Gn 6:3 - Chuj San Sebastian Bible

³ Yuj cha, xyaln Jehová 'ixtic: Man̈x 'oj in tench wann̈ej eb' 'anma tic 'a smaysch'olnilal, yujto chamlb'a 'anman̈ej eb', cojxn̈ej 120 ab'il tz'ec' 'anma 'a yolyib'n̈q'uinl tic, ax satl eb', xchi.

Chuj San Mateo Bible

³ Yuj chi' ix yal Jehová: Man̈xo ol vac' sq'uinal eb' anima tic yuj spital. Chamelb'a anima yaj eb', yuj chi' axon̈ej 120 ab'il olto ec' eb' d'a yolyib'an̈q'uinal tic, xchi.

Gn 6:3 Referans Kwoze

Nehemías 9:30

Caw niwn yab'lil 'ix ac' techjoc yet' eb'. A Espíritu 'ix 'a'n yojcoc 'el eb' a checab', ax eb' 'ix aln pax yab' eb', palta ma'ix chaj eb' yab'i'. Yuj wal cha, 'ix a'n 'och eb' 'a yol sc'ab' jun tzo'n̈ chon̈b' 'ajc'ojl yajch 'a eb'.

Jeremías 11:11

Yuj cha, an Jehová in, an tzwala, to 'oj wa' cot yailal 'a yib'n̈ eb', man̈x 'oj stac' s'at eb' 'elc 'a 'a. Wach'xam 'oj 'el yaw eb', ax sc'ann eb' in colwal, palta man̈x 'oj in ta'w 'a eb'.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

Salmos 78:39

'Ix sna cot Dios, chajtlto chamlb'a 'anman̈ej eb' qui mam quichmec cha, lajn eb' yet' 'ic' tz'atcni, man̈xtzac meltzj paxi.

A Tas Sc'ulejnac Eb' Schecab' Jesús Hechos 7:51

Ax xo tic, caw pit ex. Caw lajn e nab'en yet' eb' man̈ 'ojtnacoc xon jac Dios. Caw matz eya'ch e chicn 'a spaxti'. Ton̈j tzeya'ch e b'a 'ajc'ojlal 'a Yespíritu Dios. Yuj cha, caw lajn ex yet' eb' qui mam quichmec.

Nm 11:17

Ax 'a yic 'oj weml b'i'an, ax in paxtin et'oc, ax wi'n 'el jac espíritu 'aych 'ayach, ax wa'n 'och 'a eb' yichm wincal chon̈b' tic. A eb' 'oj colwjoc et'oc, yic tzyiln eb' jun tzo'n̈ 'anma tic, sec man̈ a ch'ocjoc tzel eb'.

1 Ts 5:19

Man̈ e tench wan Yespíritu Dios 'aych 'ayx junjn ex.

Jn 3:6

A eb' tz'alj 'a snun, 'anman̈ej eb'. Palta ax eb' tz'alj pax yuj Yespíritu Dios, espíritu tz'aj 'el'ch eb'.

Is 5:4

¿'Ayt am jacx tzwutj te 'in b'oni? ¿'Ayt am ma'ix nachj wu'uj, tas wal tz'aj te yawxi? To cob' xin tan̈wj ya'n te sat caw wach', ax x'aji paj te sat tic.

Jeremías 11:7

A yic xwi'n 'elt eb' e mam eyichm 'a Egipto, caw xcham wal waln 'a eb' to tzchaj eb' yab' tas tzwala. 'A yictax jun tiempoal cha, masnto ticnec, an̈j 'ijnoc waln jun cha.

Gn 6:2

Ax yic xyiln 'och ewin yunnal Dios eb' 'ix yisl ewin 'anma cha, to caw wal wach' yilx eb' 'ix, 'ix syamn 'och ewin si'lan yistzil 'a scal eb' 'ix.

Is 57:16

Man̈x 'oj wowx 'och 'a eb' in chon̈b' tic, man̈x 'oj cot wowl 'a eb' 'a smasnil tiempo, toq'ue laj 'oj schab'c'ojloc pax sb'a eb', atn eb' 'anma b'ob'il wu'uj.

Salmos 90:10

'Ayn̈ cojn wal 70 ab'il tzquila, 'ay pax mach caw 'ay sq'uinl jun, tzq'ue'ch 'a 80 ab'il. A eb' najtl tzyila, 'icha to tzb'an̈ sb'a eb' yet' sq'uinl cha, palta caw wal ya xo yec' tiempo yuj eb', yel xo wal tzyixtj sb'a eb'. Yuj cha, 'ay mayn̈ej tz'ec' jab' qui q'uinl an̈ 'anman̈ tic on̈, tzon̈ satx can 'ejm on̈.