Gn 49:24 - Chuj San Sebastian Bible

²⁴ Palta ach tic, caw wal 'ay ep, te'nn̈ej yaj a jul-lab' yuj yip in Diosal an Jacob in tic, atn Wilmal, in Tan̈mal an Israel in tic.

Chuj San Mateo Bible

²⁴ A ach tic, te ay val yip a c'ab', te vach' yaj a jul-lab' yuj val yip in Diosal Syaln̈ej yuuj, aton Vilumal yed' in Columal a in Israel in tic,

Gn 49:24 Referans Kwoze

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

Salmos 132:5

ya' sb'a mantzac in b'o scajnub' Jehová 'aj tz'aj cajan, atn jun mach tz'a'n yipl eb' yin̈tl Jacob, xchi.

Salmos 80:1

Ach quilmal an̈ israel on̈ tic, ach 'aych 'och yilmalc eb' yin̈tl José, eb' 'icha a calnelu yaji, 'aych 'ec' 'a a despacho 'a snan̈l eb' querubín, 'ab' wal tas tzwala.

Salmos 18:30

Caw wal wach'n̈j a b'eyb'al Mamin Jehová qui Diosal on̈. A tas alb'il can o'oj, smoj wal ca'n 'och yipc qui c'ojl on̈, tza colcn 'el smasnil eb' to 'aych 'och yipc sc'ojol.

Job 29:20

A 'in b'inab'ilal, 'oj alb'tan̈xn̈ej, may b'a'n̈ 'oj 'och wan yalxi, xin chi.

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.

Ef 2:20

'Icha junc n̈a 'ix b'o'i, 'ixta 'ex. An̈ schecb' on̈ Jesús tic on̈, yet' jun tzo'n̈ xo eb' schecb' Dios, 'icha to an̈ ca'jnac 'ejm yich on̈. Ax xo, 'icha to ax tusb'ilx q'ue 'a yib'an̈. Ax Jesucristo, 'icha junc q'uen q'uen yipnub' yich n̈a yaji, 'ixta yaj 'ayn̈ec.

Is 1:24

Yuj cha, an Jehová in tztac' wuj smasnil, Syajlil in chon̈b' Israel, an tzwal 'ixtic: Ax xo 'ajc'ojl eyajch 'ayin. Wal in b'on yaj in b'a eyet' tic, 'oj in pac in b'a 'ayex.

Salmos 118:22

A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso.

Dt 32:4

'Icha junc q'uen niwquil q'uen 'aych quen̈loc, 'ixta yaj Jehová 'ayn̈ec; tz'el'chn̈ej tas tzyala, caw tojln̈ej tas tzb'o'o. A Dios wach'n̈j tzyutj paxtinc sb'a, matz yac' 'es; tojln̈ej 'a smasnil.

Gn 45:5

Palta man̈ tac e c'ojol, man̈ cot cab' pax eyowl 'ayx junjn ex, yujto chon̈b'iln cot eyuj 'a tic, yujto 'ixta snab'en Dios 'a wib'an̈, yuj cha, in b'ab'l cotcn eyu'uj, sec til wal eb' 'anma 'oj colchjoc 'el wu'uj.

A Scarta San Pablo D'a Eb' Aj Colosas 1:11

Tzon̈ leslwi pax eyuj on̈, sec a tz'a'n e te'nal yet' spoder, yujto a spoder cha, caw niwn yel'chi. To 'ixta', 'oj techjoc smasnil tas eyu'uj. Caw te'n 'oj eyutcn̈ej e b'a, 'oj e tzaljn̈ej paxi.

Ro 14:4

Q'uinloc 'ay junc mach tzmunlj 'a junc spatron̈. ¿Tom 'ay calnec quic qui b'eyc'ojlan jun cha? Cojxn jun spatron̈ chi 'ay yaln yic yalni, toto wach' 'a sat, mto ma'ay. An̈jtona', 'ixta on̈c 'a Cajlil. Palta wach' 'oj cajc 'a sat, yujto 'ay spoder yoch quet'ec, sec caw wach' tzcutjec qui b'a.

A Tas Sc'ulejnac Eb' Schecab' Jesús Hechos 4:11

Ax tic, 'icha junc b'om n̈a, 'ixta 'ex. Ax Jesús, lajn 'icha junc q'uen patcab'il can 'el eyu'uj. Palta a xwach' 'ajx 'och yopiso.

Lc 20:17

Palta x'och q'ueln Jesús 'a eb', 'ix yaln 'ixtic: —¿Tas tzyal 'el'ch jun tzo'n̈ tz'ib'b'il can 'a Ch'an̈ Un̈ tze na'a, 'a 'aj tzyal 'ixtic? A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso, xchi 'a Ch'an̈.

