Gn 41:49 - Chuj San Sebastian Bible

⁴⁹ 'Icha yarenail sti a mar, 'ixta yilx 'och 'ixm trigo smolcn chan̈ José, til wal x'aj 'ixim. Yuj cha, xyactn yechtani, man̈xtzac stac' sb'isni jantc 'ixim.

Chuj San Mateo Bible

⁴⁹ Icha yarenail sti' a' mar, icha val chi' yilji ixim trigo ix molchaj yuj vin̈. Te nivanxo ixim trigo chi', yuj chi' majxo echtajlaj ixim, maxtzac yal-laj sb'ischaji.

Gn 41:49 Referans Kwoze

Salmos 78:27

A 'ic' chi x'i'n cot schib'j eb' schon̈ab'. 'Icha wal pococ, mto 'icha yarenail sti a mar, 'ixta x'aj sjaw wal secnjoc no ch'ic.

A Ch'an̈ B'ab'el Libro Samuel 13:5

'Ix syamn pax sb'a eb' filisteo yic tzya'n eb' owl yet' eb'. 'Ay lajn̈schawinc mil scaruaje eb' yic owal, waque mil eb' winc 'ay q'ue 'a yib'n̈ chej, niwnto pax eb' tzb'ey 'a yoc. 'Icha wal yarenail sti a mar, 'ixta eb'. 'Ix cot eb' axta sb'o eb' scamplamento 'a Micmas 'a stojlal 'aj tzq'uel c'u 'a Bet-avén.

Jueces 7:12

A eb' madianita cha, eb' amalecita yet' jun tzo'n̈ xo eb' cajn 'a stojlal 'aj tzq'uel c'u, 'ix puc eb' 'a lum pan̈n 'a'lic chi 'icha no c'ulub'. Til wal scameyo eb', man̈x b'ischjb'enoc e no 'icha yarenail sti a mar.

Jueces 6:5

Yujto yet' eb' smantiado tzc'och eb', yet' eb' swacax, man̈x yalnb'ilc scameyo eb' yet'i. Man̈xtzac b'ischj eb' yet' scajb'en noc', 'icha wal sb'ey tob'tnoc no c'ulub', 'ixta sb'ey eb' yic xc'och eb' 'at satl sb'al lum lum cha.

Gn 22:17

to tzwalcn 'el in wach' paxti 'a eb'an̈. 'Oj wic' wal chan̈ sb'isl en̈til. 'Icha wal sb'isl c'anal 'a satcha'an̈, 'icha pax yarenail sti a mar, 'ixta 'oj 'aj eb'. Ax ya'n pax ganar eb' 'a eb' 'ajc'ojl yajch 'a 'a.

Jeremías 33:22

A eb' yin̈tl in checb' David, yet' jun tzo'n̈ eb' yin̈tl Leví 'aych ya'malc 'och sti eb' 'anma 'ayin, caw 'oj wac' niwtjoc sb'isl eb' 'icha wal c'anal 'ay 'a satcha'an̈, mto 'icha wal yarenail sti a mar, may junc mach tztac' sb'isni, xchi.

Gn 41:48

A smasnil 'ixm trigo xyac' sobra 'a uque ab'il cha, xmolx can 'ixm 'a yol smacb'en junjn chon̈b' yuj José.

Gn 41:50

Yic mantzac 'el yich niwquil wejl cha, chawn̈ xo yunnal José tox 'ix 'alj yet' yistzil, atn 'ix Asenat.