Gn 46:32 - Chuj San Sebastian Bible

³² Ajun smasnil scalnelu, swacax, yet' smasnil tas 'ay 'a 'a, yujto a smunljel eb', atn 'ilj calnelu, yet' 'ilj wacax, 'ixta 'oj wutc waln 'a win eyu'uj.

Chuj San Mateo Bible

³² Yed'nac masanil noc' scalnel eb', noc' svacax yed' masanil tas ay d'a eb', yujto a smunlajel eb' aton moloj calnel yed' moloj vacax, xin chama.

Gn 46:32 Referans Kwoze

Gn 47:3

Sc'anb'n win rey 'a eb' 'ixtic: —¿Tas munljel-l tztac' eyu'uj? xchi winac. Xta'w ewin 'a winac: —An̈ a checb' on̈ tic on̈ mamin rey, cajm on̈ calnelu 'icha eb' qui mam quichm on̈.

Zacarías 13:5

Palta 'oj yal junjn eb' 'ixtic: An tic, man̈ in schecb'oc Dios, munljum 'anma 'in. Yictax in cot'ch 'a yune'al, in cuyx in munlji, 'oj xchic eb'.

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

A Ch'an̈ B'ab'el Libro Yic Yab'ixal Eb' Rey 9:27

'Ix schecn cot win Hiram jun tzo'n̈ eb' smunljum 'a yojl eb' te barco cha, atn eb' caw yojc yec' 'a yib'n̈ a mar. 'Ix 'at eb' yet' jun tzo'n̈ eb' smunljum Salomón,

A Ch'an̈ B'ab'el Libro Samuel 17:15

Ax David cha, tzxitc' 'a 'aj 'ayc' Saúl, tzlajw cha, tzmeltzj pax 'at yilx scalnelu smam 'a Belén.

Ex 3:1

'Ix 'och Moisés 'ilj calnelu 'a sn̈i', atn win Jetro cha. 'Ay jun c'ual 'ix 'at Moisés chi 'ilj calnelu 'a lum cusltac lu'um, masnto 'ix c'och 'a yich witz Horeb, atn 'a jun witz chi 'aj sch'ox sb'a Dios 'a 'a.

Gn 46:34

tzeyalni, chajtlto 'ilm ex calnelu, 'ilm ex pax wacax. Cojn no calnelu tic tzqui caj 'icha eb' qui mam quichm on̈, xe chi 'a winac, sec wach' 'oj e can 'a lum Gosén tic, yujto a ewin 'aj Egipto tic, 'ay yowlal yuj eb', toto junn̈j tz'aj eb' yet' eb' cajm calnelu, xchi José cha.

Gn 45:10

Ata 'oj a can cajn 'a lum Gosén, sec wach' la'n cajn ach 'ec' 'a in tz'ey yet' smasnil eb' onnal, yet' eb' eachiquin, yet' pax a cajb'en noc', yet' smasnil tas 'ay 'ayach.

Gn 37:2

Atn yab'xil smasnil eb' yunnal tic. A José 'ayx uclajn̈e ab'il sq'uinal, tzax 'ec' 'ilj calnelu yet' eb' yu'tac, atn ewin yune 'ix Bilha, yet' ewin yune 'ix Zilpa, eb' 'ix schab'l 'istzil win Jacob cha. A José a tz'i'n 'at yab'xil eb' yu'tac chi 'a smam, yujto tu tas tzlaj sb'o eb'.

Gn 9:20

Xlajw cha, 'ix munlj pax win Noé 'a sat lum lum tic, syamn 'och win yawn te uva.

Gn 4:2

X'ec' jun tiempoal, x'alj pax win Abel, win yu'tac Caín. A win Abel cha, cajm calnelu x'aj winac, ax pax win Caín, 'ix munlj win 'a lum lu'um.

A Ch'an̈ B'ab'el Libro Samuel 16:11

Yuj cha, 'ix sc'anb'n 'ixtc 'a winac: —¿Tom cojn eb' onnal tic smasnil? xchi Samuel. —'Ayt junx win slajb' 'unin, 'aycn 'at win chi 'ilj calnelu, xchi Isaí. —'At 'ac' 'ijxoc cot winac; toto matz jaw winac, matz tac' tzon̈ wa'ec, xchi Samuel cha.

Gn 46:31

Xlajw cha, xyaln José 'a eb' yu'tac yet' 'a smasnil eb' yunnal Jacob cha: —Tic tzin 'at wal 'a win rey, ax waln 'a win 'ixtic: Smasnil eb' wu'tac, yet' eb' yin̈tl in mam 'ay 'a Canaán, tox xjaw eb' wet'oc.

Gn 46:33

Yuj cha, ax yic 'oj eyawtx yuj win rey cha, ax sc'anb'n 'ayex, tastc e munljel, toto xchi,