Habacuc 3:19 - Chuj San Sebastian Bible

¹⁹ Mamin Jehová Wajlil, ach tzac' wip. Tzac' yip woc sec tztac' in b'ey 'icha no c'ultquil chej, tzin e'n q'ue 'a cha'an̈, 'a 'aj wach' in colchji. B'itnaxc cab' jun b'it tic yuj win tzjucb'tzan b'it, yet' jun tzo'n̈ yamc'ab ch'an̈ 'aych 'a 'a.

Chuj San Mateo Bible

¹⁹ Mamin Jehová, a ach tzac' vip, tzac'an yip voc yic syal in b'ey icha noc' c'ultaquil chej, tzin ic'anq'ue b'aj chaan̈, b'aj ol in colchajoc. B'itajocab' jun b'it tic yuj vin̈ scuchb'an eb' sb'itan yed' juntzan̈ yamc'ab' ayoch sch'an̈al.

Habacuc 3:19 Referans Kwoze

A Ch'an̈ Schab'l Libro Samuel 22:34

'Icha sjelnal sb'ey no c'ultquilchej, 'ixta in b'ey yu'uj, a tz'a'n wip yic tzin 'ec' 'a 'aj pa'ctac.

Salmos 18:33

'Icha wal sjelnal sb'ey junc no nun c'ultquil chej, 'ixta in b'ey o'oj; tza'n wip yic tzlaj in 'ec' 'a 'aj pa'ctac.

A Scarta San Pablo D'a Eb' Aj Filipos 4:13

Tzann̈j tas tzta'n̈j wu'uj, yujto a Cristo tzyac' spoder 'ayin.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Dt 32:13

'Oj eyijx 'at yuj 'a lum jolmctac witz, 'oj laj e c'ux tas 'ay 'a sat lum lum cha, 'oj laj eyuc' yal chab' tz'elt 'a sat q'uen q'ue'en, yet' aceite tz'elt 'a te olivo tzlaj pac' 'a sat q'ue'en.

Salmos 27:1

A Jehová tz'a'n sacq'uinl 'ayin, in Colmal paxi. A 'a tzin col in b'a, yuj cha, man̈x 'a in xiwc'ojlal. Man̈x 'a mach 'aj tzin xiwi.

Is 58:14

Toto 'ixta 'oj eyutc e b'a, 'oj 'ilchjoc e tzaljc'ojlal 'ayin. An xo 'oj wala', to niwn eyel'ch 'a yib'n̈ smasnil chon̈b' 'a yolyib'n̈q'uinl tic, ax wa'n pax eyico'oc lum e macl lum 'aycn yuj e mam 'ichm Jacob, atnta 'oj e wa 'a sat lu'um, xchi Dios.

Ef 3:16

Man̈ jantcoc swach'l qui Mam Dios. Yuj cha, tzin c'an 'a 'a, sec 'oj swach' 'a'c ste'nal e nab'en, ax swach' 'a'n spoder 'ayx yuj Yespíritu.

A Scarta San Pablo D'a Eb' Aj Colosas 1:11

Tzon̈ leslwi pax eyuj on̈, sec a tz'a'n e te'nal yet' spoder, yujto a spoder cha, caw niwn yel'chi. To 'ixta', 'oj techjoc smasnil tas eyu'uj. Caw te'n 'oj eyutcn̈ej e b'a, 'oj e tzaljn̈ej paxi.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Dt 33:29

Caw wach' quic ex wit israelal, ¿mach wal junc tztac' slajb'tzan sb'a quet'ec? A Jehová a tzon̈ colnec. A tzon̈ tan̈wniec, tzcolwj pax quet'ec. Quespada 'ay smay yaji, yuj cha, tzca'n ganar eb' 'ajc'ojl yajch 'ayn̈ec, ax qui te'n can 'ejm sb'an̈quinal eb', xchi Moisés 'a eb'.

Zacarías 10:12

An 'oj wac' ste'nal eb' in chon̈ab'. Wu'uj, ax sta'n yuj eb'. An Jehová in, an tzwal jun tzo'n̈ paxti tic, xchi Dios.

Salmos 18:1

Mamin Jehová caw wal tzach in chamc'ojlej, ach 'aych 'och wipoc.

Is 45:24

'Oj yaln eb' 'ixtic: Caw yel ton b'i'an, cojn 'a Jehová 'ay tojlal, caw 'ay pax yip, 'oj xchic eb'. Ax smasnil eb' 'ajc'ojl yajch 'ayin, 'oj q'uixwc can 'el eb'.

Salmos 54:1

Ach in Diosal colwjan̈ 'ayin, caw coln yet' a poder.

A Ch'an̈ Schab'l Libro Samuel 2:18

Ata 'ayc' 'oxwn̈ ewin yune 'ix Sarvia: atn ewin tic, win Joab, win Abisai yet' win Asael. A win Asael tic, caw jeln sb'ey win 'icha no c'ultquil chej.

Salmos 18:32

Ach tzac' wip, tza b'on in b'eyb'al.

Cantares 2:7

Ex cob'stac 'ix 'aj Jerusalén, ta'wjec can e ti'oc, tze locn sb'i e no c'ultquil chej 'a calte', to man̈ e pitzl swayn̈ 'unx cob's chamc'ojlb'il wu'uj, munto 'oj 'el swayan̈, xchi winac.

Ez 36:2

An Jehová in, an tzwal 'a eb' 'ixtic: A eb' 'ajc'ojl yajch 'ayex, xcob' yal eb' to yic xoj eb' smasnil lum jolmctac witz cha.

Salmos 18:34

Tzin a cuy wa'n owal, tza'n pax wip in pacb'tzan in jul-lab' to nab'a bronce.