A Ch'an̈ Carta D'a Eb' Hebreo 1:3 - Chuj San Sebastian Bible

³ A tzch'oxn 'el swach'l Dios, yujto caw lajn swach'l yet'oc. Caw wal lajnn̈ej snab'en yet' Dios. Yujn̈ej spaxti Yunnal tic, wach'n̈j yec' smasnil tas, yujto a spaxti tic, caw niwn spoder. Ax yic xlajw yi'n can 'el qui mulec, 'ix 'at 'em wocn 'a swach' c'ab' Dios 'a satcha'an̈.

Chuj San Mateo Bible

³ A Yuninal chi' sch'oxan val el snivanil yelc'och Dios. Te lajann̈ej spensar yed' Dios chi'. Yujn̈ej slolonel Yuninal chi', vach'n̈ej yec' masanil tasi, yujto a slolonel chi' te nivan spoder. Ayic ix lajvi yic'ancanel co mul, ix b'at em c'ojan d'a svach' c'ab' Dios d'a satchaan̈.

A Ch'an̈ Carta D'a Eb' Hebreo 1:3 Referans Kwoze

Apoc 4:11

Ach Cajlil, ach qui Diosal on̈, smoj tzalx o'oj, to niwn a wach'il, to caw niwn el'chi, niwn a poder. Yujto ach b'ojnac smasnil tas. 'Ayc'n̈ej smasnil, yujto 'ixta tza nib'ej, yuj cha, b'ob'il o'oj, xchi eb' 'a 'a.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

2 Co 4:4

A eb' cha, matz ya'ch xon eb' 'a sc'ojol. Yuj cha, a win sdiosal yolyib'n̈q'uinl tic, a win tzwach' 'a'n juwc 'el snab'en eb'. 'Icha to a win tz'a'n juwc 'el yol sat eb', sec matz tac' yiln eb' jun sacq'uinl tzcot 'a yab'xil Cristo. A Cristo caw niwn yel'chi, caw lajn yet' Dios.

A Ch'an̈ Carta D'a Eb' Hebreo 12:2

Ca'c 'at qui nab'en 'a Jesús, yujto a tz'a'n ca'c 'och qui c'ojl 'a 'a. Yu'uj, caw tz'acn tzcutjec ca'n 'och 'a qui c'ojol. 'Ix yab' syal 'a te culus. Ma'ix sna jab'oc toto q'uixweltac x'aj schami, yujto yojtac, a yic tzlajw yab'n syal cha, caw tzaljc'ojlal yico'. Ax ticnec, wocn 'ejm 'a sdespacho Dios 'a swach' c'ab'.

Jn 1:4

Yu'uj 'ay qui q'uinlec qui masnil. A jun tz'a'n qui q'uinlec tic, tzyac' pax sacq'uinl 'a qui pixnec.

A Ch'an̈ Carta D'a Eb' Hebreo 10:12

A Jesucristo, junn̈j xajmb'al ya'jnac yuj qui mulc 'a jun 'ejmn̈ej. Xlajw cha, x'at 'em wocn 'a swach' c'ab' Dios.

A Ch'an̈ Carta D'a Eb' Hebreo 9:26

Q'uinloc man̈toc jun 'ejmn̈ej xyac' sb'a Cristo xajmb'alil. Toto 'ixta', tecn yowlal caw niwn 'ejm chamnac, yictax sb'ocn yolyib'n̈q'uinl tic. Yujto a 'a yic jun slajb' tiempoal tic, cojn jun 'ejm wulnc 'eq'ui. Caw a ya'jnac sb'a xajmb'alil, yic yi'n 'el qui mul 'ayn̈ec.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

A Ch'an̈ Carta D'a Eb' Hebreo 4:14

'Ay wal jun tz'a'n 'och qui tic 'a Dios, caw niwn yel'chi, atn Jesús Yunnal. A c'ochnc 'a satcha'an̈, 'a caw stz'ey Dios. Yuj cha, yowlal caw te'n tzcutjec ca'n 'och qui c'ojl 'a 'a, yujto a 'a tzcalc qui b'a.

