A Ch'an̈ Carta D'a Eb' Hebreo 1:2 - Chuj San Sebastian Bible

² Ax 'a jun slajb' tiempoal tic, atn wal Yunnal sc'anlb'ej yic yaln 'ayn̈ec. A yet' Yunnal tic sb'ojnac yolyib'n̈q'uinal, yet' smasnil tas 'ay 'a 'a. Ax 'a Yunnal tic, ata ya'jnac smasnil tas yico'oc.

Chuj San Mateo Bible

² Axo d'a slajvub' tiempoal tic, a val Yuninal ix scheccot yal d'ayon̈. A yed'oc sb'onac yolyib'an̈q'uinal tic yed' masanil tas ay d'ay. Yac'annac paxcanoch masanil juntzan̈ chi' d'a yol sc'ab'.

A Ch'an̈ Carta D'a Eb' Hebreo 1:2 Referans Kwoze

1 Co 8:6

Palta ax 'ayn̈ec tic, cojn jun Dios 'ay, atn qui Mamec. A qui Mamc tic, a b'ojnac smasnil tas. A b'ojnacn̈ec paxi, sec wach' tzqui ch'oxc 'el swach'il. Cojxn pax jun Cajlilec, atn Jesucristo. Yujn̈ej, 'ayc' smasnil tas. An̈jtona pax an̈ec tic, yu'uj 'ayn̈ec 'ec' paxi.

Jn 1:3

A yet' jun chi sb'ojnac can Dios smasnil tas. Yujto a jun chi 'ix mol b'on smasnil yet'oc.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

A Sb'ab'el Carta San Pedro 1:20

Yic mantzac sb'o Dios yolyib'n̈q'uinl tic, yojc xoni, to 'ixta 'oj 'aj Cristo. Palta at 'a jun slajb' tiempoal tic, 'ix 'ajx checljoc 'el 'a yolyib'n̈q'uinl tic, sec caw wach' quiquec.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

A Ch'an̈ Carta D'a Eb' Hebreo 11:3

Yujto tzca'c 'och Dios 'a qui c'ojol, cojquec, an̈j yet' spaxti sb'ojnac can yolyib'n̈q'uinl tic, yet' jun tzo'n̈ tz'ec' 'a satcha'an̈. A jun tzo'n̈ tas tzquilc ticnec, b'ob'il yet' jun tzo'n̈ tas man̈ checloc.

Ro 8:17

Yujto yunnaln̈ec xo Dios, yuj cha, 'oj qui chac jun qui macl 'oj yac' 'ayn̈ec, atn swach'l 'oj spojc' 'ayn̈ec. A jun chi 'oj qui chac yet' Cristo. Toto junn̈j tzcutjec cab'n syal yet'oc, to 'ixta', junn̈j 'oj cajc yet' 'a 'aj 'ay swach'il.

Jn 3:16

Man̈ jantcoc schamc'ojlal Dios 'a eb' 'anma 'a yolyib'n̈q'uinl tic. Yuj cha, wach'xam jun c'otn̈ in an Yunnaln tic, in ya' coti, sec wach' jantcn̈ej eb' tzin 'a'n 'och 'a sc'ojol, ma'oj satcn 'el eb', palta 'ay sq'uinl eb' 'a jun 'ejmn̈ej.

Mt 26:63

Palta caw sictacn̈ej yaji. Yuj cha, xyaln pax win 'ixtc 'a 'a: —Al 'ayn̈ on̈ toto Cristo ach, toto yel yunnalch Dios, yowlal tzal 'a sat Dios pitzan, xchi win 'a 'a.

Mt 21:38

Palta ax xyiln ewinac, wan sc'och jun yunnal win chi 'a ewinac, 'ix smol aln ewin 'ixtic: 'Into a win 'unnab'il tic tzjawi. Q'uinloc 'oj cham smam, ax win 'oj 'ica'anc can lu'um. Qui milc chamoc, sec a 'ayn̈ec 'oj can lu'um, xchi ewinac.

