Gn 45:6 - Chuj San Sebastian Bible

⁶ Schab'l nant ab'il yel yich wejl 'a chon̈b' tic, o'eto ab'il 'oj yac'a', wach'xam 'ay tas cob' tz'awxi, palta may xon jac tas 'oj yac'a'.

Chuj San Mateo Bible

⁶ Schab'ilto ab'il yel yich vejel d'a yolyib'an̈q'uinal tic. Oye'to ab'il ol yac'a', man̈ ol yac' sat aval in̈at, vach'chom ay mach ol avanoc, palta malaj jab'oc sat ol yac'a'.

Gn 45:6 Referans Kwoze

Gn 47:23

Yajn̈ej xyaln José 'a eb' 'anma chi 'ixtic: —A ticnec yic ex xo win rey yet' e lu'um, yujto ex in mancn 'och yico'oc winac. Yaj eyin̈at yic tzeyawn lum lum cha.

Gn 41:56

'A smasnil yolyib'n̈q'uinal caw 'ayx wejel; yuj cha, sjacn José smasnil sc'un̈a 'aj molb'il 'ixm trigo, schon̈n 'ixm 'a eb' 'aj Egipto, yujto caw 'ayx wejl ta'.

Gn 41:54

Xlajw cha, 'ix schan 'el yich uque ab'il niwquil wejel. 'Icha wal yutjnac José yalni, 'ixta 'ix 'aji. 'Ix jaw wejl 'a smasnil nacion̈ 'ay 'a sla'nil Egipto, ax 'a yol smacb'en, 'ay tas tzc'ux eb' 'anma'.

Is 30:24

A no e wacax yet' e no e b'uru tzmunlji, a wal 'ixm cebada caw wach' a 'oj eyac' sc'ux e no'.

A Ch'an̈ B'ab'el Libro Samuel 8:12

'Ay eb' 'oj ya'ch win syajlilc junc mil soldado, 'ay eb' 'oj ya'ch win syajlilc junc 50. 'Ay eb' 'oj 'och sb'o smunljel winac, 'oj st'oc eb' slum winac, ax laj smoln chan̈ eb' tas tz'el 'a smunljel win cha. 'Ay eb' 'oj 'och sb'o syamc'ab' win yic owal, 'ay pax eb' 'oj b'onc scaruaje win tzc'ana yic tz'at 'a owl cha.

Dt 21:4

tzyij 'ejm eb' no 'a junc span̈nil sti ch'oln 'aj tzb'ey a a', 'a lum lum 'ajtil mant 'a xon 'aj tz'awxi, axta tzma'x wecchjoc sjaj no'.

Ex 34:21

Waque c'u tzex munlji, ax 'a yucl c'u tzex 'ilji, wach'xam to stiempoal 'awnub', mto stiempoal jach'oj, yowlal tzex 'ilji.

Gn 47:18

'Ix 'ec' jun ab'il, palta an̈ja caw 'ayt wejl 'a yol junx ab'il cha, x'atx ewin yalx sb'a 'a José: —Man̈x 'a tas tztac' qui c'ub'n 'el 'aych on̈ mamin, man̈x 'a qui tumin, man̈x 'a pax qui cajb'en noc' on̈, ecxo no smasnil. Man̈x 'a tas wach' ca'n 'ayach, cojxn am qui lum on̈ yet' qui niwnal tic tzcac' 'ayach.

Gn 37:2

Atn yab'xil smasnil eb' yunnal tic. A José 'ayx uclajn̈e ab'il sq'uinal, tzax 'ec' 'ilj calnelu yet' eb' yu'tac, atn ewin yune 'ix Bilha, yet' ewin yune 'ix Zilpa, eb' 'ix schab'l 'istzil win Jacob cha. A José a tz'i'n 'at yab'xil eb' yu'tac chi 'a smam, yujto tu tas tzlaj sb'o eb'.

Gn 41:53

Xlajw uque ab'il 'aj caw wach' x'aj sat 'awb'en 'a smasnil yol yic Egipto.

Gn 41:35

Smolb'tzoc cab' ewin 'ixm trigo yic jun tzo'n̈ ab'il 'oj jawc cha, tzcan 'ixm 'a yol a c'ab' mamin rey. Tza'n molxoc 'ixm 'a junjn chon̈ab', sec 'ay tas 'oj sc'ux eb' 'anma smasnil.