Gn 43:29 - Chuj San Sebastian Bible

²⁹ Ax yic xyiln 'och José chi win Benjamín, atn win yu'tac winac, win junn̈j snun yet'oc, yuj cha, xyaln 'ixtic: —¿Am ni eyu'tac slajb' 'unn xeyal 'ayn tic? Ya' cab' qui Mam Dios swach'c'ojlal 'a eb'n̈ mam, xchi 'a winac.

Chuj San Mateo Bible

²⁹ Axo ix yilanoch vin̈aj Benjamín vin̈, aton vin̈ junn̈ej snun vin̈ yed'oc, ix yalan vin̈: —¿A am vin̈ eyuc'tac tzac'an unin ix eyal tic d'ayin? xchi vin̈. —Aton vin̈, xchi eb' vin̈. —Yac'ocab' svach'c'olal Dios d'a ib'an̈, xchi vin̈ d'a vin̈aj Benjamín chi'.

Gn 43:29 Referans Kwoze

Nm 6:25

Yet' cab' stzaljc'ojlal Jehová, tzex yiln 'ochi, 'o'ch cab' sc'ojl 'ayex.

Gn 42:13

Xyaln pax ewin 'ixtic: —Ma'ay, an̈ tic on̈ mamin, lajchwan̈ qui b'ey on̈, cu'tacn̈ej qui b'a on̈, junn̈j qui mam on̈, ata cajn on̈ 'a Canaán. A win cu'tac slajb' 'unn on̈, 'aycn win yet' qui mam on̈, ax junx winac, man̈x 'a win 'ayc' quet' on̈, xchi ewinac.

A Ch'an̈ Carta D'a Eb' Hebreo 13:1

Man̈ cactquec can qui chamc'ojlan qui b'a, yujto quit creyentealec qui b'a.

1 Ti 1:2

Ach Timoteo, tic tzwa't jun in carta tic 'ayach. Yel 'icha wunnal ach, yujto wu'uj, a'n 'och a c'ojl 'a Cristo. Tzin nib'ej, a qui Mam Dios yet' Cajlil Jesucristo, tzyac' swach'c'ojlal 'ayach. 'O'ch cab' sc'ojl 'ayach, tzya'n pax sjunc'ojlal 'aych ta'.

Mr 10:24

Ax eb' scuywum cha, caw 'ix sat sc'ojl eb' yab'n jun tzo'n̈ cha. Palta xyaln pax 'a eb' jun 'ejm xo 'ixtic: —Ex in cuywum, [a eb' tzya'ch sricoal yipc sc'ojol,] toto 'oj 'och eb' 'a yol sc'ab' Dios, caw teb'il 'oj 'och eb'.

Mt 9:22

Yuj cha, 'ix sutmj 'at q'uelnjoc Jesús 'a 'ix, 'ix yaln 'ixtc 'a 'ix: —Ach 'ix, tzaljan̈ ticnec, tic ach b'ox can wu'uj, yujto tzin a'ch 'a a c'ojol, xchi 'a 'ix. Yajn̈j wal cha, xb'ox can sc'ojl 'ix.

Mt 9:2

Ata 'ay jun winc sicb'nac 'eli. C'otn 'ec' win 'a swaynub'. 'Ay eb' 'anma x'i'n 'at win 'a Jesús. Ax 'ix yilni to xya'ch eb' sc'ojl 'a 'a, yuj cha, xyaln 'a win sicb'nac 'el chi 'ixtic: —Tzaljan̈ ach winac, tic 'ix 'ajx can lajwc a mul, xchi 'a winac.

Malaquías 1:9

Tzyal eb' 'anma 'ayx 'ixtic: Ex ya'mal 'och qui ti 'a Dios, c'anc wal 'a Dios chi cu'uj, sec 'oj 'o'ch sc'ojl 'ayn̈ec, xchi eb'. Palta an Jehová in, tztac' wuj smasnil, an tzwala: Toto a jun tzo'n̈ tas xwal tic, a 'oj eya'n̈j eyofrendaoc 'ayin, ma'oj in tzalj in chan 'ayex.

Is 33:2

Mamin Jehová, 'o'ch cab' wal a c'ojl 'ayn̈ on̈, caw tan̈b'ilch cuj on̈, 'ochn̈ quet' 'a junjn c'u yic 'ay qui yailal on̈, coln̈ 'el on̈.

Is 30:19

Ex 'aj Sión, ex to cajn ex 'ec' 'a Jerusalén, man̈ ex 'oc'oc, a Jehová 'oj 'o'ch sc'ojl 'ayex yic tzyab'n yel eyaw, 'oj ta'wc 'ayx muc'uc.

Salmos 112:4

Caw 'ay schamc'ojlal eb', wach' snab'en eb', tojl tas tzb'o eb', yuj cha, 'icha junc cantil checl yoc 'a scal q'uic'q'uinal, 'ixta yaj Dios 'a eb' 'anma tojl snab'en.

Salmos 111:4

Satjub'tac yilx tas b'ob'il yu'uj, may b'a'n̈ tz'at 'a satc'ojlal. A Jehová caw wach' snab'en, 'ay schamc'ojlal.

Salmos 67:1

Ach Cajlil on̈, 'o'ch cab' a c'ojl 'ayn̈ on̈, 'a' cot a yaxilal 'a quib'n̈ on̈. Scha cab' a c'ojl on̈ eln coti,

2 Cr 29:11

Yuj wal cha, ex wit chon̈ab', caw man̈ ex 'iljoc e b'on yatut Dios, yujto a Jehová ex si'n 'eli, sec 'ayx 'ec'n̈ej 'a yojltac yic tzeya'n servil, tzeya'n pax tz'a incienso 'a yojltac, xchi.

Josué 7:19

Xlajw cha, xyaln Josué 'a win Acán chi 'ixtic: —Ach 'un, 'a sat Jehová qui Diosalec an̈ israel on̈c tic, tza jacn a ti'oc, tas wal jun maysch'olnil chi 'ix a b'o'o, man̈ a c'ub'c 'eli, xchi 'a winac.

Gn 45:8

Yujto 'ixta 'ix yutj Dios in schecn cot can 'a jun lugar tic, man̈oc ex in eya'cn coti. A Dios in 'a'n 'och 'ajnab'enal 'a win rey, yic tzwa'n yajlil 'a smasnil tas 'a yatut, yet' 'a smasnil yol yic Egipto tic.

Gn 42:11

Qui masnil on̈ junn̈j qui mam on̈, cu'tacn̈ej qui b'a on̈, wach'n̈j qui nab'en on̈, may 'aj tzca'ch qui b'a 'ilwjumal on̈, xchi ewinac.

Gn 35:24

A pax yunnal win yet' 'ix Raquel, atn José yet' Benjamín.

Gn 44:21

Ach ton wal 'ix ala to tzquij cot winac, yic tzojcan 'eli.