Gn 49:27 - Chuj San Sebastian Bible

²⁷ Ach xo ach tic Benjamín, lajn ach 'icha wal junc no 'ocs caw ow, a 'a yic caw sq'uin̈b'il to, tzchin 'ejm yit noc'al; ax 'a yic sq'uic'b'alil xo, tzpojn can 'ec' tas matz lajw yu'uj, xchi win Jacob 'a eb' yunnal cha.

Chuj San Mateo Bible

²⁷ A achxo tic ach Benjamín, lajan ach val icha junoc noc' oques te ov. Ayic van sacb'i q'uinal schianb'at schib'ej noc' smila', ayic q'uic'b'alilxo spucanb'at tas tz'ilchaj yuuj, xchi vin̈aj Israel chi'.

Gn 49:27 Referans Kwoze

Ez 22:27

A eb' yajl cha, lajn eb' 'icha no 'ocs tzyam schib'ej, 'anma tzlaj smil eb', tzyi'n 'ec' eb' tas 'ay 'a eb' 'anma cha.

Jueces 20:25

An̈jtona', a 'a scha'ejmal cha, 'ix 'el paxt eb' yic Benjamín yac' owl yet' eb', smiln cham eb' junx wajxclajn̈e mil eb' soldado israel.

Jueces 20:21

Ax eb' yic Benjamín, 'ix 'elt eb' 'a yol chon̈b' cha. 'A 'a jun c'u cha, 22 mil eb' yit israelal eb' chi smilcn chamoc.

Gn 35:18

Palta yic wan xo xcham 'ix, jab'xoj tz'el-l yalni, xya'n 'ix sb'ic can jun 'unn chi Benoni; palta ax win Jacob, Benjamín xyac' win sb'ioc.

A Scarta San Pablo D'a Eb' Aj Filipos 3:5

Yucb'ixial xo walji, wajx circuncidar, yujto israel in. Yin̈tl in can Benjamín. Hebreo in, yujto hebreo pax in mam in nun. Caw yiclum in 'a smasnil ley yic Moisés, yujto fariseo in paxi.

A Tas Sc'ulejnac Eb' Schecab' Jesús Hechos 20:29

Yujto wojtac, a yic tox 'oj wel 'a e cal, 'ay jun tzo'n̈ eb' 'oj jawc 'ayex, ax ya'lni eb' ex sjun 'eli, 'icha tzyac' no 'ocs tz'ec' satnc 'el no calnelu.

A Tas Sc'ulejnac Eb' Schecab' Jesús Hechos 9:1

Ax win Saulo, caw matz yactj win yalni, to 'oj smil cham win eb' tzya'ch sc'ojl 'a Cajlil. 'Ix c'och win 'a win sat ya'mal 'och sti eb' israel 'a Dios.

A Tas Sc'ulejnac Eb' Schecab' Jesús Hechos 8:3

Ax win Saulo, caw xyac' win stul 'a eb' creyente. Tzann̈j 'aj 'ay eb', x'och win 'a yol yatut eb'. 'Ix laj yi'nc 'elt win eb' winac, yet' pax eb' 'ix 'ix, x'at ya'nc 'och win eb' 'a preso.

Mt 10:16

'Ab'ec, 'oj ex in checb't 'icha jun tzo'n̈ calnelu tz'at 'a scal no 'oques, 'ixta 'oj eyaji. Yuj cha, caw lista tzeyutj e b'a 'icha junc chan caw jelan, palta caw manso tzeyutj pax e b'a 'icha junc no parama.

Mt 7:15

'Ay eb' tzcob' yalch sb'a schecb'oc Dios, caw tzeyil wal e b'a 'a eb', yujto a yic 'oj c'och eb' 'ayex, caw manso 'oj cob' yutc sb'a eb' 'icha junc calnelu. Palta ax snab'en eb', caw tu', 'icha junc 'ocs caw ow.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Ez 22:25

A eb' 'aych yajlil 'a scal eb' 'anma cha, lajn wal eb' 'icha no león tz'el yaw sayn 'ec' schib'ej. A eb' cha, 'anma tzlaj smil eb', tzlaj yi'nc 'ec' eb' tas 'ay 'a eb' 'anma', til wal eb' 'ix 'ix tzcham yichmil yuj eb'.

Jeremías 5:6

Yuj ton wal cha, 'oj 'eltoc no león 'a scal niwc te', ax smiln cham no eb'. Ax no 'ocs 'a lum cusltac lu'um, a no 'oj ch'iychtanc eb'. 'Oj c'och no leopardo 'a sti schon̈b' eb'. Toto 'ay eb' 'oj 'eltoc, caw choc' 'oj yutc no sch'iychtan can 'at eb', yujto caw niwn smul eb' x'ochi. Caw niwn 'ejm xyactj can eb' Dios, xin chi 'a in nab'en.

Dt 33:12

'Ix yaln 'ixtc 'a yib'n̈ eb' yin̈tl Benjamín: Caw wal nib'b'il eb' yin̈tl Benjamín yuj Jehová, caw tzaljc'ojlal yaj eb', a Dios caw niwn yel'chi, a tzcolwj yet' eb'. ¡A 'aych stan̈malc eb'! xchi.

Nm 23:24

A jun chon̈b' tic, caw wal tzyij chan̈ sb'a 'icha junc no león caw 'ay smay, matz 'ilj xon jab'oc, masnto tzyil yi'n schib'j cha, tzle'n 'ejm can schic'l tas tzmil cha, xchi Balaam.

Gn 49:26

A smasnil jun tzo'n̈ wach' paxti tzwalcn 'el 'a eb'n̈ tic, an a mamn tic, yel xo niwn yel'ch tas tzwalcn 'ayach, 'a yib'n̈ wach' paxti yaljnac in mam 'a wib'an̈. A smasnil jun tzo'n̈ tic tzwalcn 'el 'a eb'n̈ José, yel xo niwn yel'ch 'a yib'n̈ smasnil tas tzyac' lum jolmctac witz, eb' lum 'ayc' xon 'a yic pecti', caw sic'b'ilch 'el 'a scal eb' o'tac tic.

Gn 49:28

Atn wal yab'xil eb' lajchwan̈ yunnal win Israel tic. A smasnil jun tzo'n̈ paxti tic, xyalcn win 'a yic xyaln can wach' paxti 'a yib'n̈ junjn eb' yunnal, yuj tas 'oj 'ec' 'a yib'n̈ junjn eb'.

Nm 1:36

'A eb' yin̈tl Benjamín 'ay 35,400.

Nm 34:21

'A eb' yin̈tl Benjamín, tzcot Elidad win yunnal Quislón.