Habacuc 2:18 - Chuj San Sebastian Bible

¹⁸ May yopiso jun tzo'n̈ comn dios tzb'o eb' 'anma'. A jun tzo'n̈ cha, ton̈j tzex yac' satoc. Matz tac' spaxtini, palta ¿tas yuj a eb' tzb'oni, caw tzya'ch eb' yipc sc'ojol?

Chuj San Mateo Bible

¹⁸ Malaj vach' yoch junoc comon dios sb'o eb' anima. A juntzan̈ chi', ton̈ej tzex satb'eyec' yuuj, max yal-laj sloloni. ¿Tas yuj a eb' sb'oan chi' syac'och juntzan̈ sb'o eb' chi' yipoc sc'ool?

Habacuc 2:18 Referans Kwoze

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

1 Co 12:2

Eyojc xoni, a yic mant ex creyenteoc, ex 'ijx 'at 'a jun tzo'n̈ xeyalch e diosaloc. Ex 'at tic, ex 'at tic e sayn 'eq'ui. Palta matz tac' spaxtin jun tzo'n̈ cha.

Zacarías 10:2

Man̈ 'ixta'oc spac tz'ajx 'a eb' tzc'anb'n yab' junc tas 'a jun tzo'n̈ yechel, yet' 'a eb' 'ajchum. A tas tzyal eb' cha, 'esn̈j smasnil, may jac yel'chi. A tas tzyal eb' tzwaych'ni, ton̈j tz'ixtx paxti junc mach chi yuj eb'. A spaxti eb' tz'a'n sniwnal sc'ojl cob' junc mach, may jac swach'il. Yuj cha, ton̈j tzsatc' eb' chon̈b' chi 'icha no calnelu tzsatq'ui, tzyab'n syail yujto may yilmal.

Is 42:17

A wal eb' 'anma tz'a'n 'och jun tzo'n̈ yechl yipc sc'ojol, tzyaln sb'a eb' 'a jun tzo'n̈ yechl chi 'ixtic: Ax tic, qui diosal ex, xchi eb' 'a eb'. A eb' tzaln chi 'ixta', caw q'uixwc'ojlal 'oj 'aj eb' s'atcni.

Is 45:16

Smasnil eb' tzb'on jun tzo'n̈ yechl comn dios, 'oj 'ijxcan 'ejm eb', ax sq'uixw can 'el eb', man̈x 'a yel'ch 'oj 'ajcn eb'.

Jonás 2:8

A eb' tzlaj 'och tza'n yuj jun tzo'n̈ yechl tzalx 'och diosal, tzpatquilj can 'el eb' a wach'c'ojlal.

Apoc 19:20

Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'.

Ro 6:21

Palta ¿tom 'ay jac qui ganar 'a spatc jun tzo'n̈ qui b'ojnaquec cha? Caw tzon̈ q'uixwec yuj jun tzo'n̈ chi ticnec. Yuj wal jun tzo'n̈ cha, tz'at eb' 'anma 'a chaml 'a jun 'ejmn̈ej.

Jeremías 50:2

Alc 'el jun 'ab'x tic, 'a'c yojcoc 'el eb' nacion̈. 'Ijec chan̈ e bandera, tzeyaln 'eli, man̈ e c'ub'c 'eli, alc 'ixtic: A Babilonia caw 'oj lajwc 'eli. A jun dios tzcuch Bel, 'oj 'el sq'uixwel, ax jun dios tzcuch Marduc, 'oj xiwoc. A sdiosal eb' 'aj Babilonia cha, caw 'oj can eb' 'a q'uixwc'ojlal. A jun tzo'n̈ yechl cha, 'oj ma'xoc poj eb', xe chi.

Is 45:20

Tzyaln pax Dios 'ixtic: Jantcn̈ej mach 'atnc can 'eloc, molb'tzejc e b'a, tzex coti. Caw wal may jac e nab'en, yuj cha, a te te tzeya'ch e diosaloc, tzlaj e b'achnb'eyc'oc, tzeyaln e b'a 'a jun dios to matz tac' scolwji.

Is 37:38

'Ay jun c'ual 'ix 'at leslwoc 'a yatut jun sdiosal tzcuch Nisroc, axn 'ayc' chi ta', 'ix c'och chawn̈ eb' yunnal 'a 'a, atn Adramelec yet' Sarezer, 'ix smiln can eb'. 'Ix 'atcn eb' 'elc 'a yol yic Ararat. Ax junx yunnal scuch Esarhadón, a 'ix 'ochcn reyl sjeloc.

Is 1:31

A junc 'anma caw te'n yaj 'a tzyutj snani, 'icha xoj te 'ac 'ixta 'oj 'ajoc; ax jun tzo'n̈ yechl xlaj sb'o cha, 'oj 'och n̈ilnjoc sc'aq'uil, lajn 'oj 'aj scan sc'ac'l eb' 'a schac'ajil, man̈x 'a mach 'oj stac' stupn jun c'ac' cha, xchi Dios.