Mr 12:10

¿Tom mant 'a 'aj xeyil 'a Ch'an̈ U'un̈, 'aj tzyal 'ixtic? A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso.

Mt 21:42

Yuj cha, xyaln pax Jesús 'ixtc 'a ewinac: —¿Tom mant 'a 'aj xeyil 'a Ch'an̈ U'un̈, 'a 'aj tzyal 'ixtic? A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso. 'Ixta 'ix yutj Cajlilec. Caw tzsatc qui c'ojl quilni, xchi 'a Ch'an̈.

Zacarías 10:12

An 'oj wac' ste'nal eb' in chon̈ab'. Wu'uj, ax sta'n yuj eb'. An Jehová in, an tzwal jun tzo'n̈ paxti tic, xchi Dios.

Zacarías 3:9

An tzwa'ch 'a yojltac Josué, jun q'uen q'uen to uque spac'b'il. An Jehová in, tztac' wuj smasnil, an 'oj in tz'ib'c 'och jun tzo'n̈ paxti tic 'a 'a. Junn̈j c'u 'oj wi'l smul eb' cajn 'a jun nacion̈ tic.

Is 60:16

Ax eb' nacion̈ cha, 'oj yac' eb' tas wach' 'oj e c'uxu'. 'Oj ex yac' servil eb' rey yet' tas wach' 'ay 'a 'a, 'icha tzyutj junc 'ix nunb'il ya'n chuw yune'. 'Ixta 'oj ex yutc eb' rey chi ex ya'n servil, ax eyojcan 'eli, to an Jehová in, e Diosal in to tztac' wuj smasnil, e Colmal pax waji.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 29:24

A eb' matz nachj 'el yu'uj, 'oj cuychjoc 'el jelnal yuj eb', ax eb' b'uchwjum, 'oj scha eb' yab' in cuynb'il, xchi Dios.

Salmos 89:1

Mamin Jehová, 'oj wal 'a scal in b'it chajtlto caw wach' a nab'en. A yic 'oj ach in b'itnoc 'a junjn 'ejem, 'oj wala', to yeln̈j tas tzala.

Salmos 44:7

Ach on̈ a col 'a yol sc'ab' eb' 'ajc'ojl yajch 'ayn̈ on̈, 'ix ac' pax q'uixwc 'el eb' tzchichn 'och 'ayn̈ on̈.

Salmos 28:8

Ach 'aych 'och yipc sc'ojl eb' a chon̈ab', tzach colwj pax 'ayin, to sreyl in eb', to sic'b'iln 'el o'oj.

Salmos 27:14

Ex wit 'anma'il, 'a'c pax 'och Jehová yipc e c'ojol. Te'n tzeyutj e b'a, man̈ e chab'c'ojloc e b'a. Cojxn̈ej wal Jehová tzeya'ch yipc e c'ojol.

Salmos 23:1

Mamin Jehová Wilmal aji. 'Icha junc 'ilm calnelu 'ixta aj 'ayin, yuj cha, may tas tzyac' palta 'ayin.

Salmos 18:1

Mamin Jehová caw wal tzach in chamc'ojlej, ach 'aych 'och wipoc.

Nehemías 6:9

A eb' cha, tzyal eb' 'ixta', yuj on̈ xib'tn chan̈ eb', snan am eb' to 'oj cac' chab'c'ojlal, sec man̈xtzac lajw sb'o jun munljel tic; palta to xwach' 'och in te'nal.

Dt 34:9

Ax Josué yunnal win Nun, 'ix schaj can sjelnal 'a Moisés, yujto ya'jnac can Moisés chi yopiso 'a 'a, ax eb' yit israelal, yiclum xyutj sb'a eb' 'a Josué, 'icha yutjnac Jehová yaln can 'a Moisés yic 'ayt 'ec' yet' eb' yit chon̈b' cha.

Ex 3:6

An tic, sDiosal in eb' a mam echam, atn Abraham, Isaac yet' Jacob, xchi Dios. A yic xyab'n Moisés yalx jun tzo'n̈ paxti cha, 'ix smacn 'och sc'ab' 'a sat, yujto caw xiw yiln Jehová.

Gn 50:21

Yuj cha, man̈ ex xiw yuj jun cha; an 'oj wac' tas 'oj e c'ux yet' eyunnal, xchi José 'a eb' yu'tac cha. 'Ixta xyutj José ya'n sniwnal sc'ojl eb', yujto caw wach' xyutj paxtinc sb'a 'a eb' yet' schamc'ojlal.

Gn 47:12

'Aychn̈ej José ya'n tas tzc'ux eb', a tzyal jantc sb'isl junjn eb' yet' yunnal.

