A Ch'an̈ Carta D'a Eb' Hebreo 11:33 - Chuj San Sebastian Bible

³³ A eb' cha, caw ya'jnac 'och eb' Dios 'a sc'ojol. Yuj cha, 'ay eb' ya'jnac ganar jun tzo'n̈ nacion̈, yic ya'n eb' owl yet'oc. 'Ay eb' caw tojl yutjnac ya'n yajlil. 'Ay eb' chajnac tas ya'jnac can Dios sti yu'uj. 'Ay eb' macjnac sti no león.

Chuj San Mateo Bible

³³ A eb' chi', yac'nac val och Dios eb' d'a sc'ool, yuj chi' ay eb' ac'annac ganar juntzan̈ nación ayic yac'annac oval eb' yed'oc. Ay eb' tojol yutejnac yac'an yajalil. Ay eb' chaannac tas alb'ilcan yuj Dios. Ay eb' macchannac sti' noc' choj.

A Ch'an̈ Carta D'a Eb' Hebreo 11:33 Referans Kwoze

A Ch'an̈ Carta D'a Eb' Hebreo 10:36

Yowlal niwn tzeyutj e c'ojol, sec 'oj stac' e b'on jantcn̈ej tas tznib'j Dios, ax e chan tas 'aj ya'jnac can sti'.

Gl 3:16

Ax Dios, ya'jnac can sti 'a Abraham yet' 'a yin̈til. Ma'ix yal 'a Ch'an̈ U'un̈: A jun tzo'n̈ eb' en̈til, man̈ xchioc. Yujto man̈ niwnoc eb' yin̈tl 'aj xyala. Palta xyal 'ixtic: A en̈til, xchi. Yujto jun wal yin̈tl Abraham chi 'aj xyala, atn Cristo.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.

A Ch'an̈ Carta D'a Eb' Hebreo 11:17

A Abraham, caw ya'jnac 'och Dios 'a sc'ojol. Yuj cha, yic yajx prowal yuj Dios, yijnac 'at Isaac, yic tz'at ya'nc xajmb'al-l yalni. Wach'xam ya'jnac Dios sti yuj Isaac cha, palta caw schaj sc'ojl Abraham ya'n jun c'otn̈ yunnal chi xajmb'alil.

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.

Salmos 144:10

Ach wal tzac' sjelnal eb' rey, yic tzya'n ganar eb' owal. Ach in a col an a checb' David in tic 'a q'uen espada tzmilwji. Coln 'a yol sc'ab' eb' chuc chon̈b'al, atn eb' tzlaj aln junc tas man̈ yeloc, eb' tzya'cn sti 'a junc tas yic tzya'n 'es.

Salmos 91:13

Tztac' qui b'eyc 'ec' 'a scal no león, 'a scal no niwc noc' 'ay smay yet' 'a scal no chan.

Jueces 4:1

A yic tox xcham win Aod, syamn 'och eb' israel yochx smul 'a sat Jehová.

A Ch'an̈ B'ab'el Libro Samuel 12:4

Yuj cha, xyaln eb' chon̈b' chi 'ixtic: May jun 'ejmoc x'och a mul 'ayn̈ on̈, may 'aj on̈ extej, may pax 'ajtil a chajnac q'uen c'ultac tumn 'ayon̈, xchi eb'.

A Ch'an̈ Schab'l Libro Samuel 8:15

A David 'ix yac' reyl 'a yib'n̈ smasnil eb' yit israelal, wal 'a stojlal, yet' 'a swach'il. Wach' xyutj ya'n yopiso 'a yol schon̈ab'.

A Ch'an̈ Schab'l Libro Samuel 10:12

Caw te'n tzotj a b'a, ca'c quip qui colnec qui nacion̈, atn eb' chon̈b' yic qui Diosalec. B'o cab' 'icha tas tznib'j Jehová, xchi Joab.

Mt 5:12

Tzaljan̈c si'mb'il, yujto caw niwn spac 'oj e cha 'a satcha'an̈. 'Icha tz'ajx 'och 'a eyib'n̈ ticnec, 'ixta 'ajxnac 'och 'a yib'n̈ eb' schecb' Dios 'a pecti'.

Santiago 2:18

Palta tecn 'ay mach 'oj alnc 'ixtic: Ach tic cojn tza'ch Dios 'a a c'ojol, an xo pax tic, a tas wach' 'a tzin b'o'o, 'oj schioc. Palta an tzwala, may mach tztac' sch'oxni, chajtlto yel tzya'ch sc'ojl 'a Dios, toto man̈ wach'c tzyutj sb'a. Palta 'ay pax eb', yujn̈ej wach' tzyutj sb'a eb', tzch'oxn 'el eb', to yel 'aych sc'ojl eb' 'a Dios.

A Ch'an̈ B'ab'el Libro Yic Yab'ixal Eb' Rey 13:28

Xlajw cha, x'at winac, 'ix c'och win 'aj t'ocn 'ec' jun niwnal cha, ax no b'uru yet' no león cha, 'ayc' e no 'a stz'ey jun niwnal cha. A no león cha, mant 'a jac jun niwnal chi tox 'ix schi no', may pax 'ix yutj no b'uru cha.