A Ch'an̈ Carta D'a Eb' Hebreo 10:20 - Chuj San Sebastian Bible

²⁰ Tztac' tzon̈ 'atc 'a jun 'ac' b'e yic q'uinl sjac 'ayn̈ec, atn jun b'e tzc'axw 'ec' 'a jun nip. Palta a jun b'e cha, tzyal 'el'chi, atn sniwnal Cristo.

Chuj San Mateo Bible

²⁰ Syal coch yuj jun ac' b'e yic q'uinal jacb'ilcan d'ayon̈, aton jun b'e sc'axpaj ec' d'a c'apac smacul yool. A jun c'apac chi', a snivanil Cristo syalelc'och c'apac.

A Ch'an̈ Carta D'a Eb' Hebreo 10:20 Referans Kwoze

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 10:9

An tic, lajn in yet' sti colal. A eb' tz'och wu'uj, 'oj colchjoc 'el eb'. 'Icha junc calnelu tz'och 'a yol scolal, tz'el paxta, tz'at saync wa sb'a, 'ixta 'oj 'aj eb'.

A Ch'an̈ Carta D'a Eb' Hebreo 9:3

Ax 'a spatquil 'och junx te schab'l cortina, ata 'ay jun Lugar to cojn Dios 'ay yico'.

A Ch'an̈ Carta D'a Eb' Hebreo 9:8

Palta a Yespíritu Dios tz'a'n nachjc 'el junx tic cujec. To a yic 'ayt yopiso jun b'ab'l cuarto cha, ax junx Lugar to cojn Dios 'ay yico', macn 'ayn̈ec.

A Ch'an̈ Carta D'a Eb' Hebreo 6:19

Caw te'n tz'aj qui nab'enec ticnec, yujto tzca'c 'och jun chi yipc qui c'ojol. Caw lajn tz'aj 'icha junc barco caw 'ay yip yaj syamx 'och wan yuj jun syamlab'il 'ay 'ejmi. A jun 'aych yipc qui c'ojl cha, 'ayx 'och 'a spatquil 'och jun nip 'ayc' 'a snan̈l yatut Dios 'a satcha'an̈.

Jn 10:7

'Ix yaln pax Jesús 'ixtc 'a eb': —Wal yel tzwal 'ayex, 'icha sti jun col-l 'aj tz'och no calnelu, 'ixta 'in.

1 Jn 4:2

Palta 'oj walb't 'ayex, tas tzcutjec cojcan 'eli, mach eb' yel 'aych Yespíritu Dios 'a 'a. Toto tzyal eb' 'ixtic: A Jesucristo caw yel 'ochnc sniwnal yic swulq'ui, toto xchi eb', atn eb' chi 'aych Yespíritu Dios 'a 'a.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

Lc 23:45

'Ix 'och q'uic'q'uinl 'a c'u. Ax te nip 'aych smacloc snan̈l yol yatut Dios, 'ix jat snan̈l te'.

Mr 15:38

Ax jun te nip 'aych smacloc snan̈l yatut Dios, 'ix jat snan̈al; 'ix jat cot 'a sjolom masnto x'eml sjat 'a yich.

Mt 27:51

Yajn̈j wal cha, 'ix jat snan̈l jun te nip 'aych smacloc snan̈l yatut Dios, 'ix jat cot 'a sjolom masnto x'eml sjat 'a yich. 'Ix 'ec' pax jun niwn quixcab', ax jun tzo'n̈ niwc q'ue'en, 'ix laj jati.

Lv 16:2

Yuj cha, xyaln 'ixtc 'a Moisés: Al 'a o'tac Aarón, to man̈ comnoc tz'och 'a yol jun cuarto wicn̈ej yaj in ch'ocj 'a yol in cajnub' 'a tzann̈j tiempoal, atn 'a jun lugar 'ay 'a spatquil 'och te cortina. Matz comn c'och 'a stz'ey 'aj 'ay smacl sti te scaxail trato, sec ma'oj chamoc, yujto a 'a scal jun 'asn 'ay 'a yib'n̈ smac te caxa cha, ata 'oj in paxtin yet'oc.

2 Jn 1:7

A ticnec, til wal eb' 'a'm 'es tzlaj 'ec' 'a yolyib'n̈q'uinl tic. Tz'ec' yal eb' 'ixtic: A yic swulc' Jesucristo, man̈toc 'ochnc sniwnal, xchi cob' eb'. A eb' tzaln 'ixta', caw yes eb', 'ajc'ojl yajch eb' 'a Cristo.

Ef 2:15

A yic xcham yet' sniwnal, 'ix yi'n can 'el yopiso jun ley, atn jun tzo'n̈ checnb'il tz'ib'b'il cani. An̈jtona', junxn̈ej on̈ yutjec cani. Yuj cha, junxn̈ej chon̈b'al cajc 'a sat ticnec, yujto junn̈j cajc yet'oc. 'Ixta xyutj ya'n junc'ojlal 'ayn̈ec.

Lv 21:23

palta matz tac' yochl eb' 'a 'aj 'ay te cortina, mto 'a stz'ey yet'l xajmb'al, sec wach' man̈ comnoc xoj tzyutj eb' in cajnub', yujto an Jehová in, an 'ay wic jun tzo'n̈ cha, xchi Dios, xa chi 'a Aarón cha, xchi Dios 'a Moisés cha.

Lv 16:15

Tzlajw cha, tz'elta, tzmiln pax win no chiwo tz'och xajmb'al-l yuj smul eb' chon̈ab', tzyi'n pax 'och schic'l no 'a yojltac 'och te cortina cha. Tzicn 'och 'a yib'n̈ smac yet' 'a yojltac 'elt smacl sti caxa, 'icha wal tzyutj 'a b'ab'l yet' schic'l no quelm wacx cha.