Gn 45:11

A 'a tic 'oj wac' smasnil tas tza c'ux yet' smasnil eb' onnal, yet' smasnil mach 'ayc' et'oc, yujto o'eto ab'il 'oj yac' jun wejl tic, xchi na, xe chi 'a 'a.

Gn 45:7

A Dios a 'in checn b'ab'ljoc eyu'uj, sec wach' matz satl quin̈tlec 'a sat lum lum tic, sec tzex in col 'a jun niwquil wejl tic.

Gn 48:15

Xyaln can win wach' paxti 'a yib'n̈ José 'ixtic: A Dios 'aj syicljnac in mam 'ichm Abraham, yet' in mam Isaac, a tzin tan̈wni yictax in 'alji yet' yic in b'ey cot 'a wojltac.

Gn 49:23

Caw wal 'ajc'ojl tzyutj 'och sb'a eb' 'anma 'ayach, tzjulwj eb' yet' sjul-lab' 'ayach, caw tz'och tecn eb' ach stzuntzni, sec tzach smil cham eb'.

Dt 33:27

A qui Diosalec 'ayc' 'a jun 'ejmn̈ej, a 'aych qui tan̈maloc. A spoder caw may b'a'n̈ 'ay slajub', a 'aych quet'ec. A 'oj pechnc 'el eb' 'ajc'ojl yajch 'ayn̈ec, a tzalni tzsatx 'el eb' 'ajc'ojl cha.

A Ch'an̈ Schab'l Libro Samuel 5:2

Wach'xam a Saúl 'ochnc qui reyloc, palta ach wal a'jnac ep on̈ a jucb'tzan 'a yic on̈ 'e'c 'a owal; a pax Jehová aljnac 'ayach, chajtlto ach 'oj on̈ e'c b'eyoc, ax a'n pax yajlil 'a quib'n̈ an̈ israel on̈ tic, xchi eb'.

Salmos 73:23

Palta an tic, 'aynn̈ej 'ec' et'oc, quetzb'iln oj yet' a wach' c'ab'.

Salmos 132:1

Mamin Jehová, ach 'aych 'och quipc an̈ yin̈tl on̈ Jacob tic, na cot David yet' smasnil syailal, na cot wal sti ya'jnac 'ayach yic yaln 'ixtic:

Is 49:26

A eb' tzach 'ixtn cha, an 'oj wac' schilac sb'a eb', ax yu'lan eb' schiq'uil. 'Oj q'ue 'a sjolm eb' 'icha te 'an̈. 'Ixta to b'i'an, ax yojcan 'el smasnil 'anma', to an ton Jehová a colmal waji. An tzach wa'l 'a libre, sDiosal in Jacob, tztac' wuj smasnil, xchi Dios.

Josué 17:18

A wal lum jolmctac witz, lum caw 'ay stel sat cha, a 'oj eyico'oc, 'oj eyac' e nab'en e c'ann te te 'ay 'a sat lum cha, yujto ax 'oj eyico'oc lum smasnil. A eb' cananeo cajn 'a sat lu'um, 'oj e pechl eb' ta', wach'xam caw jeln eb', wach'xam 'ay pax sq'uen caruaje eb', xchi Josué 'a eb'.

Jueces 1:22

'Ixta pax eb' yin̈tl José, 'ix 'at eb' yac' owl 'a Bet-el, atn jun chon̈b' chi Luz sb'i 'a yic pecti'. A yic mantzac 'och owl cha, xya'n 'at eb' yilmal jun lum cha yic tz'at smaclnoc eb' yila'. A Jehová a xcolwj yet' eb'.

A Ch'an̈ Schab'il Libro Yic Yab'ixal Eb' Rey 13:16

Xlajw cha, 'ix yaln Eliseo mu'c 'a Joás 'ixtic: —Jac te ventnu 'ay 'a stojlal 'aj tzq'uel c'u 'a stojlal Siria, xchi. Xlajw sjacn win rey chi jun ventnu cha, xyaln Eliseo 'ixtic: B'o a jul-lab' yic tzach julwj yet'oc, xchi. Ya' sb'a wanto sb'on win rey sjul-lab' cha, 'ix ya'n 'at Eliseo sc'ab' 'a yib'n̈ sc'ab' winac, 'ix yaln Eliseo 'ixtic: —Julwjan̈ ticnec, xchi. 'Ix julwj win rey, 'ix 'el yaw Eliseo, 'ix yaln 'ixtic: —A jul-lab' yic Jehová, a tzch'oxn 'eli, to 'oj 'ajxoc ganar eb' sirio 'a Afec, ach 'oj a satl eb' smasnil, xchi Eliseo.