A Ch'an̈ Carta D'a Eb' Hebreo 5:8

Wach'xam Yunnal, palta yuj jun tzo'n̈ yailal yab'jnac, snachj 'el yu'uj, chajtl yutj syiclni.

Ef 1:10

A yic 'oj c'och stiempoal, 'oj 'el'choc jun snib'jnac cha. Yujto ata 'oj swach' 'a'c 'och smasnil mach yet' smasnil tas 'a yol sc'ab' Cristo. Wach'xam jun tzo'n̈ 'ay 'a satcha'an̈, yet' pax jun tzo'n̈ 'ay 'a yolyib'n̈q'uinl tic, junxn̈ej 'oj yutc ya'n 'och smasnil 'a yol sc'ab' cha.

Is 44:24

A Jehová atn b'ojnacn̈ec, a on̈ 'a'nec 'el pax 'a libre. A tzaln 'ixtic: An Jehová in, an b'ojnac ex yic mantzac ex 'alji, an b'ojnac smasnil tas, an in jen̈jnac 'ec' satcha'an̈, in b'on can pax lum lum tic 'a yet'ul, may junc mach colwjnac wet'oc.

A Ch'an̈ Carta D'a Eb' Hebreo 7:3

Man̈ checloc mach smam snun, yet' smam yicham. Yic yalji, yet' yic schami, may tas tzyal yu'uj. Yuj cha, sch'oxnb'il Yunnal Dios yaj winac, atn jun tz'a'n 'och qui tic 'a Dios 'a smasnil tiempo.

A Ch'an̈ Carta D'a Eb' Hebreo 2:3

Toto 'ixta x'aj eb' cha, ¿tast wal 'oj cutquec qui coln qui b'a an̈ec tic, toto tzquijec 'el qui nab'en 'a jun qui colnb'il caw niwn yel'ch tic? Caw a Cajlilec, a b'ab'l aljnac yab'xil qui colnb'ilec tic. Ax eb' 'ab'jnac, sch'oxjnac 'el eb' chajtlto caw niwn yel'ch jun 'ab'x tic, xyaln pax eb' 'ayn̈ec.

A Ch'an̈ Carta D'a Eb' Hebreo 1:5

Man̈oc 'a junc ángel yaljnac Dios 'ixtic: Ach tic, Wunnal ach. A 'a jun c'u tic, 'ix wac' checljoc 'eli, to Wunnal ach, xchi. A yic yaln Dios junx tic, man̈ yujoc junc ángel yalni, palta yuj Yunnal. Yaln 'ixtic: An 'oj woch mamb'il-l 'a 'a, ax 'oj 'och 'unnab'ilal 'ayin, xchi.

Ef 3:9

A Dios b'ojnac smasnil tas. Palta a yic mantzac sb'o'o, snajnac cani, chajtl 'oj yutc ya'n qui colnb'ilec. Yictax pecti', mant 'ic 'ajx 'ojcaxc 'el wal jun tic. Palta a ticnec, ya'jnac wopiso wa'n 'ojcaxc 'eli.

Is 2:2

A 'a jun slajb' c'ul cha, a lum switzl Sión 'aj 'ay yatut Jehová, 'oj q'ue wan lum 'a cha'an̈, 'oj 'ec' stel lum 'a jun tzo'n̈ lum niwc witz 'a stz'ey cha. Ax smasnil eb' 'anma 'a junjn nacion̈, 'oj c'och b'uln eb' 'a 'a.

Dt 18:15

A Jehová qui Diosalec, 'oj sic' 'elt 'a e cal junc xo schecb' 'icha 'in tic; a jun cha, yowlal 'oj eyiclc tas 'oj yala'.

Dt 4:30

A yic tox 'ix 'ec' jun tzo'n̈ cusc'ojlal chi 'a eyib'an̈, ax 'a slajub, 'oj e meltzj pax 'a Jehová qui Diosalec, 'oj eyoch yiclumal 'a 'a.

Gl 4:4

Palta a yic xc'och stiempoal, ya'n cot Dios Yunnal, wul 'aljnac 'el 'a jun 'ix 'icha tzon̈ 'aj calj an̈ 'anman̈ec tic. Wul ya'jnac 'och sb'a israelal. 'Ajxnac mandar yuj jun ley yic Moisés.

