Habacuc 3:4 - Chuj San Sebastian Bible

⁴ Ach jaw 'a scal a tzictznial. Xlaj 'eltoc jub'ljoc raya 'a yol a c'ab'. A 'ix ch'oxn 'eli, to 'ay a poder c'ultac yaj o'oj.

Chuj San Mateo Bible

⁴ Sjavi d'a scal stziquiquial. Tz'elta copoljoc c'ac' d'a yol sc'ab', sch'oxanel spoder c'ub'anel yuuj.

Habacuc 3:4 Referans Kwoze

Mt 17:2

Ata xjelmj yilx Jesús 'a sat eb'. Caw tzictzni x'aj sat 'icha yilx c'u, ax spichul, caw sac x'aj si'mb'il.

Job 26:14

A jun tzo'n̈ tzcab'c tic, 'icha to stitc xoj yaj 'a tas b'ob'il yuj Dios. Ton̈j pax tzqui b'al 'ab'ej, palta ¿mach wal junc tztac' yojcan 'el sjelnal cha? xchi Job.

Ex 14:20

Caw q'uic'q'uinl 'ix 'aj 'a yojltac eb' 'aj Egipto cha, ax pax 'a yojltac eb' israel, caw wal sacq'uinal. Yuj cha, ma'ix yamchj eb' israel yuj eb' 'aj Egipto 'a jun 'ac'wl cha.

Apoc 22:5

A wal ta', man̈x 'a 'ac'wal. Ax eb' 'oj c'och ta', man̈x 'a yopiso junc cantil yuj eb'. Man̈x 'a yopiso yoc c'u yuj eb'. Yujto a Dios Cajlilec, a 'oj yac' sacq'uinlal 'a eb'. Ax eb' cha, 'oj 'och eb' yajlil 'a smasnil tiempo.

1 Ti 6:16

Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

Pr 18:10

A 'a Jehová, ata tzcol sb'a eb' 'anma tojl snab'en, lajn yaj 'a eb' 'icha junc cuartel caw wach' yaji.

Salmos 104:2

A sacq'uinal, icha to a pichl yajchi, ach xa lich't satchan̈ 'icha junc mantiado.

Nehemías 9:12

'Ix e'n b'ey eb' yet' jun niwquil 'asn 'a c'ual, ax 'a 'ac'wal, 'ix e'n b'ey eb' yet' jun niwquil c'ac', sec wach' tzictajx sb'e eb' 'ajtil tz'ati.

Ex 13:21

A 'a c'ual, b'ab'l Jehová yuj eb' 'a scal jun topn̈ 'asun, a tzch'oxn b'e 'a eb'. Ax 'a 'ac'wal, a 'a scal jun topn̈ c'ac' ata 'aychi. A tz'a'n sacq'uinl 'a eb' 'anma cha, sec wach' sb'ey eb' 'a c'ual mto 'a 'ac'wal.

Apoc 21:23

A 'a jun chon̈b' cha, may tz'och yoc c'u, may pax tz'och yoc 'uj. Yujto a sacq'uinlal Dios yet' pax sacq'uinlal jun tzcuch Calnelu, a tzyac' sacq'uinlal 'a 'a.

Salmos 18:12

Xlaj 'elt raya 'a ojltac, 'ix cot sacb'at 'a scal 'asun, yet' pax stzac'ac'.

Ez 1:27

'Ix wilni, a yib'n̈ q'uet snan̈al, lajn wal yilx 'icha q'uen bronce tzictzni yilxi. Caw tzn̈ilchj sc'aq'uil, ax 'a yaln̈ 'emt snan̈l cha, lajn wal yilx 'icha c'ac'. Tzictzni yilx 'a stitc cha,

Ez 43:2

ax xwilni, 'ix jaw tzicn̈joc stzictznil qui Diosal 'ayin, ata xcot 'a stojlal 'aj tzq'uel c'u, lajn wal sc'an̈ 'icha sc'an̈ a 'elmal a'. Caw wal 'ix sacb'el sat lum yuj stzictznil cha.