Gn 40:20 - Chuj San Sebastian Bible

²⁰ Schab'jil yaln José swaych ewin chawn̈ cha, snan win rey sq'uin̈ yuj yab'lil, xyawtn cot win smasnil ewin niwc yajl 'aych yajlil yet'oc. Sat wal eb' niwc yajl cha, x'at ya'nc win 'ijxoc 'elt eb' chawn̈ chi 'a preso.

Chuj San Mateo Bible

²⁰ Schab'jial val yalan svayich eb' vin̈ chavan̈ chi' vin̈aj José chi', ix yac'an sq'uin̈al yab'ilal vin̈ rey. Ix yavtancot vin̈ masanil eb' vin̈ nivac vinac ayoch yajalil yed'oc. D'a yichan̈ eb' vin̈ nivac yajal chi' ix checji ic'chajelta eb' vin̈ chavan̈ ayoch d'a preso chi'.

Gn 40:20 Referans Kwoze

Mt 14:6

Ax yic x'och jun q'uin̈ yic yab'lil win Herodes cha, 'ix yawtn cot jun tzo'n̈ winac. Ax 'ix yune 'ix Herodías cha, xc'och 'ix 'a yojltac ewinac, 'ix ya'n 'ix chan̈al. Caw wach' yec' 'ix xyil win Herodes cha.

Gn 40:19

Chab'ej 'oj el 'a preso tic yuj win rey cha, 'oj yac' win 'ijxoc 'el a jolom, ax ya'n winc locxoc q'ue a niwnal 'a junc te te', ax e no 'usej, a e no 'oj wul chinoc a chib'jal, xchi 'a winac.

Gn 40:13

Chab'ej 'oj el 'a preso tic yuj win rey, ax ochx 'a a munljel jun 'ejm xo, 'icha xon aj 'a yic yalan̈.

Mr 6:21

Palta ax yic x'och jun q'uin̈ yic yab'lil win Herodes cha, ata xnachj 'el yuj 'ix Herodías tas tzyutj 'ix ya'n milxoc Juan Bautista. Yujto a win Herodes cha, xya'ch win jun niwn wa'el. 'Ix yac' wa win eb' yit yajlil, yet' eb' syajlil eb' soldado, yet' eb' niwc winc 'a yol yic Galilea cha.

A Ch'an̈ Schab'il Libro Yic Yab'ixal Eb' Rey 25:27

A yic 27 yoch slajchwil 'uj yic 37 ab'il xo yijx 'at rey Joaquín presoal 'a Babilonia, 'ix 'och Evil-merodac reyl 'a Babilonia cha. A yic yab'lil nant yoch reyl cha, 'ix sch'oxn swach' nab'enal 'a Joaquín sreyl Judá, 'ix yi'n 'elt 'a preso.

Mt 25:19

Niwn tiempo x'eq'ui, 'ixta to b'i'an, 'ix japx win spatron̈ eb' cha. 'Ix sb'on yaj win scuenta junjn eb'.

Job 3:1

Xlajw yec' uque c'u cha, 'ix yaln win Job jun tzo'n̈ tu paxti 'a yib'n̈ jun c'u 'aj 'aljnac, xyaln 'ixtic:

Ester 1:3

A yic stz'acw yoxl ab'il yoch win Asuero chi reyal, 'ix ya'n 'och win jun niwn wa'el, yet' jun niwquil q'uin̈ yet' smasnil ewin niwc yajal, ewin 'ay yopiso yet' winac, eb' syajlil eb' soldado 'aj Persia, yet' eb' 'aj Media; eb' gobernador, yet' pax eb' yajl yaj 'a junjn niwc chon̈b' cha.

Gn 21:8

Ax yic xq'uib' win Isaac, x'ijx 'el win 'a yim. A yic cha, 'ix ya'n 'och win Abraham jun niwquil q'uin̈.

Salmos 105:19

'Ix 'ajx prowal win yuj tas yaljnac can Dios 'a yib'n̈ winac, masnto 'ix 'el'ch tas alb'il can yuj José cha.

Jeremías 52:31

A 'a yic 25 yoch slajchwil 'uj yic 37 ab'il xo yijx 'el rey Joaquín 'a Judá, 'ix 'och Evil-merodac reyl 'a Babilonia. A win tic, 'ix sch'ox swach'c'ojlal 'a Joaquín cha, 'ix yi'n 'elt 'a preso.

A Ch'an̈ B'ab'el Libro Yic Yab'ixal Eb' Rey 3:15

Ax yic 'ix 'el swayn̈ Salomón, 'ix yiln cot sb'a to swaych x'ochi. Ax yic 'ix japx 'a Jerusalén, 'ix c'och 'a yojltac scaxail strato Jehová, 'ix ya'n xajmb'al to tz'a smasnil, yet' xajmb'al yic junc'ojlal. Xlajw cha, 'ix ya'n 'och jun niwquil wa'el, xyawtn cot smasnil eb' 'aych yopiso wac yet'oc.