Gn 50:5 - Chuj San Sebastian Bible

⁵ yujto a yic wan scham win in mam, 'ix yal 'ayin, to tzwac' in ti', chajtlto ata tzin muc in mam 'a jun yet'l eb' chamnc 'anma b'ob'il can yu'uj. A jun cha, ata 'ay 'a yol yic lum Canaán, yuj cha, tzin tew 'ayex, to tz'at in mucn in mam cha. Cojn tzlajw in mucn cani, tzin paxta, xchi win José.

Chuj San Mateo Bible

⁵ Yujto ayic toxo scham vin̈ in mam, ix yalan vin̈ d'ayin to svac' in ti' yic b'at in muccan vin̈ d'a jun b'aj sb'onaccan d'a yol yic Canaán. Yuj chi' tzin tevi to tzin b'at in muccan vin̈ in mam chi'. Slajvi in mucancani, tzin paxta, xchi vin̈aj José chi'.

Gn 50:5 Referans Kwoze

Is 22:16

¿Tas tza b'o 'a tic? ¿Mach 'ix 'a'n opiso yic tza b'on jun yet'l chamnc 'anma tic 'a lum tzaln tic, tzoln 'och a b'a 'a sat q'uen q'uen 'aj 'oj a can tic a nani?

2 Cr 16:14

'Ix smuc eb' 'a jun yet'l ya'jnac b'o 'a Schon̈b' David. 'Ix ya'n 'ejm eb' sniwnal Asa chi 'a yib'n̈ sb'achte'al, caw 'aych perjuma 'a sb'achtel cha, yet' smasnil c'ajquixtacl tas to su'q'ui sjab', to caw wach' yaj sb'o yuj eb' tzb'oni. 'Ix ya'n 'och eb' jun niwquil c'ac', yic tzch'oxn 'el eb' to niwn yel'ch 'a sat eb'.

Mt 27:60

'Ay jun q'uen q'uen olb'il xo, yic xon José cha, mant 'a junc chamnc 'ac'b'il 'och 'a yojl q'ue'en. Ata xya'cn 'och sniwnal Jesús cha. 'Ix ya'n can 'och jun niwquil q'uen smacloc. Xlajw cha, 'ix paxi.

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Ec 12:5

'Oj e xiw e q'ue 'a junc cha'an̈, 'ay xo smay eyec' 'a yoltc b'e. Ax syamn 'och sacb' xil e jolom, c'ojnc'ojnil xoj e yec' machljoc. Man̈x 'a pax tas 'oj e na 'a eyitb'eyum, yujto wan xo e 'at 'a jun e cajnub' 'a jun 'ejmn̈ej, ax eb' 'anma 'a yoltc caye 'oj laj 'oc' eb yuj e chamlil.

Ec 6:3

Wach'xam 'ay junc winc 'ay junc ciente yunnal, caw niwn pax yab'lil tzyil 'a yolyib'n̈q'uinl tic, palta toto matz yac' pax tzaljoc sc'ojl yet' tas wach', toxn to man̈ wach'c 'oj 'aj smucxi. A tzin na an tic, yel xo wach' yic junc 'e'lti 'unn 'a yib'n̈ jun winc cha.

Salmos 79:3

'Icha sb'ey a a', 'ixta wal xb'ey schic'l eb' 'a yol chon̈b' Jerusalén, may xon mach xmucn eb'.

Job 30:23

Wojc xo to wan in e'n 'at 'a chamel, atn jun lugar 'aj 'oj c'och smasnil 'anma pitznto ticnec.

A Ch'an̈ B'ab'el Libro Samuel 14:43

Yuj cha, xyaln Saúl 'a Jonatán 'ixtic: —Al 'ayin, tas xa b'o'o, xchi. —Wal yel, 'ix in nib'j 'och no yal chab', yuj cha, 'ix in coln 'ejm sn̈i te in c'occh tic 'a scal no', 'ix in le'ni. Al ticnec waji, tztac' in chami, xchi Jonatán cha.

Dt 4:22

Wach'xam a 'a jun lugar tic 'oj in chamcni, man̈x 'oj in c'axw 'ec' 'a a Jordán cha. Palta ax xo tic, yowlal 'oj e c'axw 'ec' 'a a', 'oj 'at e caj lum lum man̈x jantcoc swach'l cha.

Gn 50:24

'Ay jun c'u, 'ix yal José 'ixtc 'a eb' yu'tac: Jab'xoj wal tiempo ax in chami, palta a Dios 'oj jawc colwjoc eyet'oc. A 'oj eyi'n 'el 'a jun chon̈b' tic, ax ex yi'n 'at 'a lum lum 'ix yaltj can 'a Abraham, 'a Isaac, yet' 'a Jacob, xchi José cha.

Gn 48:21

Xlajw cha, xyaln pax 'a José 'ixtic: —Ach wunnal, an tic jab'xoj wal 'oj in chami; palta a Dios 'aychn̈ej cab' eyet'oc, a 'oj eyi'n meltzjoc pax 'a slum eb' qui mam quichmec.

Gn 3:19

'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

Gn 50:4

Yic xlajw 70 c'u cha, 'ixta b'i'an, x'at José paxtinc yet' ewin 'ay yopiso 'a sdespacho win rey faraón, xyaln 'a ewin 'ixtic: —Toto wach'n 'a e sat, 'o'ch cab' e c'ojl 'ayin, tzex 'at paxtinc 'a win rey wu'uj,

Gn 50:6

Xyaln win rey 'a 'ixtic: —'Ixc 'at muc sniwnal a mam cha, 'icha wal xyutj yaln can 'ayach, xchi winac.