Habacuc 3:10 - Chuj San Sebastian Bible

¹⁰ A yic xa ch'oxn a b'a, caw x'ib'x chan̈ eb' lum niwc witz yuj xiwlal. 'Ix cot yaxn̈ab' 'a satcha'an̈, ax a mar, til wal sc'an̈ chan̈ a', yic xq'ue wan chel-loc a 'a cha'an̈.

Chuj San Mateo Bible

¹⁰ Ayic ix a ch'oxan a b'a, ix te ib'xiq'ue lum nivac vitz, ix cot nivac yaxn̈ab' d'a satchaan̈, ix c'an̈ sq'ue chulnaj a' mar, ayxo smay ix aj sq'ue vaan a' ayic ix a ch'oxan a b'a chi'.

Habacuc 3:10 Referans Kwoze

A Ch'an̈ Carta D'a Eb' Hebreo 11:29

A eb' israel cha, ya'jnac 'och eb' Dios 'a sc'ojol. Yuj cha, yec' eb' 'a snan̈l a Chac Mar, 'icha yic tzon̈ b'ey 'a tacn̈ lu'um. Palta ax eb' 'aj Egipto, yic cob' ya'lni eb' yeq'ui, c'uxn laj jic'w cham eb' yuj a'.

Salmos 93:3

Mamin Jehová, a eb' a mar, checl sc'an̈ eb' a', tzlaj q'ue wan chel-loc eb' a 'a yet'ul.

Mt 27:51

Yajn̈j wal cha, 'ix jat snan̈l jun te nip 'aych smacloc snan̈l yatut Dios, 'ix jat cot 'a sjolom masnto x'eml sjat 'a yich. 'Ix 'ec' pax jun niwn quixcab', ax jun tzo'n̈ niwc q'ue'en, 'ix laj jati.

Jeremías 4:24

'Ix laj wilnc 'at eb' lum witz, caw wal tz'ib'x eb' lu'um, 'ixta pax eb' lum tzalan, caw wal tzicb'tan̈x eb' lu'um.

Is 43:20

'Oj yi' chan̈ e no calte'al noc' in b'i, atn no 'oques yet' no tucul, yujto 'oj wac' pac' a a 'a lum cusltac lu'um, ax wa'n b'ey yoctc a a chi 'a lum tacn̈ lu'um. Yuj eyu'n a ax in chon̈b' ex tic, to sic'b'ilx 'el wu'uj, yuj cha, 'ixta 'oj wutoc.

Josué 4:18

cojn wal yic xq'uet eb' 'a yojl a', 'ix ste'n 'ejm eb' yoc 'a 'aj taquin̈, ax a a cha, 'ix cotx can secnjoc a 'a sb'e 'aj tzb'eyi. 'Ix b'ut'j pax 'el sb'e a cha, caw tz'elx pulnjoc a 'a sb'e 'icha xoni.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.

Apoc 16:12

Xlajw cha, ax jun swacl ángel, 'ix secn 'ejm sb'al svaso 'a yib'n̈ a niwquil a Éufrates. Ax jun a cha, 'ix tupi. 'Ix tacj can sb'e a'. 'Ixta x'aj sb'o jun sb'e eb' yajl xcot 'a stojlal 'aj tzq'uel c'u.

Apoc 6:14

'Icha junc un̈ tzchulxb'ec'an, 'ixta x'aj satchan̈ satli. Ax smasnil lum witz, yet' jun tzo'n̈ lum lum 'ay 'a snan̈l a mar, c'uxn 'ix 'ib'xi. 'Ix laj 'el eb' 'a yet'ul.

Habacuc 3:6

A yic tzach 'och wa'an, caw tz'ib'x lum lum tic o'oj. Smasnil jun tzo'n̈ nacion̈, xlaj 'ib'x chan̈ eb' yuj xiwlal yic ach 'och q'ueln 'a eb'. A jun tzo'n̈ lum niwc witz 'ayc' xon 'a yictax pecti', 'ix laj poj eb' lu'um, 'ix lan̈chj 'ejm smasnil lum witz cha, atn 'a 'aj 'e'nc ach 'a yictax pecti'.

Nahúm 1:5

Caw tz'ib'x eb' lum witz 'a yojltac Dios, caw tz'ulb'x pax 'ejm eb' lum tzaln yu'uj. Smasnil lum lum tic yet' smasnil eb' 'anma cajn ta', caw tz'ib'x eb' yuj xiwlal 'a yic tzch'oxn sb'a Dios.

Miqueas 1:4

'Oj 'ulb'xoc 'ejm eb' lum witz chi 'a yaln̈ yoc 'icha tz'aj yulb'x no chab'ic', 'oj b'ey 'ejm lu'um, ax sb'ey lum 'a eb' lum niwc ch'oln 'icha c'acap.

Is 55:12

'Oj eyelt yet' e tzaljc'ojlal 'a 'aj 'ayx 'ec' 'icha presoal cha, junc'ojlal 'oj e paxt 'a e chon̈ab'. A yic 'oj ex yilnc 'och eb' lum niwc witz, eb' lum tzalctac, te niwc te', 'icha to 'oj spoc' eb' sc'ab' sb'itn chan̈ yuj stzaljc'ojlal yic 'oj ex yiln 'och eb'.

Salmos 66:6

'Ix meltzj 'och a mar 'a tacn̈ lumal yu'uj, axta 'ix 'ec' eb' qui mam quichmec yet' yoc 'a yojl a'. Ca'c tzaljoc qui c'ojl yet' qui Diosal.

Salmos 65:13

A 'a smasnil lum 'a'lic, ata tzb'ut'j 'ejm no calnelu; ax lum pan̈an, tzb'ut'j 'el lum yuj 'ixm trigo. Yuj cha, tzb'itn smasnil eb' 'anma 'ayach, tz'el pax yaw eb' yuj tzaljc'ojlal.

Salmos 18:15

'Ix checlj chan̈ yich a mar o'oj, ax sb'achnub'al yaln̈ yolyib'n̈q'uinal 'ix 'ilxi, yujto caw 'ip ach 'awj Mamin Jehová, caw ow pax jun 'ic' 'ix a' coti.

Nehemías 9:11

'Ix ac' spoj sb'a snan̈l a mar 'a sat eb', 'ix 'ec' eb' 'a stacn̈il lu'um; ax eb' pechjnac eb', 'ix 'atcn eb' 'a xab'l yich a', 'icha junc q'uen tzjulx 'at 'a yojl junc a sutb'il a'.

Mt 8:24

Palta a yic wan sb'ey eb', 'ix jaw jun 'ic' caw ow. 'Ix yutz'n chan̈ a', 'ix 'och chel-loc a 'a yojl te barco cha, ax Jesús, waync 'a yojl te'.

Salmos 104:32

A yic tzach 'och q'ueln 'a lum lum tic, yajn̈ej tz'ib'x chan̈ lum o'oj; a yic tzach 'och yamn 'a eb' lum niwc witz, yajn̈ej tzq'ue wan stab'l eb' lum o'oj.

Salmos 148:7

A smasnil tas 'ay 'a sat lum tic, yal cab' swach' paxti 'a Jehová, no niwc noc' 'ay 'a yojl a mar yet' 'a xab'l yich a',