Gn 48:15 - Chuj San Sebastian Bible

¹⁵ Xyaln can win wach' paxti 'a yib'n̈ José 'ixtic: A Dios 'aj syicljnac in mam 'ichm Abraham, yet' in mam Isaac, a tzin tan̈wni yictax in 'alji yet' yic in b'ey cot 'a wojltac.

Chuj San Mateo Bible

¹⁵ Ix yalan vach' lolonel vin̈ d'a yib'an̈ vin̈aj José chi', icha tic: A Dios aton jun ix c'anab'ajaj yuj vin̈ in mam icham aj Abraham yed' vin̈ in mam aj Isaac, a' tzin tan̈vani yictax ix in alji yed' pax ix in b'eyn̈ejcoti.

Gn 48:15 Referans Kwoze

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

A Scarta San Pablo D'a Eb' Aj Colosas 2:6

Yuj cha, 'icha xeyutj e chan Cajlil Jesucristo, 'ixta tzeyutj e b'eyb'al 'a yol sc'ab' ticnec.

A Ch'an̈ Carta D'a Eb' Hebreo 11:21

A Jacob, caw ya'jnac 'och Dios 'a sc'ojol. Yuj cha, a yic wan schami, yaln cani tas jun tzo'n̈ yaxilal 'oj scha junjn eb' yunnal José. Yic yaln sb'a 'a Dios, yem n̈ojn 'a sjolm sc'ococh.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

1 Co 10:31

Palta tzwal't 'ayex, wach'xam tzon̈ wa'ec, mto tzcu'jec junc tas, tzann̈j cab' junc xo tas tzqui b'o'ec, yowlal caw wach' tzcutjec qui nab'en, sec wach' 'oj checljoc 'el swach'l Dios.

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

Jeremías 8:2

Ax scancn tzicn jun tzo'n̈ sb'acl eb' cha. 'Oj 'ec' yoc c'u 'a yib'an̈, yoc 'uj yet' yoc c'anal. A yic pitznto eb', caw schamc'ojlej eb' jun tzo'n̈ cha. Yaljnac sb'a eb' 'a jun tzo'n̈ cha, ya'jnac eb' 'emmquilal 'a 'a. Yuj cha, man̈x 'a mach 'oj si'noc sb'acl eb' cha, man̈x 'a mach 'oj mucnoc. 'Oj cancn tzicn 'a yib'n̈q'uinl 'icha tzyac' stza no noc'.

Is 33:16

A eb' cha, 'oj 'aj cajn eb' 'a junc chon̈b' q'uenn̈ej smuroal, ata 'oj scol sb'a eb', 'ayn̈j tas tzc'ux eb', 'ayn̈j pax tas tzyu'j eb'.

Is 30:21

Toto 'oj eyel 'a e b'e, ax e 'atcn 'a stojlal e wach' c'ab' mto 'a e surito, 'oj eyab' yalx jun paxti 'a e patc 'ixtic; man̈ ex 'at ta', yaj b'e 'a tic, a 'a tic tzex 'ati, 'oj xchioc.

Ec 6:7

A smasnil qui munljelec tzqui b'o'o, cojn yuj yoch yopiso 'a qui niwnal, tzqui b'onec, palta may b'a'n̈ tz'och wan qui nib'nec tas tzqui nib'ej.

Ec 5:18

Toto 'ixta', ¿tas wach' tzcutjec qui b'a 'a yolyib'n̈q'uinl tic? A tzin na an tic, ya' sb'a 'ay jaye'oc c'u qui q'uinlec yuj Dios, smoj tzon̈ tzaljec qui wa'i, tzcu'nec tas tzcuq'uej, atn tas tzquijec 'a qui munljel, yujto a chi tzwul yac' qui b'oc 'a yolyib'n̈q'uinl tic.

Ec 5:12

Toto munljum on̈ec, toxn̈ej niwn tas tzqui c'uxec, mto ma'ay, palta tzon̈ wayc 'a tzaljc'ojlal. Ax toto rico on̈ec, matz on̈ way qui nan yuj tas 'ay 'ayn̈ec.

