Gn 4:14 - Chuj San Sebastian Bible

¹⁴ 'In to tzin ej can 'el 'a sat lum lum tic, tzin c'ub'n 'el in b'a 'a ojltac, toxn̈ej 'oj in satq'ui. Yaln̈j mach 'oj wilchj yu'uj, ax in sma'n chamoc, xchi winac.

Chuj San Mateo Bible

¹⁴ Ina ix iq'uel vopisio d'a sat lum tic, ix in ic'anel d'a ichan̈ d'a juneln̈ej, toxon̈ej ol in comon b'eyec'oc. Yalxon̈ej mach ol in chalaj in b'a yed'oc, ol in smac'chamoc, xchi vin̈ d'a Dios.

Gn 4:14 Referans Kwoze

Nm 35:19

A junc 'ayt yuj sb'a yet' junc 'anma tzcham cha, a tztac' ya'n spac jun tzcham cha, yaln̈ej 'aj tzchaj sb'a yet' jun milm cham 'anma cha.

Salmos 143:7

Mamin Jehová ta'wj in muc'uc, yujto wan yel wip tzwab'i. Man̈ e'l a sat 'ayin, colwjan̈ wet'oc, sec man̈ lajnoc tzin 'ajcn 'icha eb' chamnac.

Pr 28:1

A mach tzb'on maysch'olnil, wach'xam may mach tzpechni, palta mun tz'at 'eloc; ax pax mach wach' snab'en, te'tec' yaj 'icha junc no león.

Dt 28:65

Ya' sb'a 'ayx 'ec' 'a jun tzo'n̈ nacion̈ cha, may xon jac e tzaljc'ojlal ta', ma'oj eyilj xon jab'oc, yujto a Jehová 'oj 'a'n jawc e xiwc'ojlal, caw cusltac yilx e sat yuj somc'ojlal.

2 Ts 1:9

A eb' cha, 'oj 'atcn eb' 'a yailal 'a jun 'ejmn̈ej. 'Oj xutxoc can 'el eb' 'a stz'ey Cajlilec, sec man̈x 'oj yil eb' swach'il yet' spoder.

Mt 25:46

A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.

Jeremías 52:3

Caw tenmtac xyutj sb'a 'a win sreyl Babilonia. A eb' 'aj Judá yet' eb' 'aj Jerusalén caw 'ix stzuntzj cot eb' yowl Jehová, yuj cha, 'ix yi'n 'el eb' 'a yojltac. Yuj jun tzo'n̈ cha, tz'ec' jun tzo'n̈ niwc yailal tic 'a yib'n̈ eb'.

Nm 35:27

ax tz'aji, tzchan sb'a yet' junc yican jun chamnc cha, toto tzmilx can cham yu'uj, a jun cha, matz 'och smulc jun tzmilwj cha.

Nm 35:21

mto 'ajc'ojl yajch junjn eb' 'a 'a, yuj cha, tzma'n yet' sc'ab', ax tz'aji tzcham junc 'anma chi yu'uj, a jun tzma'wj cha, milj cham 'anma tzb'o'o, yowlal tzcham pax jun xo. Ax junc 'ayt yuj sb'a yet' jun tzcham cha, a tztac' smiln chamoc.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Os 13:3

Yuj cha, lajn 'oj eyaj 'icha 'asn 'ay 'ejm 'a sq'uin̈b'ial, 'icha pax chicb'chan̈ tz'em 'a 'ac'wal, to yajn̈ej tzsatcha'an̈. Lajn ex pax 'icha te tzab' tz'ijx 'at yuj 'ic', mto 'icha te tab' tz'el 'a swentnul cusnu.

Is 8:22

ax cob' yemx q'ueln eb' 'a sat lum tic. Cojxn cusc'ojlal 'oj scha sb'a eb' yet'oc, atn yailal yet' q'uic'q'uinal. 'Icha to 'oj yamxoc 'ejm eb' yuj q'uic'q'uinl cha. Man̈x 'oj stac' scoln sb'a eb' 'a 'a.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Salmos 109:12

May cab' mach tz'o'ch sc'ojl 'a jun winc cha, yet' 'a eb' yunnal tzcan meb'a'il.

Salmos 109:10

Stitc n̈a cab'n̈ej 'aj 'oj 'ec' eb' yunnal sc'an jac tas tzc'uxu. Pechx cab' 'el eb' 'a 'aj juwnac can yatut cha.

A Ch'an̈ Schab'l Libro Samuel 14:7

Ax ticnec, smasnil eb' wican tz'och eb' 'ajc'ojlal 'ayin, tznib'n eb' to tzwac' win xmiln yu'tac chi 'a yol sc'ab' eb', ax eb' tzmiln win yuj schamlil win yu'tac cha. 'Ixta tznib'j eb', sec tzsat 'ejm win 'ay yaln yic yi'n can smacl smam cha. 'Ixta tznib'j eb' tzin 'ajcni, man̈x 'a yin̈tl win tzcani, sec tzsat 'ejm yalx win wichmil chi 'a sat lum tic, xchi 'ix.

Lv 26:36

Ax eb' eyin̈tl pitznto 'a scal eb' 'ajc'ojl yajch 'ayx cha, 'oj wac' jawc xiwc'ojlal eb' si'mb'il. 'Oj laj comn 'at eb' 'eloc, yic 'oj yab'nc eb' sc'an̈ yem c'otnjoc junc xil te'. 'Oj laj 'at eb' 'eloc, 'icha to 'ay mach pechjnac eb' yet' q'uen espada. 'Oj laj smac' telwc sb'a eb' s'at 'eloc, palta may mach tzpechn eb'.

Lv 26:17

An 'oj woch 'ajc'ojlal 'ayex, ax e lajw 'el yuj eb' 'ajc'ojl cha. 'Oj e can 'a yaln̈ yuj eb', mun xoj 'oj e 'at 'eloc, wach'xam may mach tzex pechni.

Gn 3:24

Xlajw yelt can eb' 'anma chi yuj Dios, 'ix ya'n can 'och jun tzo'n̈ eb' querubín 'a stojlal 'aj tzq'uel c'u 'a Edén, yet' jun q'uen espada tzictzni yel sc'aq'uil yic tz'ec' oyyoc, sec wach' man̈x 'a junc mach tztac' yochi, yic tzlon sat te te tz'a'n q'uinl cha.

Gn 4:13

Yuj cha, xta'w Caín 'ixtc 'a Jehová: —Caw niwquil yailal jun xcotcn 'a wib'n̈ tic, caw wal ma'oj techjoc wu'uj.

Dt 28:64

A Jehová 'oj e pechn can 'at 'a jun tzo'n̈ xo nacion̈, 'oj e sactzic can 'at 'a jun tzo'n̈ chon̈b' 'ay 'a smasnil yolyib'n̈q'uinl tic. Ata 'oj eyal e b'a 'a jun tzo'n̈ comn dios tzb'o yet' te te', yet' q'uen q'ue'en, jun tzo'n̈ to man̈ eyojcoc, man̈ yojcoc pax eb' qui mam quichmec.