A Ch'an̈ Carta D'a Eb' Hebreo 11:34 - Chuj San Sebastian Bible

³⁴ 'Ay eb' 'a'jnac tup jun tzo'n̈ c'ac' caw ow. 'Ay pax eb' colchjnac 'eli, yic 'ijn scham eb' yuj q'uen espada. A jun tzo'n̈ eb' may yip, caw 'ajxnac yip eb'. 'Ajxnac pax sjelnal eb' ya'n owal. Yuj cha, a ewin soldado ya'jnac owl yet' eb' cha, caw cannc ewin 'a yaln̈ yuj eb'.

Chuj San Mateo Bible

³⁴ Ay eb' ac'jinac tup juntzan̈ c'ac' te ov. Ay pax eb' colchajnaqueli ayic ijan smiljinaccham eb' d'a q'uen espada. A eb' malaj yip, ac'jinac yip eb', tec'an yutejnac sb'a eb' d'a oval, yuj chi' elnac lemnaj eb' soldado ch'oc chon̈ab'il d'a eb'.

A Ch'an̈ Carta D'a Eb' Hebreo 11:34 Referans Kwoze

Jueces 15:8

'Ix cot wal yowl si'mb'il. Til wal 'anma 'ix smilcn chamoc. Xlajw cha, 'ix 'at cajn 'a q'uen n̈aq'uen 'a Etam.

Is 43:2

A yic 'oj eyec' 'a yojl a mar, mto yic 'oj e c'axb'toc a niwc a tzb'eyi, ma'oj e jic' a'. A yic 'oj eyec' 'a scal c'ac', ma'oj e tz'a'i, yujto 'ayn 'ec' eyet' ta'.

Salmos 144:10

Ach wal tzac' sjelnal eb' rey, yic tzya'n ganar eb' owal. Ach in a col an a checb' David in tic 'a q'uen espada tzmilwji. Coln 'a yol sc'ab' eb' chuc chon̈b'al, atn eb' tzlaj aln junc tas man̈ yeloc, eb' tzya'cn sti 'a junc tas yic tzya'n 'es.

A Ch'an̈ Schab'il Libro Yic Yab'ixal Eb' Rey 6:32

Yuj cha, 'ix schecn 'at jun winc 'a 'a. Ax Eliseo chotn 'ec' 'a yatut yet' eb' yichm wincal chon̈ab', Palta yic mantzac c'och win checb' cha, 'ix yaln Eliseo 'ixtc 'a eb' 'ayc' yet' cha. —'Iltec, 'ix schec cot win ma'm cham 'anma jun schecab', yic tzwul yi'nc 'el in jolom. Palta sictac tzex 'aj eyab'n tas 'oj wala', a yic 'oj jawc win checb' cha, tze macn 'el te puerta 'a yojltac winac, wach' tzeyutj e macn can 'el te' sec matz 'ochta', 'oj eyab' nab'n sc'an̈ sjaw win syajlil win 'a spatic, xchi.

A Ch'an̈ B'ab'el Libro Yic Yab'ixal Eb' Rey 19:3

Ax xyab'n Elías to 'ay smay tas xalx 'a yib'an̈, yuj cha, 'ix 'at scolnc sb'a 'a chon̈b' Beerseba, sec matz chami. A jun chon̈b' cha, ata 'ay 'a yol yic Judá, axta xyactj can jun schecb' cha.

A Sb'ab'el Carta San Pedro 4:12

Ex chamc'ojlb'il wu'uj, a yic tzon̈ 'ajx prowal yuj jun tzo'n̈ yailal caw ya, matz tac' sat qui c'ojlec yu'uj. Man̈ qui na'ec, to may 'aj tzjaw xon jun tzo'n̈ cha.

Jeremías 26:24

Palta ax pax Ahicam yunnal Safán, a xya'ch sb'a wet' an Jeremías in tic. Yuj cha, ma'in 'ajx 'och 'a yol sc'ab' eb' chon̈ab' yic tzin milx cham yuj eb'.

Salmos 66:12

On̈ ac' 'a yol sc'ab' eb' 'ajc'ojl yajch 'ayn̈ on̈, ax eb' laj on̈ te'wtan̈ni. On̈ laj 'ec' 'a scal a a', yet' 'a scal c'ac', palta ax 'a slajub', xa'n pax qui tzaljc'ojlal on̈.

Salmos 6:8

'Eln̈ec 'a in tz'ey ex tze b'o maysch'olnil, tox 'ix yab' Jehová woq'ui.

Job 42:10

A yic xlajw sleslwi can Job yuj eb' swach'c'ojl cha, 'ixta to b'i'an, 'ix ya'n pax Jehová swach'c'ojlal 'a yib'n̈ jun 'ejm xo, 'icha xon 'a yic yalan̈, 'ec'b'al to xyutj pax Dios ya'n sjel 'a 'a.

Job 5:20

A yic 'oj laj cham 'anma yuj wejel, 'oj a colx 'el 'a yol sc'ab' chaml chi yu'uj; ax yic 'oj jawc owl 'a yib'n̈ eb' 'anma', 'oj a colx 'el yuj 'a scal owl cha.

A Ch'an̈ B'ab'el Libro Samuel 20:1

'Ix 'elx David 'a Naiot 'a yol yic Ramá, axta xc'och 'a 'aj 'ayc' Jonatán. 'Ix yaln 'a 'ixtic: —¿Tas wal tu 'ix in b'o'o? ¿Tas wal in paltail, mto tas wal in mul 'ix 'och 'a a mam, yuj wal cha, tzin sayn 'eq'ui, yic tzin ya'n milxoc? xchi David.

Ex 18:4

Ax win schab'l cha, Eliezer sb'i winac, yujto 'ix yal pax Moisés 'ixtic: A sDiosal in mam, a in coln 'el 'a q'uen yespada win sreyl Egipto, xchi.

A Ch'an̈ B'ab'el Libro Samuel 18:11

'ix sjuln 'och 'a David. A wal 'a snab'en to tzjulcn 'och ch'apn win 'a yich sdespacho cha, palta ax x'aji, scol sb'a David cha'ejm 'a 'a.

A Ch'an̈ B'ab'el Libro Samuel 19:10

'Ix sjuln 'och 'a David, sec tzcancn ch'apn David 'a yich sdespacho chi snani. Palta scol sb'a win 'a q'ue'en, ax 'a sat yich sdespacho chi 'ix 'ochcn pajn q'uen lanza cha. Yuj cha, 'ix 'at David chi 'elc 'a yatut 'a jun 'ac'wl cha.

A Ch'an̈ B'ab'el Libro Yic Yab'ixal Eb' Rey 19:1

'Ix yaln win Acab yab' 'ix Jezabel yuj smasnil tas 'ix sb'o Elías, yet' tas pax xyutj smiln eb' schecb' Baal.

A Ch'an̈ Schab'il Libro Yic Yab'ixal Eb' Rey 6:1

Ax eb' schecb' Dios 'ix aln 'a Eliseo 'ixtic: —'Ilto, a jun lugar 'aj cajn on̈c 'ec' tic, caw wal witz'an.

Salmos 124:7

Ma'on̈ ya'c ganar eb' qui canc 'a sya'al. On̈ colchjec 'el 'a yol sc'ab' eb', 'icha tzyac' junc no ch'ic tz'el 'a junc ya'al, 'ixta 'on̈ 'ajec.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.