Salmos 37:3

Ca'c 'och Jehová yipc qui c'ojol. Qui b'oc tas wach', toto 'ixta', 'oj qui canc cajn 'a sat lum lum tic; 'oj 'ajxocn̈ej tas tzqui c'ux 'a junc'ojlal.

Salmos 23:1

Mamin Jehová Wilmal aji. 'Icha junc 'ilm calnelu 'ixta aj 'ayin, yuj cha, may tas tzyac' palta 'ayin.

Salmos 16:8

Smasnil tiempo caw nab'ilchn̈ej wu'uj. 'Aych 'ec'n̈ej 'a in wach' c'ab', yuj cha matz somchj 'el in nab'en.

A Ch'an̈ B'ab'el Libro Yic Yab'ixal Eb' Rey 3:6

'Ix ta'w Salomón 'ixtic: Ach tic Mamin, caw 'ay a chamc'ojlal 'a a checb' David, atn in mam, yujto yiclumn̈ej 'ix yutj sb'a 'ayach. Caw tojl 'ix yutj sb'a 'aych 'a smasnil sc'ojol, yuj cha, 'ix 'el 'a a c'ojol to an 'unnab'iln tic, in 'em wocn 'a sdespacho, 'icha ton wan yuj ticnec.

Dt 33:1

A yic jab'xoj sc'och stiempoal scham Moisés win schecb' Dios, 'ix syamn 'och yaln can wach' paxti 'a yib'n̈ eb' yit israelal.

Gn 49:28

Atn wal yab'xil eb' lajchwan̈ yunnal win Israel tic. A smasnil jun tzo'n̈ paxti tic, xyalcn win 'a yic xyaln can wach' paxti 'a yib'n̈ junjn eb' yunnal, yuj tas 'oj 'ec' 'a yib'n̈ junjn eb'.

Gn 49:24

Palta ach tic, caw wal 'ay ep, te'nn̈ej yaj a jul-lab' yuj yip in Diosal an Jacob in tic, atn Wilmal, in Tan̈mal an Israel in tic.

Gn 48:16

A jun ángel in coln 'a tas 'ay smay, yal cab' wach' paxti 'a yib'n̈ ewin quelm 'unn tic. To yujn̈ej ewinac, ax sb'inax cot in b'i b'aq'uin̈, yet' sb'i in mam 'ichm Abraham, yet' pax sb'i in mam Isaac. Niwn cab' 'oj 'aj sb'isl yunnal eb'. 'Oj yac' eb' niwtjoc 'anma 'a sat lum lu'um, xchi winac.

Gn 28:22

A 'aj 'ix in lin̈cn chan̈ jun q'uen q'uen tic, 'icha to yatut Dios tz'ajcni. A smasnil tas 'oj yac' 'ayin, 'oj wi'l junjn 'a junjn lajn̈e', ax wa'n 'a 'a, xchi.

Gn 28:20

Atn 'a jun lugar chi 'aj 'ix ya'cn Jacob sti', 'ix yaln can 'ixtic: Toto tz'och Dios wet'oc, tzin stan̈wni 'a 'aj tzin 'at tic, tzya'n tas 'oj in c'uxu', tzya'n pax in pichul,

Gn 28:3

Ax Dios tztac' yuj smasnil, a 'oj yac' syaxilal 'a eb'an̈, til wal 'oj 'aj 'el'ch sb'isl en̈til. A 'a scal eb', ata niwn nacion̈ 'oj 'eltoc.

Gn 27:4

Tza b'on junc schib'l woch tan tz'aji, wach' tz'aj 'icha wal tzin nib'ej. A yic tzb'o 'el'ch o'oj, tze'n cot 'ayin, ax in wa yet'oc. Ya' sb'a tzin wa cha, ax waln can in wach' paxti 'a eb'an̈, yic mantzac in chami, xchi.

