Gn 6:5 - Chuj San Sebastian Bible

⁵ Ax xyiln Jehová, to yelc'ojlal tzb'o eb' 'anma maysch'olnil 'a sat lum lum tic, caw cojxn 'a maysch'olnil 'aych snab'en eb'.

Chuj San Mateo Bible

⁵ Ix yilan Jehová to yelc'olal sq'uib' schucal eb' anima d'a sat luum tic, to axon̈ej tas malaj svach'il ayec' d'a spensar eb'.

Gn 6:5 Referans Kwoze

Mt 15:19

Yujto a 'a snab'en eb' 'anma tzpitzw jun tzo'n̈ tu nab'enal tic. 'Ay eb' tzmiln cham yit 'anma'il. 'Ay eb' tzb'on 'ajmulal 'a yol sc'ab' yistzil. 'Ay eb' mant 'a yistzil tzb'on 'ajmulal paxi. 'Ay eb' tz'elc'wi, 'ay eb' tzyac' 'es, 'ay pax eb' tzcomn b'uchwji.

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

Jeremías 17:9

Toc 'ay junc tas yel xo tz'ixtw paxti 'icha snab'en eb' 'anma', a jun nab'en cha, may xon tz'aj sb'o'i. ¿Mach wal tztac' yojcan 'eli?

Ec 9:3

'Ay jun tas tu tzb'o 'a scal smasnil tas tzuj 'a yolyib'n̈q'uinl tic: atn yujto junn̈j tas tzon̈ satnec 'eli. Ax tas 'ayc' 'a qui nab'enec qui masnil, atn maysch'olnil yet' man̈ nab'enal; ax yic tzjaw tza'n̈joc qui chamlec 'a quib'an̈, tzon̈ satc can pax 'ejmi.

Ec 7:29

Cojn tas x'ilchj wu'uj, to an̈ 'anman̈ec tic, caw tojl on̈ 'aj qui b'oc yuj Dios, palta ax ticnec, caw wal yelc'ojlal on̈ juwc 'eli.

Gn 8:21

Caw su'q'ui sjab' jun xajmb'al chi xyab' Jehová, yuj cha, snan 'ixtic: Man̈x 'oj in chacl lum lum tic yuj syaloc eb' 'anma tic, yujto yictax 'unn 'anma to eb', cojn maysch'olnil tznib'j eb' sb'o'. Man̈ yujoc cha 'oj to in satl smasnil tas pitzan, 'icha 'ix wutj tic.

Salmos 53:2

A 'a satcha'an̈, ata q'ueln 'emt Dios 'a 'ayn̈ec an̈ 'anman̈ec tic, yic tzyilni toto 'ay junc on̈ 'aych qui nab'en 'a 'a, toto nan to cu'uj.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

Ez 8:9

Xlajw cha, xyaln pax 'ixtc 'ayin: 'Ochan̈, tzel nab'an tas wal syajb'entacl tzyutj sb'a eb' 'anma cha, xchi.

Gn 13:13

A 'a jun chon̈b' cha, caw maysch'olnil sb'eyb'al eb' 'anma', til wal maysch'olnil tzb'o eb' 'a sat Jehová.

Ez 8:12

Yuj cha, xyaln 'ixtc 'ayin: Ach 'anma', ¿tzam el wal tas tzc'ultac b'oj eb' et israelal tic? Junjn eb' 'ichmtac winc cha, wocn 'och eb' yal sb'a 'a 'aj b'achn 'elt sdiosal cha. Am wal snan eb' to matz wil eb', 'actb'ilx can jun nacion̈ tic wuj snan eb', xchi 'ayin.

Dt 29:19

A yic tzlajw eyab'n tas tz'ajcn jun trato tic, jun 'aj tzeya'cn e ti', toq'ue 'ay junc mach 'a e cal tzyal wach'l sb'a, tznan 'ixtic: An tic, wach'xam tzin b'o maysch'olnil 'icha tas tzin nib'ej, palta wach' tz'aj 'el'ch smasnil tas tzin b'o'o, toto xchi. To 'ixta', atn jun chi tzlocn can cot pax 'a eyib'n̈ e masnil.

Job 15:16

An̈ xo an̈ 'anman̈ec tic, caw yajb'entacn̈ec, yel xo wal a maysch'olnil tzqui b'o'ec, lajn wal maysch'olnil chi 'ayn̈ec 'icha swach'l yu'x a a'.

Mt 24:37

'Icha jun tiempoal yic yec' win Noé, 'ixta 'oj 'aj jun tiempoal yic 'oj in jaw an 'Ochnc in 'Anmal tic.

Lc 17:26

Ax yic 'oj in japxi, lajn 'oj 'aj 'icha jun tiempoal yic yec' win Noé.

A Sb'ab'el Carta San Pedro 3:20

A eb' cha, man̈ yiclumoc yutjnac sb'a eb' 'a Dios, yictax yec' eb' 'a pecti', 'a yic 'ayc' Noé. A 'a jun tiempoal cha, niwn yutjnac Dios sc'ojl 'a eb', yic stan̈wni sb'o jun niwquil barco. A 'a te barco cha, 'ay jaywn̈ eb' colchjnac can 'el 'a te'. Wajxcwan̈ wal eb' colchjnac.

Job 22:15

¿Tom tza nib'j tzach 'och tza'n yuj sb'eyb'al eb' pecti 'anma maysch'olnil sb'eyb'al?