A Tas Sc'ulejnac Eb' Schecab' Jesús Hechos 10:36

A Dios 'a'jnac can spaxti 'ayn̈ an̈ israel on̈ tic on̈. Yaljnac 'ayn̈ on̈, to 'ay junc'ojlal yuj Jesucristo, atn Cajlilec qui masnil.

Jn 15:15

A ticnec, tzwal 'ayex, man̈xtoc ton̈j 'a'm ex servil 'ayin. Yujto a junc tz'a'w servil, man̈ yojcoc tas tzb'o spatron̈. Palta ax ticnec, caw in wach'c'ojl ex, yujto jantcn̈ej tas yaljnac can in Mam 'ayin, c'uxn xwalx 'ayex.

Miqueas 4:1

A yic 'oj jawc jun slajb' tiempoal, a lum tzaln 'aj 'ay yatut Jehová ticnec. A jun tzaln cha, yel xo chan̈ 'oj 'ajb't 'a yib'n̈ jun tzo'n̈ xo lum tzalan. Ax smasnil eb' nacion̈ 'oj jawc eb' 'a 'a.

Jeremías 30:24

Ma'oj 'och wan yowl sc'ojl cha, masnto 'oj 'el'choc smasnil tas nab'il yu'uj. At 'a yic slajb' xo, ax snachj 'el jun tzo'n̈ tic eyu'uj.

San Judas 1:18

yaljnac can eb' 'ixtic: A 'a jun slajb' tiempoal, 'ay eb' 'oj comn b'uchwjoc. 'Oj sb'eylb'oc eb' jun tzo'n̈ maysch'olnil tznib'j 'ochi, xchi eb'.

Ro 1:4

Ax Yespíritu Dios, a ch'oxni to yel Yunnal Dios, to caw 'ay spoder, yujto 'ix 'ajx pitzwc 'a scal eb' chamnac.

A Tas Sc'ulejnac Eb' Schecab' Jesús Hechos 2:17

A yic 'oj jawc jun slajb' tiempoal, 'oj wa'ch Wespíritu 'a smasnil 'anma'. Ax eb' 'unnab'il yet' eb' 'islab'il 'oj alnc 'el in paxti'. A eb' quelmtac, 'oj in ch'ox jun tzo'n̈ tas 'a eb' 'a 'icha waychil. Ax eb' 'ichmtac 'anma', 'oj in paxtin 'a eb' 'a swayich.

Jn 17:2

Yujto ach a'jnac wopiso 'a yib'n̈ smasnil 'anma', sec wach' jantcn̈ej eb' tzac' 'ayin, tztac' wa'n sq'uinl eb' 'a jun 'ejmn̈ej.

Jn 16:15

Jantcn̈ej tas 'ay 'a qui Mam Dios, wicn̈ej yaji. Yuj cha, xwaln 'ayex, to jantcn̈ej tas 'oj wal 'a Yespíritu Dios cha, a 'oj alnc pax 'ayex.

Mr 12:6

Palta 'ay wal jun yunnal win chamc'ojlb'il yu'uj, at 'ix schecb't win 'a slajub'. 'Oj xiw ewin 'a jun wunnal tic, xchi cob' winac.

Mr 1:1

'Ixtc x'aj yelcn yich wach' 'ab'x yic Jesucristo, atn Yunnal Dios.

Dn 10:14

Yuj cha, ticnec in jaw 'ayach yic tzwul walnoc ab'i', tas 'oj 'ec' 'a yib'n̈ a chon̈b' chi 'a yic slajb' c'ual. Yujto a tas xel 'a jun a waych cha, atn tas 'oj ujc yic b'aq'uin̈, a chi xch'oxx ela', xchi 'ayin.

Ez 38:16

'Oj cob' ac' owl yet'oc, caw 'oj och oyn 'a in chon̈ab', 'icha tzyac' 'asn tz'och oyn 'a lum jolmctac witz. A 'a jun tiempoal cha, 'oj ach wi' cot 'a sat in lum cha, sec 'oj yil jun tzo'n̈ xo nacion̈ tas 'oj ach wutc ach in satn 'eli, ax yojcan 'el eb' to cojn in ton Dios in.

