Gn 42:29 - Chuj San Sebastian Bible

²⁹ Ax yic xjaw ewin 'a schon̈b' 'a Canaán, xyaln eb' 'a Jacob atn smam eb', yuj smasnil tas x'ec' 'a yib'n̈ eb'. Xyaln eb' 'ixtic:

Chuj San Mateo Bible

²⁹ Axo yic ix jax eb' vin̈ d'a yol yic Canaán chi', ix yalan eb' vin̈ d'a vin̈ smam tastac ix ec' d'a yib'an̈. Ix yalan eb' vin̈ icha tic:

Gn 42:29 Referans Kwoze

Gn 42:28

Xyaln win 'a ewin yu'tac chi 'ixtic: —'Iltec wali, xya'x meltzjoc ewin q'uen in tumin, 'ay 'ejm q'uen 'a sti 'in coxtl tic, xchi winac. Caw x'ib'x eb' smasnil yuj xiwlal, xyaln junjn eb' 'a 'ixtic: —¿Tas yuj 'ixta tzon̈ yutjec Dios? xchi ewinac.

Gn 42:30

—A win yajl 'a jun chon̈b' cha, caw wal ow xyutj paxtinc sb'a win 'ayn̈ on̈, tolab' ton̈j tz'at quil 'elt 'a yol schon̈b' cha, 'icha to 'ilwjum on̈ yalni.

Gn 44:24

Ax yic on̈ c'och 'a catut on̈, xcaln 'a qui mam on̈ yuj tas xal 'ayn̈ on̈.

Gn 45:25

X'elt ewin 'a Egipto, 'ix japx eb' 'a lum Canaán 'a 'aj 'aycn smam eb' cha.

Gn 45:26

A yic xjaw eb' 'a smam cha, xyaln ewin 'a 'a, chajtlto 'ayc' win José, yajl yaj win 'a smasnil yol yic Egipto. Caw sat sc'ojl win Jacob yab'ni, matz ya'ch 'a sc'ojol, 'a tas tzyal ewinac.