Gn 4:20 - Chuj San Sebastian Bible

²⁰ A 'ix Ada, x'alj jun yune 'ix, xya'n eb' sb'ic Jabal. Atn win Jabal cha, b'ab'l cajm cajb'en noc', yol mantiado tz'aj cajn eb', yic tz'ec' eb' yet' scajb'en noc' cha.

Chuj San Mateo Bible

²⁰ A ix Ada chi', ix alji jun svinac unin ix, Jabal ix sb'iej. Aton vin̈ ix b'ab'laj b'eyec' yed' spat mantiado yic smolan noc' snoc'.

Gn 4:20 Referans Kwoze

A Ch'an̈ Carta D'a Eb' Hebreo 11:9

Yujto ya'jnac 'och Dios 'a sc'ojol, yuj cha, c'ochnc cajn 'a jun lugar ya'jnac Dios sti ya'n 'a 'a. A te mantiado sb'ojnac yatutoc. An̈jtona', 'ixta yutjnac sb'a Isaac yet' Jacob, yujto locn eb' xchan jun 'aj ya'jnac Dios sti cha.

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

Gn 25:27

'Ix q'uib' chan̈ chawn̈ eb' 'unn cha. A win Esaú schaj sc'ojl win yec' b'eyc'oc 'a calte'. Caw jeln x'aj win 'a ma'j noc'. A pax win Jacob jun, cojn ta tzmunlj 'a scamplamento eb'.

Gn 4:21

A Jabal, 'ay jun yu'tac Jubal sb'i. A win cha, b'ab'l yucm arpa, 'utz'm pax 'amay.

Gn 4:2

X'ec' jun tiempoal, x'alj pax win Abel, win yu'tac Caín. A win Abel cha, cajm calnelu x'aj winac, ax pax win Caín, 'ix munlj win 'a lum lu'um.

Gn 4:19

A Lamec cha, chawn̈ xyutj win yistzil: A jun 'ix, Ada sb'i 'ix, ax junx 'ix, Zila sb'i 'ix.