Is 45:18

Mamin Jehová, ach b'ojnac satcha'an̈ yet' lum lum tic, wach' otjnac can 'a yet'ul, caw ach b'ojnac. Man̈toc sictac 'ajnc cani, palta to xcajxi. Ach aljnac can 'ixtic: Cojn in ton Jehová in, may junc xo.

Dt 31:29

Yujto wojcxoni to a yic 'oj in chami, 'oj e juw 'eli, ax eyi'n 'el e b'a 'a jun b'e 'ix in ch'oxcn 'ayex. Wojc paxi, to 'oj jawc yailal 'a eyib'n̈ b'aq'uin̈, yujto 'oj e tzuntzc cot yowl sc'ojl Jehová yuj e maysch'olnilal yuj pax jun tzo'n̈ comn dios 'oj e b'o', xchi Moisés.

A Schab'il Carta San Pedro 3:3

A junx tic 'oj walb't tic, caw wal tzin nib'j tzeyojquej 'eli. A 'a jun slajb' tiempoal, 'ay eb' 'oj pitzwc cha'an̈. 'Oj comn b'uchwjc eb'. Cojxn jun tzo'n̈ maysch'olnil tznib'j 'och eb' 'aj 'oj ya'ch snab'en.

A Ch'an̈ Carta D'a Eb' Hebreo 1:8

Palta 'ixtc tzyal junx yab'xil Yunnal Dios tic: Ach Dios, Reych 'a smasnil tiempo. Yajl ach, tojln̈ej tzotj a b'eyc'ojlwi.

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

Gn 49:1

'Ix yawtn cot Jacob smasnil eb' yunnal, xyaln 'a eb' 'ixtic: Nitzc cot e b'a 'a in tz'ey ex wunnal, 'oj wala', tas 'oj 'ec' 'a eyib'n̈ b'aq'uin̈:

A Ch'an̈ Carta D'a Eb' Hebreo 9:26

Q'uinloc man̈toc jun 'ejmn̈ej xyac' sb'a Cristo xajmb'alil. Toto 'ixta', tecn yowlal caw niwn 'ejm chamnac, yictax sb'ocn yolyib'n̈q'uinl tic. Yujto a 'a yic jun slajb' tiempoal tic, cojn jun 'ejm wulnc 'eq'ui. Caw a ya'jnac sb'a xajmb'alil, yic yi'n 'el qui mul 'ayn̈ec.

Jn 3:25

'Ay jaywn̈ eb' scuywum Juan 'ix stej sb'a yet' eb' israel, yuj tas tzyutj eb' 'anma sacb'tzan sb'a 'icha yaln ley.

Dn 2:28

Palta 'ay jun Dios 'aj satcha'an̈, a tztac' ya'n cojcoc 'el jun tzo'n̈ tas caw c'ultac yaj cha. A tz'a'n ojcoc 'el ach mamin rey tas jun tzo'n̈ 'oj ujc b'aq'uin̈. 'Oj wal 'ayach tas 'ix el 'a a wayich yic wayn̈c ach cha:

Jeremías 48:47

Palta an Jehová in, an tzwala, to ax 'a slajub', 'oj wi'x q'ue'ch chon̈b' Moab jun 'ejm xo, xchi Dios. Atn jun tzo'n̈ yailal tic 'ix yalcn Jehová 'a yib'n̈ chon̈b' Moab.

Is 45:12

An in b'ojnac lum lum tic yet' smasnil mach cajn 'a 'a, an in jen̈jnac 'at satchan̈ tic yet' in poder, 'ix walni to tzpitzw smasnil c'anal.

Nm 24:14

Caw wal wach' toto tzin pax 'a in chon̈ab', palta yic mantzac in paxi, yowlal tzwalcn ab'i' tas 'oj 'aj a chon̈b' tic yuj jun chon̈b'al eb' 'anma chi b'aq'uin̈, xchi.