1 Jn 3:5

Cojquec xo, yuj yi'n 'el Jesucristo qui mulec, swulc' 'a yolyib'n̈q'uinl tic. A Jesucristo cha, caw may jac smul.

A Schab'il Carta San Pedro 1:16

Caljnacx can 'ayx on̈, chajtlto caw 'ay spoder Cajlil Jesucristo, to yowlal 'oj jawc pax 'a scha'ejmal. Palta a jun tzo'n̈ cha, man̈ comn paxti'oc. Man̈ munoc xqui na 'a qui jolm on̈. Yujto a Cajlilec, caw quiljnac yet' qui sat on̈, chajtlto man̈ jantcoc swach'il.

A Sb'ab'el Carta San Pedro 3:22

paxnc q'ue 'a satcha'an̈. Ata 'ayc' 'a swach' c'ab' Dios ticnec. A tz'a'n mandar eb' ángel, yet' jun tzo'n̈ xo 'ay yopiso to 'ay spoder.

A Sb'ab'el Carta San Pedro 1:21

Yuj Cristo, tzca'nec 'och Dios 'a qui c'ojl ticnec, yujto a 'a'jnac pitzwc pax 'a scal eb' chamnac. Caw niwn x'aj 'el'ch yu'uj. Yuj wal cha, caw ca'c 'och Dios 'a qui c'ojol, tzca'nec pax 'och yipc qui c'ojol.

A Ch'an̈ Carta D'a Eb' Hebreo 8:1

Atn jun tic tzin nib'j tznachj 'el eyu'uj, chajtlto 'ixta yaj jun sat ya'mal 'och qui tic 'a Dios. A ticnec, wocn 'ejm 'a swach' c'ab' Dios 'a sdespacho 'a satcha'an̈.

Mr 16:19

Ax yic xlajw yaln Cajlil Jesús jun tzo'n̈ tic 'a eb' schecb' cha, 'ix 'ijx 'at 'a satcha'an̈. Ata x'em wocn 'a swach' c'ab' Dios.

Salmos 75:3

Wach'xam 'oj 'ib'xoc lum lum tic yet' smasnil tas cajn 'a sat, an 'oj wac' yip smasnil yipnub'al yich lu'um.

Apoc 3:21

A eb' 'oj 'a'nc ganar ya'n techjoc, 'oj wac' 'em wocn eb' 'a 'aj 'ay in despacho, 'icha wutjnac wa'n ganar wa'n techjoc, wem wocn yet' in Mam 'a 'aj 'ay sdespacho.

A Ch'an̈ Carta D'a Eb' Hebreo 7:27

Man̈ lajnoc 'icha eb' sat ya'mal 'och sti eb' quit chon̈b'ec 'a Dios. Yujto a eb' cha, yowlal tzyac' eb' jun tzo'n̈ xajmb'al 'a junjn c'u. Tzb'ab'l 'a'j eb' yuj smul, tzya'n pax eb' yuj smul eb' yit 'anma'il. Ax Jesús, jun 'ejmn̈ej ya'jnac xajmb'al-l sb'a yuj qui mulec, yic ya'n cham sb'a.

A Tas Sc'ulejnac Eb' Schecab' Jesús Hechos 2:33

An̈jtona', 'ix 'ijx 'at 'a satchan̈ yuj spoder Dios. A qui Mam Dios 'ix yac' Yespíritu 'a 'a, 'icha yutjnac ya'n can sti'. Ax Jesús 'ix 'a'n cot jun xeyil tic, xeyab' tic.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

A Scarta San Pablo D'a Eb' Aj Colosas 3:1

A ticnec, pitzwnacn̈ec pax yet' Cristo 'a sat Dios. Yuj cha, yowlal tzca'c 'at qui nab'en 'a jun tzo'n̈ tas 'ay 'a satcha'an̈, 'a 'aj wocn 'ejm Cristo 'a swach' c'ab' Dios.

Ro 8:34

Yuj cha, ¿mach junc 'oj stac' ya'n 'och 'a quib'n̈ec? Yujto a Cristo 'ix chami, 'ix 'ajx pitzwc paxi. Ax ticnec 'ayc' 'a swach' c'ab' Dios, wan stew 'a Dios cujec.

