec toq'ue 'ay tas 'oj yac' palta yalni, yujto tznib'j ewin yac' queja.

Mt 21:46

Yuj cha, snib'n ewin syama', palta xiw ewin yuj eb' 'anma'. Yujto a Jesús caw schecb' Dios 'a sat eb' 'anma cha.

Mt 21:23

Xlajw cha, x'ochx Jesús 'a yamq'uil yatut Dios, 'ix cuywj 'a eb' 'anma ta'. Ax ewin sat ya'mal 'och sti eb' israel 'a Dios, yet' ewin 'ichmtac winac, 'ix jaw ewinac, sc'anb'n ewin 'ixtc 'a 'a: —¿Tas opiso, yuj cha a comn b'on jun tzo'n̈ chi 'ewi? ¿Mach wal 'a'jnac opiso cha? xchi ewinac.

Mt 15:2

—¿Tas yuj matz b'eylb'ej eb' a cuywum sb'eyb'al eb' qui mam quichmec? 'In a yic tzwa eb', matz b'icl eb' sc'ab' 'icha tzyal sley eb' qui mam quichmec, xchi eb' 'a 'a.

Mt 12:24

Palta a yic xyab'n ewin fariseo jun tzo'n̈ cha, 'ix yaln ewin 'ixtic: —A jun winc tic, tztac' ton yi'n 'el ewin demonio, yujto a win Beelzebú win syajlil ewin demonio cha, a 'aych yet'oc, xchi ewinac.

Mt 11:19

Xlajw cha, in jaw an 'Ochnc in 'Anmal tic. An xo tic, tzin wan̈ej, tzwu'jn̈ej tas. Palta tzyal eb' 'ixtc wu'uj: A Jesús cha, cojn wal snib'n wa sb'a, 'u'm 'an̈ paxi. Caw swach'c'ojl sb'a yet' eb' tecm 'el tumin, yet' jun tzo'n̈ xo eb' maysch'olnil sb'eyb'al, xchi eb' wu'uj. Palta a eb' 'ay sjelnal Dios 'a 'a, tzcheclj 'el sjelnal eb' chi yuj tastc tzb'o'o, xchi Jesús 'a eb'.

Jn 9:40

'Ay jaywn̈ ewin fariseo 'ayc' ta'. Yic 'ix yab'n ewin jun cha, 'ix yaln ewin 'ixtc 'a 'a: —¿Tom tza na'a, to matz uj quiln yic Dios on̈? xchi ewinac.

Jn 10:20

'Ay nan̈l eb' xcob' alnc 'ixtic: —¿Tas yuj tzcob' eya'ch e chicn 'a win tic? Palta 'in 'aych win demonio 'a winac. 'In to owya winac, xchi cob' eb'.

A Sb'ab'el Carta San Pedro 2:23

A 'a yic 'ix b'uchwj eb' 'a 'a, ma'ix b'uchwj pax 'a eb'. Ax yic 'ix 'ajx pax 'och 'a syailal, ma'ix yala, to 'oj yac' spac 'a eb'. Ton̈j xyac' 'ab'enal sb'a 'a Dios, atn jun Juez caw tojol.