Mt 3:17

'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Atn jun tic Wunnal, caw chamc'ojlb'il wu'uj, caw wal tzin tzalj yet'oc, xchi.

Mt 13:39

A jun 'ajc'ojl yajch 'a win 'aj lum cha, atn win diablo cha. A jun tiempoal yic 'oj polxc 'el 'ixm trigo cha, tzyal 'el'chi, atn yic 'oj lajwc 'ec' yolyib'n̈q'uinl tic. Ax eb' polm trigo cha, atn eb' ángel.

Mr 12:7

Palta ax yic wan sc'ochi, 'ix smol aln ewin 'ixtic: 'In to a win 'unnab'il tic tzjawi. Q'uinloc 'oj cham smam, ax win 'oj 'ica'anc can lu'um. Qui milc chamoc, sec a 'ayn̈ec 'oj can lu'um, xchi ewinac.

Jn 1:10

A jun Spaxti Dios cha, wulnc 'ec' 'a yolyib'n̈q'uinl tic. Caw b'ob'il yolyib'n̈q'uinl tic yu'uj. Palta a yic swulc 'emta, ma'ix nachj 'el yuj eb' 'anma', toto a'.

Jn 5:26

Yujto a 'in Mam, 'ay spoder ya'n sq'uinl eb' 'anma'. Ya'jnac can pax jun spoder chi 'ayn an Yunnaln tic. Yuj cha, an̈jtona 'in, tztac' wa'n pax sq'uinl eb'.

Jn 5:27

Ya'jnac can pax in poder in b'eyc'ojlan smasnil 'anma', yujto 'Ochnc in 'Anma'il.

Jn 9:29

Cojc on̈, to yaljnac can Dios spaxti 'a Moisés cha. Palta ax Jesús cha, man̈ cojcoc on̈ mach 'a'jnac yopiso winac, xchi ewin 'aj Judea cha.

1 Co 2:7

Palta a jun jelnal tzwal-l tic, atn sjelnal Dios. A jun jelnal tic, matz nachj xon 'el yuj eb' 'anma', yujto c'ub'b'il 'el 'a eb'. A Dios najnac can jun tic, yic mantzac sb'o yolyib'n̈q'uinl tic, sec wach' 'oj qui c'ochc 'a 'aj 'ay swach'il.

A Ch'an̈ Carta D'a Eb' Hebreo 3:6

Palta ax Cristo, yiclum yutjnac sb'a, yujto Yunnal Dios. A 'aych Yajlil 'a yib'n̈ eb' yunnal xo Dios yet'oc. Toto te'n tzcutjec qui b'a ca'n 'och qui c'ojl 'a 'a, toto tzon̈ tzalji, tzca'nec 'och yipc qui c'ojol, [masnto 'a slajb' qui q'uinal,] to 'ixta', yunnaln̈ec xo Dios tzyal cha.

A Ch'an̈ Carta D'a Eb' Hebreo 4:14

'Ay wal jun tz'a'n 'och qui tic 'a Dios, caw niwn yel'chi, atn Jesús Yunnal. A c'ochnc 'a satcha'an̈, 'a caw stz'ey Dios. Yuj cha, yowlal caw te'n tzcutjec ca'n 'och qui c'ojl 'a 'a, yujto a 'a tzcalc qui b'a.

A Ch'an̈ Carta D'a Eb' Hebreo 7:28

Yuj ley yic Moisés, a eb' 'ochnc sat ya'malc 'och sti eb' quit chon̈b'ec 'a Dios, 'anman̈ej eb'. Palta a yic slajw yopiso jun ley cha, mun slocjnac Dios sb'i, yic ya'n yopiso junx sat ya'mal 'och qui ti 'a 'a, atn Yunnal. Yaljnac Dios yu'uj, chajtlto tz'acn 'a smasnil.

Jn 13:32

Toto tzin ch'oxo to niwn yel'ch Dios, an̈jtona 'oj sch'oxl paxi, to niwn pax wel'chi. Yajn̈ej ax sch'oxn 'eli, to niwn wel'chi.