A Tas Sc'ulejnac Eb' Schecab' Jesús Hechos 7:56

Yuj cha, 'ix yaln 'ixtic: —'Iltec, tzwila to jacn satcha'an̈. Tzwila to a jun 'Ochnc 'Anma'il, 'ayc' 'a swach' c'ab' Dios ticnec, xchi.

Salmos 110:1

A Jehová a 'ix aln 'a Wajlil 'ixtic: 'Emn̈ wocn 'a in wach' c'ab', masnto 'oj can eb' 'ajc'ojl yajch 'aych 'a yaln̈ wu'uj, xchi.

1 Cr 29:11

Ec yaj jun tzo'n̈ tic, caw niwn el'chi, caw 'ay a poder, tzictzni elxi, ach 'ay ec smasnil tas, rey ach paxi, yujto a smasnil tas 'ay 'a satcha'an̈ yet' 'a sat lum tic, ec yaji. Mamin Jehová, ach yajl ach 'a yib'n̈ smasnil.

Ro 1:16

An tic, matz in q'uixw yuj jun wach' 'ab'x tic, yujto 'aych spoder Dios yet'oc, yic wach' tzcolchj 'el jantcn̈ej eb' tzya'ch sc'ojl 'a 'a. A wal eb' wit israelal, yel xo wal 'ay yaln eb' yic 'a jun colnb'il tic, yet' pax eb' man̈ israeloc, 'ay pax yaln eb' yic 'a 'a.

Miqueas 5:4

A jun yajl cha, 'oj q'ue wa'an, ax ya'n Jehová qui Diosal yopiso yet' spoder 'a 'a, yic stan̈wni eb' schon̈ab' sec tzcan eb' 'a junc'ojlal, yujto a jun yajl cha, caw niwn 'oj 'aj 'el'ch 'a scal chon̈ab', masnto 'aj tzlajw c'och lum lum tic.

Ec 8:4

Cojxn win rey chi tztac' yaln slajb' junc paxti', may mach 'oj stac' sc'anb'n yab'i', tas tzb'o winac.

Job 37:22

A 'a stojlal norte, caw wal tzictzni tz'aj 'icha yilx q'uen oro, caw tzsat qui c'ojlec yuj stzictznil Dios.

A Ch'an̈ Carta D'a Eb' Hebreo 9:16

Yujto a yic 'ay junc yun̈al, yowlal tzcheclji, toto chamnc xo jun b'ojnac cha, sec tztac' yoch yopiso jun un̈ cha.

Mt 22:24

—Ach qui Cuymal on̈, a win Moisés a tz'ib'jnac can 'ixtic: Q'uinloc 'ay junc winc tzchami, tzcan yistzil, palta may junc yunnal tz'elcni. To 'ixta', ax junc yu'tac, yowlal a tz'i'n can pax 'ix, sec wach' toto tz'alj yunnal win yet' 'ix, 'icha to yunnal win chamnc cha. 'Ixta yaj yaln can win Moisés.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Ch'an̈ Carta D'a Eb' Hebreo 1:13

May junc ángel 'aj yaljnac pax Dios junx tic, 'icha 'ix yutj yaln 'a Yunnal. Yic yaln 'ixtic: 'Emn̈ wocn 'a in wach' c'ab', masnto 'oj can eb' tzchichn 'och 'aych 'a yaln̈ wu'uj, xchi.

A Schab'il Carta San Pedro 1:17

Caw quiljnac on̈, yic ya'n qui Mam Dios stzictznil 'a 'a. Cab'n pax yaln Dios on̈, to caw niwn yel'ch Cajlilec cha. Yaln 'emt Dios 'ixtc 'a scal jun sniwn tzictznial: Atn jun tic, Wunnal, chamc'ojlb'il wu'uj, caw tzin tzalj yet'oc, xchi 'emta.

Lv 15:15

Jun no tz'ajx xajmb'al-l yuj ya'n lajwc mul, ax junx no tz'ajx tz'a'oc, 'ixta tzyutj win ya'n 'och no 'a wojltac, yuj sb'ox can 'el'ch win 'aj tz'ec' jun yailal cha.