A Ch'an̈ Carta D'a Eb' Hebreo 11:29 - Chuj San Sebastian Bible

²⁹ A eb' israel cha, ya'jnac 'och eb' Dios 'a sc'ojol. Yuj cha, yec' eb' 'a snan̈l a Chac Mar, 'icha yic tzon̈ b'ey 'a tacn̈ lu'um. Palta ax eb' 'aj Egipto, yic cob' ya'lni eb' yeq'ui, c'uxn laj jic'w cham eb' yuj a'.

Chuj San Mateo Bible

²⁹ A eb' israel chi', yac'nac och eb' d'a sc'ool, yuj chi' ec'nac eb' d'a snan̈al a' Chacchac Mar, icha quec' b'aj taquin̈ b'e. Axo pax eb' aj Egipto jun, scomon ac'lejnac proval eb' yeq'ui, palta masanil eb' jic'vinaccham yuj a'.

A Ch'an̈ Carta D'a Eb' Hebreo 11:29 Referans Kwoze

Ex 14:13

'Ix ta'w Moisés 'ixtc 'a eb' 'anma cha: —Man̈ ex xiwoc, te'wtzejc e b'a, 'oj eyila' tas 'oj yutc colwjoc sb'a Jehová quet'ec, yujto man̈x 'a xon b'a'n̈ 'oj eyilch jun tzo'n̈ 'aj Egipto tic, cojxn̈ej ticnec tzeyilcn 'och eb'.

Salmos 78:13

'Ix poj snan̈l a mar yu'uj, schecn 'ec' eb' 'anma 'a yojol, syamn can 'och wan jun a chi 'icha junc muro.

Josué 2:10

Yujto 'ix cab'i, to a yic ex 'elt 'a Egipto, ax Jehová a 'ix 'a'n tacjoc chan̈ a Chac Mar yic ex 'e't 'a yojl a'. An̈jtona', 'ix cab'n paxi, to xe satl chawn̈ eb' sreyl eb' amorreo cajn 'a sti 'ec' a Jordán, atn win Sihón yet' win Og.

Salmos 66:6

'Ix meltzj 'och a mar 'a tacn̈ lumal yu'uj, axta 'ix 'ec' eb' qui mam quichmec yet' yoc 'a yojl a'. Ca'c tzaljoc qui c'ojl yet' qui Diosal.

Nehemías 9:11

'Ix ac' spoj sb'a snan̈l a mar 'a sat eb', 'ix 'ec' eb' 'a stacn̈il lu'um; ax eb' pechjnac eb', 'ix 'atcn eb' 'a xab'l yich a', 'icha junc q'uen tzjulx 'at 'a yojl junc a sutb'il a'.

Ex 14:22

Caw wal tacn̈ jun b'e 'aj 'ix 'e't eb' israel 'a yojl a mar, yujto chab' x'ajcn 'el a', 'icha wal muro 'ix 'aj yochcn wan a 'a sti jun b'e cha.

Ex 14:27

Xlajw cha, xya'n 'at Moisés sc'ab' 'a yib'n̈ a mar cha, ax yic 'ix sacb'eli, 'ix syamn can pax sb'a a 'icha xon yaji. 'Ix cob' meltzjoc ewin 'aj Egipto cha, palta tox 'ix syamx can sb'a a a chi 'a spatc ewinac, yuj cha, 'ix mucchj can 'ejm ewin yuj Jehová 'a yojl a'.