Gn 24:20

Wal 'a yajn̈ej, 'ix secn 'ejm 'ix a 'a yol te jucub', 'a 'aj tzyu'j xon no noc' ya'al, niwn 'ejm xyac' 'ix yi'n q'uet a', masnto xyu'j e no a smasnil.

Gn 6:9

Atn yab'xil win Noé tic: A Noé, caw wal wach' xyutj sb'a 'a sat Dios, cojxn win wach' snab'en 'a scal eb' 'anma 'a yic jun tiempoal cha, 'ix sb'eylb'ej 'icha tznib'j Dios.

1 Ts 2:12

Caln pax 'ayx on̈, to caw wach' tzeyutj e b'eyb'al, 'icha tznib'j Dios. A on̈ 'awtnec 'och 'a yol sc'ab', sec 'oj tz'acwc qui wach'lec 'icha swach'il.

Ex 3:16

'Ixic, 'at yamb'tzej eb' yichm wincal chon̈b' Israel, tzaln 'a eb' 'ixtic: A Jehová qui Diosalec yet' eb' qui mam quicham, atn Abraham, Isaac yet' Jacob, a 'ix sch'ox sb'a 'ayin, 'ix yaln 'ixtic: Wal yel tzwil tas tz'aj eyixtx 'a Egipto.

Ex 4:5

Xyaln pax Jehová chi 'ixtic: —Yuj tas 'ix el tic, yuj cha, ax ya'n 'och eb' et chon̈b' chi 'a sc'ojol, chajtlto 'ix in ch'ox in b'a 'ayach, an ton tic sDiosal in eb' a mam echam, atn Abraham, Isaac yet' Jacob.

1 Cr 5:1

A Rubén, atn win sb'ab'l 'unnal Israel, ax eb' yunnal: atn Hanoc, Falú, Hezrón yet' Carmi. Palta a Rubén ma'ix yij smacl yic sb'ab'l 'unnab'ilal, yujn̈ej to syam cot win yistzil smam. A jun smacl yic sb'ab'l 'unnab'ilal cha, ata x'ajx can 'a eb' yunnal José, atn junx win yunnal pax Israel cha. A yic xb'ey tiempo, a Judá caw niwn yel'ch 'ix 'aj 'a yib'n̈ eb' yu'tac, yujto a 'a x'elt jun yajal, palta ax jun macl yic b'ab'l 'unnab'ilal cha, a 'a José, ata 'aycni.

Gn 24:40

'Ix ta'w win 'ayn 'ixtic: An tic, tzin yicljn̈ej tas tzyal Jehová. A 'oj checnc 'at yángel et'oc, sec wach' 'oj 'aj yel'ch jun a checnb'il cha, yic tze'n cot junc yistzil ni wunnal tic 'a scal eb' 'ix 'ix 'ayt wuj in b'a yet'oc.

Gn 27:27

'Ix snitzn 'ochch sb'a Jacob chi 'a stz'ey smam cha, yic tz'ub'n 'elt sti cha, ax Isaac su'lni spichl win yunnal cha. Xlajw cha, xyaln can jun tzo'n̈ swach' paxti tic 'a yib'n̈ win 'ixtic: N', atn wal sjab' ni wunnal tic. Lajn wal sjab' ni 'icha te snich te', te 'ay 'a scaltcte to 'ac'b'il yaxilal 'a yib'n̈ yuj Jehová.

Gn 35:3

Coyc mu'c 'a Bet-el, ata 'oj in b'o junc yet'l xajmb'al yuj yi'mb'ilc chan̈ sb'i Dios, atn jun colwjnac wet'oc yic 'ayn 'och wal 'a somc'ojlal, xcolwj pax wet' 'aj in laj 'eq'ui, xchi winac.

Gn 49:22

Ach xo ach tic José, lajn ach wal 'icha junc te te tzq'uib' 'a sti junc a', caw niwn sat tzyac'a, tzlaj 'el'ch sc'ab' 'a yib'n̈ muro.