A Ch'an̈ Carta D'a Eb' Hebreo 10:4 - Chuj San Sebastian Bible

⁴ Yujto a schic'l no mam wacax, yet' schic'l no quelm chiwo, matz tac' yi'n 'el jac qui mulec.

Chuj San Mateo Bible

⁴ Yujto max yal yic'anel co mul schiq'uil noc' vacax yed' noc' chiva.

A Ch'an̈ Carta D'a Eb' Hebreo 10:4 Referans Kwoze

A Ch'an̈ Carta D'a Eb' Hebreo 10:11

Jantcn̈ej eb' ya'mal 'och sti eb' quit chon̈b'ec 'a Dios, 'ayc'n̈ej eb' 'a junjn c'u, yic tzmunlj eb' 'a yopiso. Til wal 'ejm tzyac' eb' jun tzo'n̈ xajmb'al cha. Palta a jun tzo'n̈ cha, matz tac' yi'n 'el jac qui mulec.

1 Jn 3:5

Cojquec xo, yuj yi'n 'el Jesucristo qui mulec, swulc' 'a yolyib'n̈q'uinl tic. A Jesucristo cha, caw may jac smul.

Ro 11:27

'Ixtc 'oj wutc wa'n in trato yet' eb', yic 'oj wa'n lajwc smul eb', xchi Dios.

A Ch'an̈ Carta D'a Eb' Hebreo 10:8

A 'a b'ab'el, 'ixtc xyutj yalni, chajtlto matz nib'j Dios jun tzo'n̈ xajmb'al, jun tzo'n̈ noc' tz'ajx 'a 'a, yet' jun tzo'n̈ noc' tzn̈us eb' yuj smul. Wach'xam tzyal 'a ley, to tz'ajx jun tzo'n̈ chi 'a Dios, palta matz tzalj yet'oc.

A Ch'an̈ Carta D'a Eb' Hebreo 9:9

A jun tzo'n̈ cha, ch'oxnb'il yaj 'ayn̈ec 'a jun tiempoal tic. A eb' 'anma 'ixta tzyutj yaln sb'a 'a Dios, matz tac' sb'o snab'en eb' yuj jun tzo'n̈ ofrenda, yet' jun tzo'n̈ xajmb'al cha.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Mr 12:33

Yowlal tzqui chamc'ojlej Dios 'a smasnil qui c'ojol, 'a smasnil qui nab'en, yet' 'a smasnil quip, an̈jtona', yowlal tzqui chamc'ojlej eb' quit 'anma'il 'icha tzcutj qui ya'iln qui b'a junjn on̈. Atn chab' tic, 'ec'b'al yel'ch 'a yib'n̈ smasnil jun tzo'n̈ xajmb'al yet' jun tzo'n̈ siylab' tzn̈usx tz'ajx 'a Dios, xchi win 'a 'a.

Os 6:6

A tas tzin nib'j 'ayex, to tz'o'ch e c'ojl 'a eb' eyit 'anma'il, man̈ocn̈ej jun tzo'n̈ xajmb'al tzin nib'ej; tzin nib'j to tzin eyojquej 'eli, to e Diosal in 'a yib'n̈ pax jun tzo'n̈ siylab' tzeyac' tz'a'oc.

Salmos 51:16

Yujto ach tic, matz a nib'j ofrenda yet' no xajmb'al. Q'uinloc tzyal a c'ojol, to 'ixta', tzwac'a; ocxo jun matz tzchaj a c'ojl jun tzo'n̈ cha.

Os 14:2

Palta meltzjan̈c pax 'a Jehová, tzeyaln e b'a 'a 'ixtic: 'A'n̈ niwnc'ojlal yuj qui mul on̈ Mamin, chaj qui 'emmquilal tic on̈, yet' qui wach' paxti tzcal 'ayach.

Jeremías 6:20

Ex in chon̈ab', ¿tas to yuj tzeyij cot incienso yic chon̈b' Sabá 'ayin, yet' jun tzo'n̈ xo te c'ultc caw su'q'ui sjab' tzcot 'a jun tzo'n̈ nacion̈ 'ay 'a caw najat? A jun tzo'n̈ e xajmb'al tzeyac' tz'a'oc, caw man̈xtzac schaj in c'ojol, yet' jun tzo'n̈ xo xajmb'al tzeyac'a, xin chi, xchi Dios.

Is 66:3

'Ay mach yel xo wal yajb'entac tas tzb'eylb'ej, caw wal tzalj eb' sb'on jun tzo'n̈ tic: 'Ay mach tzmiln junc wacx xajmb'alil, ax 'a in sat 'icha to a junc 'anma tzmila; a mach tzmiln junc no calnelu xajmb'alil, ax 'a in sat 'icha to a junc no tz'i tzc'uychtej 'el sjaj; 'ay mach tz'a'n sat yawb'en ofrendail, ax 'a in sat 'icha to a schic'l junc chitm tzyac'a; 'ay pax mach tz'a'n tz'a jun tzon̈ incienso, 'icha to a 'a yechl junc comn dios 'aj tzyal sb'a.

A Ch'an̈ Carta D'a Eb' Hebreo 10:1

A ley yic Moisés, 'icha to yen̈ln̈ej jun tzo'n̈ tas wach' tza'nto xjawi. Man̈toc caw yel a jun tzo'n̈ cha. Yujto a ley cha, matz tac' a tz'a'n b'o snab'en eb' tznib'j tzc'och 'a Dios yuj jun tzo'n̈ xajmb'al chi tz'ajx 'a junjn ab'il.