Gn 41:40 - Chuj San Sebastian Bible

⁴⁰ Ach tzach wa'ch yajlilc 'a in despacho tic. Smasnil eb' in chon̈ab', 'oj syiclc eb' tas 'oj ala', cojxn̈ej in niwn wel'ch 'a eb'an̈, yujto rey in.

Chuj San Mateo Bible

⁴⁰ A ach ol ach ochcan yajalil d'a in despacho tic. Masanil anima ol c'anab'ajan tas ol ala'. A inxon̈ej nivan velc'och d'a ichan̈, yujto rey in.

Gn 41:40 Referans Kwoze

A Tas Sc'ulejnac Eb' Schecab' Jesús Hechos 7:10

A coljnac can 'elt José chi 'a scal syail. Ya'jnac sjelnal 'a 'a. 'Ochnc yet'oc, sec caw wach' 'ajnc 'a sat win faraón, win sreyl Egipto. Yuj cha, ya'jnac 'och win yopiso yajlil 'a Egipto cha. An̈jtona', ya'n pax 'och win yajloc yatut.

Pr 22:29

Toto wach' tzeyutj munljoc e b'a, 'oj eyoch munljoc 'a jun tzo'n̈ munljel niwc yel'chi, man̈oc 'a jun tzo'n̈ comn munljel 'aj 'oj e munlji.

Dn 5:29

Xlajw cha, xya'n win rey Belsasar 'ajxoc 'och te pichl púrpura 'a Daniel. Xya'n pax win 'ajxoc 'och jun q'uen cadena nab'a oro 'a sjaj 'icha ton̈. 'Ix yaln win 'a smasnil eb' 'anma', to tz'ochcn Daniel 'a yoxl reyal.

Salmos 2:12

'Emn̈ec n̈ojn 'a yojltac Yunnal Dios yet' e xiwc'ojlal. Man̈ eyi' cot yowl sc'ojl 'a eyib'an̈, sec matz ex satl yu'uj, yujto yajn̈j wal cha, tzcot yowal. ¡Caw tzaljc'ojlal yic eb' to a Dios tzya'ch yipc sc'ojol!

Dn 6:3

Yajn̈j wal cha, 'ix checlj 'el Daniel 'a scal jun tzo'n̈ xo eb' yit gobernadoral cha, yujto wach'n̈j tzyutj sb'a. Yuj cha, snib'n win rey chi ya'ch 'a sat yajlil 'a snacion̈.

Gn 45:26

A yic xjaw eb' 'a smam cha, xyaln ewin 'a 'a, chajtlto 'ayc' win José, yajl yaj win 'a smasnil yol yic Egipto. Caw sat sc'ojl win Jacob yab'ni, matz ya'ch 'a sc'ojol, 'a tas tzyal ewinac.

Job 31:27

palta may 'aj xwac' 'ejm in b'a 'a jun tzo'n̈ cha, may 'aj xin moj q'ue in c'ab' yic xwaln in b'a 'a eb' 'a c'ultaquil.

A Ch'an̈ B'ab'el Libro Samuel 10:1

Xlajw cha, xyi'n cot Samuel jun yet'l aceite, 'ix secn q'ue aceite chi 'a sjolm Saúl, 'ix stz'ub'n 'elt sti', xyaln 'a 'ixtic: A Jehová a tzach 'a'n 'och syajlilc qui chon̈ab'.

Gn 39:9

A smasnil tas 'ay 'a yol te n̈a tic, 'aych 'a yol in c'ab', an tztac' wa'n mandar; cojn 'ayach, matz tac' wa'n 'och in c'ab', yujto yistzil ach win in patron̈. ¿Tom 'oj stac' in b'on junc tas maysch'olnil, yujto tz'och pax in mul 'a sat Dios? xchi José.

Gn 44:18

Xlajw cha, snitzn 'ochch sb'a Judá 'a stz'ey José, xyaln 'a 'ixtic: —Tzin tew 'och 'aych mamin, comnoc tzyal a c'ojol tzwal tas tzin nib'j tzwal 'ayach, yuj wal dios 'ayach, matz cot cab' owl 'ayin, 'icha wal to rey ach.

Ester 3:1

'Ix ec' jun tiempoal, 'ix ya'n 'och win rey yopiso win Amán yunnal Hamedata yin̈tl can Agag. A Amán cha, 'ix 'ajx 'och sat yajlil 'a yib'n̈ jun tzo'n̈ xo eb' yajl yaj 'a jun nacion̈ cha.

Ester 10:3

A Mardoqueo 'ix 'ochcn schab'loc 'a win rey cha. Caw wal niwn x'aj 'el'ch 'a scal eb' yit israelal, nib'b'il yuj smasnil eb' yit chon̈ab', yujto caw 'ix sayc' swach'l eb' yit chon̈b' cha. 'Ix yac' wal yip, yic wach' tzcan eb' 'a tzaljc'ojlal yet' 'a junc'ojlal.