Gn 7:4 - Chuj San Sebastian Bible

⁴ Yujto yic ucb'ix, ax wa'n cot jun niwquil owl yaxn̈ab' 'a sat lum tic. Chawinc c'u chawinc 'ac'wl 'oj yac'a'. 'Ixta wal 'oj wutc in satn 'el smasnil tas in b'ojnac 'a sat lum lum tic, xchi Dios 'a Noé.

Chuj San Mateo Bible

⁴ Yic val ucub'ix ticnaic, ol vaq'uem n̈ab'. Chavinac c'u, chavinac ac'val ol yac'a'. Icha chi' ol aj in satanel masanil tas ix vac' pitzvoc d'a sat lum tic, xchi Jehová d'a vin̈.

Gn 7:4 Referans Kwoze

Gn 7:17

Chawincxo c'u smacchj 'el sat lum tic yuj a', 'ix q'ue wan a 'a cha'an̈, 'ix yi'n chan̈ a te barco cha.

Gn 7:12

Chawinc c'u chawinc 'ac'wl 'ix yac' n̈ab' 'a yib'n̈ lum lum tic.

Gn 6:17

Wal yel 'oj wa' cot jun niwquil owl yaxn̈ab' 'oj 'a'n b'ut'joc 'el sat lum lum tic, ax satl smasnil tas pitzn 'a sat lu'um.

Gn 6:13

Yuj cha, xyaln Dios 'ixtc 'a win Noé: Tox 'ix in na ticnec, to 'oj in satl smasnil eb' 'anma', yuj eb', tzlaj niwtj maysch'olnil 'a yolyib'n̈q'uinl tic.

Gn 6:7

Caw wal tztac in c'ojl yuj eb' 'anma xin b'o tic. Yuj cha, 'oj in satl eb' 'a sat lum lum tic, yet' no cajb'en noc', no calte'al noc', no tzjuc sb'a 'a sat lu'um, yet' pax no ch'ic, xchi.

Salmos 69:28

Suc sat sb'i eb' 'a ch'an̈ libro yic q'uinal. Man̈ a tz'ib'c can 'ejm sb'i eb' chi yet' eb' tojl sb'eyb'al 'a ojltac.

Apoc 3:5

A eb' 'oj 'a'nc ganar ya'n techjoc, 'oj 'ajxc 'och junjn spichl eb' caw sac. Ma'oj in suc sat sb'i eb' 'a ch'an̈ libro yic q'uinl 'a jun 'ejmn̈ej. 'Oj wal yuj eb' 'a sat in Mam, yet' 'a sat eb' yángel, chajtlto wic eb'.

Am 4:7

'Ix wi'n pax 'och wan n̈ab' 'a 'oxe 'ujal yic mantzac 'el-l sat eyawb'en. 'Ix wac' 'ejmc n̈ab' 'a yib'n̈ junc chon̈ab', ax 'a junc xo, ma'ay, 'ay 'aj xyac' n̈ab' cha, 'ay pax 'aj ma'ay, yuj cha, xtacj chan̈ 'awb'en.

Job 28:25

A yic xya'n can 'och Dios yip 'ic', yet' pax yic xya'n can 'ejm yechl 'aj tzc'och smacn a a',

Job 22:16

A eb' cha, seb' chamnc eb' mu'c 'icha tzyac' junc mach tz'ijx 'at yuj a 'elmal a'.

Gn 8:12

Uqueto pax c'u stan̈wj winac, 'ixta to b'i'an, sjacn 'elt win no jun 'ejm xo, palta man̈xtoc xmeltzj no'.

Gn 7:10

Ax 'a yucl c'ual, 'ix 'el yich smacchj 'el sat lum lum tic yuj owl yaxn̈ab' cha.

Gn 8:10

Uqueto c'u 'ix stan̈wj Noé, 'ix ya'n 'elt win no 'uch chi jun 'ejm xo.

Gn 6:3

Yuj cha, xyaln Jehová 'ixtic: Man̈x 'oj in tench wann̈ej eb' 'anma tic 'a smaysch'olnilal, yujto chamlb'a 'anman̈ej eb', cojxn̈ej 120 ab'il tz'ec' 'anma 'a yolyib'n̈q'uinl tic, ax satl eb', xchi.

Gn 2:5

Ata', mant 'a junc te te', mant 'a pax c'ultc tzpaq'ui, yujto mant 'a n̈ab' tz'ejm 'a yib'n̈ lum yuj Jehová Dios. Mant 'a pax mach tzmunlj 'a sat lu'um.

Gn 7:3

'Ij 'och pax uc mojn̈oc junjn c'aj no ch'ic, sec wach' matz satl yin̈tl e no 'a sat lum lum tic.

Gn 8:2

'Ix macchj sjaj a 'ix q'uel 'a yol lu'um, yet' jantcn̈ej a 'ix 'emt secnjoc 'a satcha'an̈, 'ix 'och wan pax ya'n n̈ab'.

Jeremías 28:16

Yuj cha, 'ix yal Jehová 'aych 'ixtic: 'Oj ach wi'l 'a sat lum lum tic. A 'a jun ab'il tic 'oj a chami. Yuj jun tzo'n̈ a paxti 'ix ala, yuj cha, 'ix 'och eb' chon̈b' tic tenmtacl 'ayin, xchi Dios, xin chi 'a 'a.