Gn 46:6 - Chuj San Sebastian Bible

⁶ X'at Jacob yet' smasnil eb' yin̈tl 'a Egipto yet' smasnil tas 'ay 'a 'a; xyi'n 'at eb' scalnelu, swacax, yet' smasnil tastc 'ay 'a eb' 'a Canaán cha.

Chuj San Mateo Bible

⁶ Ix cot eb' vin̈ d'a Egipto, ix yic'ancot noc' scalnel eb' vin̈ yed' noc' svacax yed' masanil tastac ix yic' eb' vin̈ d'a Canaán chi'.

Gn 46:6 Referans Kwoze

A Tas Sc'ulejnac Eb' Schecab' Jesús Hechos 7:15

'Ixta 'ajnc Jacob chi sc'och 'a Egipto cha. Ata chamnac. Junjnal chamnc pax eb' qui mam quichmec ta'.

Is 52:4

A eb' in chon̈b' 'a pecti cha, 'e'lb'a 'anma yaj eb' 'a Egipto. Ax 'a spatquilx cha, 'ix 'ixtx eb' yuj eb' 'aj Asiria, 'a nab'an̈ej.

Salmos 105:23

Tza'nxoj xc'och win Israel atn Jacob, 'ix c'och 'a Egipto cha, axta xcan cajn 'a lum slum eb' yin̈tl Cam.

Josué 24:4

Xwa'n chawn̈ yunnal win Isaac cha, atn Jacob yet' Esaú. Xwa'n can lum jolmctac witz 'a yol yic lum Seir 'a Esaú, ax Jacob yet' eb' yunnal, 'ix 'atcn eb' 'a Egipto.

Dt 26:5

Tzlajw cha, tzeyaln jun tzo'n̈ xo paxti tic 'ixtc 'a sat Jehová qui Diosalec: A eb' qui mam quichmec, arameo eb', jaywn̈ej wal sb'ey eb'; ton̈j 'e'lb'a yec' eb', 'ijn xcham eb' yuj wejel; yuj cha, x'atcn eb' 'a Egipto yet' jaywn̈ yunnal, ata xcan cajn eb' ta'. Axta 'ix 'och eb' niwquil chon̈b'al, caw jeln x'aj eb', caw niwn pax x'aj sb'isl eb'.

A Ch'an̈ B'ab'el Libro Samuel 12:8

A yic xc'och Jacob yet' eb' yunnal 'a Egipto, caw x'ixtx eb' yuj eb' 'aj lugar cha, yuj cha, xyaln sb'a eb' 'a Jehová. Ax Jehová schecn 'at Moisés yet' Aarón, ax eb' x'i'n 'elt eb' qui mam quichmec chi 'a Egipto, ax 'a tic xjaw cajn eb' yu'uj.

Dt 10:22

A yic xc'ochcn eb' qui mam quichmec 'a Egipto, cojn 70 sb'isl eb', palta ax ticnec, xniwtj qui b'islec yuj Jehová qui Diosalec. Lajn xo wal qui b'islec 'icha c'anal 'ay 'a satcha'an̈, xchi Moisés.

Nm 20:15

A eb' qui mam quichm on̈, 'ix 'atcn eb' 'a Egipto; ata c'ochnc cajn eb'. Caw niwn tiempo 'ix can eb' ta'. Palta ax eb' 'aj Egipto cha, caw wal on̈ yixtj eb' on̈, 'ixta pax 'ajnc eb' qui mam quichm chi yuj eb' on̈.

Gn 15:13

Xlajw cha, xyaln Jehová 'a 'ixtic: —Yowlal tzojquej 'eli to a eb' en̈til, chuc chon̈b'al 'aj 'oj c'och cajn eb', mosoal 'oj 'ajch eb', man̈ yico'oc sb'a eb'. Chan̈e ciente ab'il 'oj 'ixtxoc eb' si'mb'il.

Gn 46:7

Xyij 'at Jacob smasnil eb' yunnal, eb' yisil yet' eb' yixchiquin, 'ix 'at eb' yet' 'a Egipto.