Habacuc 2:2 - Chuj San Sebastian Bible

² 'Ix yaln Jehová 'ayn 'ixtic: A tas 'oj in ch'ox 'aych tic, wach' tzotj a tz'ib'n can 'a jun pachc lum tz'acb'il lu'um, sec a mach 'oj 'awtnoc, wach' 'oj yutc yi'n b'ey jun tzo'n̈ paxti tic.

Chuj San Mateo Bible

² Ix yalan Jehová d'ayin icha tic: Tz'ib'ejcan juntzan̈ tas ol in ch'ox il tic d'a junoc lechan̈ lum tz'acb'il luum, yic a mach ol avtanoc, ol b'at yalel d'a elan̈chamel.

Habacuc 2:2 Referans Kwoze

Is 30:8

'Ix yaln Dios 'ayn 'ixtic: A ticnec, tz'ib'j can 'a yojl junc u'un̈, yuj smasnil tas wan waln 'aych tic, sec tzcan 'ab'xil 'a eb' et chon̈b' tic 'a smasnil tiempo.

Apoc 14:13

Xlajw cha, xwab'n yoch jun paxti 'a satcha'an̈, 'ix yaln 'ixtc 'ayin: —Tz'ib'j junx 'oj wal tic: A ticnec, caw wach' yic eb' an̈ja 'aych 'a yol sc'ab' sYajlil yic tzchami, xchi jun paxti cha. Xyaln Yespíritu Dios 'ixtic: Caw yel yujto 'oj 'iljc eb' 'a smunljel. Ax jun ch'an̈ un̈ 'aj tz'ib'b'il can tastc wach' tzb'o eb', 'oj c'och yet' eb' 'a satcha'an̈, xchi.

Dt 31:22

A 'a yic jun c'u cha, ata stz'ib'j can Moisés jun b'it cha, xlajw cha, 'ix ya'n scuy eb' yit chon̈ab'.

Dn 12:4

Palta ach tic Daniel, 'a'cn 'och seyoal jun libro tic, tza moln cani, masnto 'oj jawc jun slajb' tiempoal cha. Til wal eb' 'anma ji'lti 'oj 'ec' 'a tic, ji'lti 'oj 'ec' 'a cha, yic tzsayn 'ec' eb' tas tzuji, yujto caw 'oj niwtjoc jelnal 'a jun tiempoal cha, xchi jun ángel chi 'ayin.

Is 8:1

'Ix yaln pax Jehová 'ayn 'ixtic: Say junc niwquil u'un̈, ax a tz'ib'n 'ejm jun paxti tic 'a 'a. Caw wach' tzotj a b'oni, niwc tzotj stz'ib'ul. Maher-salal-hasbaz, 'ixta tzotj a tz'ib'ni.

Dt 27:8

Ax 'a eb' q'uen q'uen cha, ata wach' tzeyutj e tz'ib'n can 'och jun tzo'n̈ cuynb'il tzwalcn 'ayx tic, xchi Moisés.

Dt 31:19

A ticnec, tz'ib'j can jun b'it 'oj wal 'aych tic, tzlajw cha, tza'n scuy eb' et chon̈ab' sec 'oj sb'itnoc eb', yic tz'och testigoal wuj 'a eb'.

Apoc 19:9

'Ay jun ángel 'ix aln 'ixtc 'ayin: —Tza tz'ib'j jun tzo'n̈ 'oj wal tic: A eb' 'awtb'il 'a jun q'uin̈ nupnel yic jun tzcuch Calnelu, caw wach' yic eb', xchi. 'Ix yaln pax 'ayn 'ixtic: —A jun tzo'n̈ paxti tic caw yel, yic Dios, xchi 'ayin.

2 Co 3:12

Yujto tzca'c 'och jun tic yipc qui c'ojol, yuj cha, caw matz on̈ xiwc caln 'eli.

1 Co 14:19

Palta a yic tzqui yamnec qui b'a 'a culto, yel xo wach' tzwal 'a e ti', yic tzex in cuyni. Yujto wach'xam o'en̈ej paxti'al tzwal 'ayx 'a e ti', palta 'ec'b'al yopiso 'a yib'n̈ lajn̈e'oc mil paxti'al matz nachj 'el eyu'uj.

Ro 15:4

Jantcn̈ej tas tz'ib'b'il can 'a Ch'an̈ Un̈ pecti', 'ay yopiso on̈ scuynec. A Ch'an̈ tz'a'n qui te'nalec, tzya'n pax sniwnal qui c'ojlec, sec wach' tzca'c 'och Dios yipc qui c'ojol.

Jeremías 30:2

An Jehová e Diosal in ax israel ex tic, an tzwala: Tz'ib'j can smasnil tas 'ix wal 'aych 'a junc ch'an̈ u'un̈.

Dn 7:1

'Ay jun 'ac'wal, 'a yic yab'lil xo yoch win Belsasar reyl 'a Babilonia, 'ay jun swaych Daniel x'ochi. 'Ay tas xyil 'a swaych cha. Ax 'a yic x'el swayan̈, 'ix stz'ib'n can jun tzo'n̈ tas caw niwc yel'ch xyil cha.