Hageo 2:3 - Chuj San Sebastian Bible

³ A eb' 'iljnac jun yatut Dios 'a yic yaln̈taxi, yet' swach'l yilxi, yal cab' eb' toto lajn wal yilx 'icha jun xe b'o tic. ¿Tom matz nachj 'el jac eyu'uj, to may jac yel'chi toto tzqui lajb'tzejec yet' jun cha?

Chuj San Mateo Bible

³ A ex eyilnacto svach'il yilji jun templo d'a yalan̈taxo, alec tato lajan yed' jun sco sb'o tic ticnaic. Tecan tze na'a to malaj jab'oc yelc'ochi tato sco lajb'ej yed' junxo chi'.

Hageo 2:3 Referans Kwoze

Esdras 3:12

Til wal eb' ya'mal 'och sti eb' 'anma 'a Dios, yet' jun tzo'n̈ xo eb' levita yet' eb' yajl yaj 'a scal eb' yican, atn eb' 'ichmtacx 'anma', caw wal 'ip yel yaw eb' yoq'ui yujto yiljnac eb' jun yatut Dios 'a b'ab'el. Ya' sb'a cha, til to wal mach tz'el yaw yuj tzaljc'ojlal.

Ez 7:20

Yujto 'ay jun tzo'n̈ chi 'ay 'a eb', xlaj sb'an̈n sb'a eb' yet'oc, ax yet' jun tzo'n̈ chi sb'o eb' yechl jun tzo'n̈ comn dios yajb'entac. Yuj cha, 'icha xoj c'alem, 'ixta 'oj wutcan jun tzo'n̈ q'uen chi yil eb'.

Hageo 2:9

A jun watut tic, yel xo wal 'oj b'inaxc 'a yib'n̈ jun 'e'nc 'a b'ab'el. A 'a tic, 'oj wac' junc'ojlal 'a eb' chon̈ab', xchi Dios.

1 Cr 22:5

Yujto 'ix sna 'ixtic: A ni wunnal Salomón tic caw 'unn to na, ax pax jun yatut Jehová 'oj b'o cha, caw niwquil 'oj 'ajoc. Yel xo 'oj b'inax yuj swach'l yilx 'a smasnil yolyib'n̈q'uinal; ax ticnec yowlal 'oj in yamb'tzoc can smasnil syamc'ab'il 'oj 'och 'a 'a, xchi. A yic pitzn to David cha, caw niwn tas 'ix syamb'tzej cani.

Esdras 3:11

'Ay mach tzb'itni yuj yaln wach' paxti', 'ay pax mach tzaln 'ixtic: Calc yuj diosal 'a Jehová, yujto caw wach' snab'en, yujto a schamc'ojlal 'ayn̈ec an̈ israel on̈c tic, may b'a'n̈ 'ay slajub', xchi eb'. Ax smasnil eb' chon̈ab', caw wal tzalj eb' yaln wach' paxti 'a Jehová, yujto 'ix 'el yich jun munljel cha.

Is 64:10

A jun tzo'n̈ chon̈b' to ec yaj tic, 'ix can eb' 'a sictaquil. A chon̈b' Jerusalén, 'ix lajw 'ejmi, man̈x 'a mach cajn 'a 'a.