A Ch'an̈ B'ab'el Libro Samuel 12:21

Man̈ ex 'och tza'n yuj jun tzo'n̈ comn dios may jac yel'chi, matz tac' scolwj eyet'oc, matz tac' ex scoln paxi.

Salmos 97:7

'Oj 'el sq'uixwel eb' tzyac' 'ejm sb'a 'a jun tzo'n̈ yechel, atn eb' tzb'an̈ sb'a yet' jun tzo'n̈ comn dios cha. Smasnil eb' tzalx 'och diosal, 'oj yac' 'ejm sb'a eb' 'a Jehová.

Is 40:19

'Iltec nab'n eb' comn dios. A eb' tzb'on jun tzo'n̈ yechl cha, tzyac' 'ejm eb' 'a yol smoldeal, ax junc tenm q'ue'en, a tzsucn 'och oro 'a 'a. A eb' tzb'on q'uen plata cadenail, tzya'n 'och eb' ston̈c jun yechl cha.

Is 41:26

Ax yechl ex tic, ¿mach junc 'ayx 'ix aln 'el yab'xil jun tic 'a yictax pecti', sec wach' tzcab' yab'xil? ¿Mach junc 'ayx 'ix aln 'a yic yaln̈tax cha, yic wach' tzcala to yel tzyala? May junc ex 'ix eyal-l yab'xil tas 'oj ujc b'aq'uin̈, may junc 'anma 'ix 'ab'n eyalni.

Is 44:12

A ticnec, 'oj quil tas tzyutj munljoc sb'a win tenm q'ue'en. Tzyij cot win cincel, ax yic tox 'ix tz'a q'uen q'uen chi yuj win 'a cal c'ac', tztenn tojlb'oc win q'uen yet' martillo. Tzb'o 'el'ch 'icha wal tznib'ej, yet' wal yip sc'ab' winac tzb'o'i. Palta toto may tas tzc'ux winac, tzcot swejel, tz'och stacn̈ti'al, caw tz'el yip, tzc'unb' pax cha'an̈.

Jeremías 2:8

A eb' ya'mal 'och e ti 'ayin, man̈x 'ic jaw eb' 'a wojltac. Ax eb' e cuywmal, man̈x 'ic in yojquej 'el eb'. A eb' yajl yaj 'a e chon̈ab', 'ix meltzj 'och eb' 'ajc'ojlal 'ayin, ax eb' in checb' cob'i', a 'a sb'i Baal, ata xpaxtin 'el eb'. 'Ix 'och tza'n eb' yuj jun tzo'n̈ comn dios to may jac yopiso, xchi Dios.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

Jeremías 51:17

A wal eb' 'anma', yel xo may jac snab'en eb', toc tzq'uixw eb' jac yuj jun tzo'n̈ yechl tzlaj sb'o'. A jun tzo'n̈ yechl cha, man̈ pitznoc, ton̈j tzyac' satc sb'a eb' 'anma chi yuj eb'.

Dn 5:23

A eco', to 'ix a b'an̈ a b'a 'a sat jun sYajlil satcha'an̈. 'Ix a'n 'ijxoc cot 'a ojltac jun tzo'n̈ svaso 'ayc' 'a yol yatut. Ach xo tic yet' smasnil eb' 'awtb'il cot o'oj, 'ix o'j 'an̈ yet' eb' 'a yojl jun tzo'n̈ vaso cha. 'Ix aln wach' paxti 'a jun tzo'n̈ comn dios nab'a plata, oro, bronce, hierro, te', yet' q'uen q'ue'en, atn jun tzo'n̈ matz tac' xon yilni, matz yab'i, may jac yojtac. Man̈oc 'a Dios 'aj 'ix al wach' paxti', palta ticni a 'a yol sc'ab' 'ayc' a q'uinal, a tzach 'i'n b'eyc'oc.

Am 2:4

A Jehová tzaln 'ixtic: A wal eb' aj Judá, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Spatquilj can 'el eb' in cuynb'il, ma'ix syiclj eb' in ley. A yic eb', to xyac' eb' 'emmquilal 'a jun tzo'n̈ comn dios, atn jun tzo'n̈ 'aj ya'jnac eb' smam yichm eb' 'emmquilal.

Jueces 17:4

A yic xya'n meltzjoc Micaía q'uen tumn chi 'a snun, ax snun chi 'ix a'n chab' ciente q'uen tumn 'a jun win b'om plata, yic tzb'on junc yechl to tzeyb'il, to tz'ajx 'och plata 'a 'a. Xlajw cha, x'ajx 'och 'a yol yatut Micaía.