Gn 50:20 - Chuj San Sebastian Bible

²⁰ Ax tic, xe na e b'on jun tu nab'enal 'a in patic, palta ax Dios, xjeln jun tu nab'enal chi 'a wach'il, sec niwn 'anma tzcolchji, 'icha jun wan quilnec tic.

Chuj San Mateo Bible

²⁰ A ex val tic, te chuc e pensar, ix e c'ulan juntzan̈ chuc pensaril chi' d'ayin, palta a Dios ix q'uexan jun e chuc pensaril chi' d'a vach'il, yic tzijtum eb' anima scolchajeli, ichaton van quilan tic.

Gn 50:20 Referans Kwoze

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

Salmos 119:71

'Ay swach'il yic in 'och 'a in yailal, yujto ata xin cuy a checnb'il.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.

A Tas Sc'ulejnac Eb' Schecab' Jesús Hechos 3:26

A yic xya'n Dios pitzwc pax Yunnal, a 'ayn̈ec 'ix sb'ab'l checj coti, sec tzon̈ colchjec, tzcactnec can qui maysch'olnil junjn on̈ec, xchi Pedro 'a eb' yit israelal cha.

Gn 37:4

Ax yic tzyiln eb' 'u'tacab'il cha, to caw yel xo wal chamc'ojlb'il win yuj smam, yuj cha, caw xchichn 'och ewin 'a 'a. Man̈xtzac snib'j xon ewin sc'umc 'a tzaljc'ojlal.

Salmos 56:5

Smasnil tiempo tzyal eb' ya paxti 'ayin, tznib'n eb' tzin juw 'eli, an̈j chi nan yuj eb'.

Is 10:7

Palta man̈oc wal chi nab'il yuj win sreyl Asiria cha, man̈oc chi tzsayq'ui. A tas nab'il yu'uj, to niwn nacion̈ tzsatli.

Salmos 76:10

A yowl sc'ojl eb' 'anma', 'oj 'a'nc niwtjoc a b'inab'il, ax jaywn̈ocx eb' ma'oj cham 'a owal, 'icha to 'oj 'och eb' elwnub'loc.

Gn 37:26

Yuj cha, xyaln win Judá 'a eb' yu'tac 'ixtic: —¿Tas tzca'c ganar tzqui c'ultac milnec jun cu'taquec tic?

Gn 37:27

Wach' to tzqui chon̈c 'el 'a eb' ismaelita tzjaw cha; man̈ qui milc chamoc, yujto cu'taquec qui b'a yet'oc, xchi Judá. Xchan sc'ojl smasnil eb' yu'tac 'a tas xyal cha.

Gn 50:19

Palta 'ix yaln win José 'a eb' 'ixtic: —Man̈ ex xiwoc. An tic matz tac' wa'n 'och in b'a sjelc Dios.